ନୂଆଦିଲ୍ଲୀ: ଇଣ୍ଡିଆନ ମେଡିକାଲ ଆସୋସିଏସନ ପକ୍ଷରୁ ଯୋଗଗୁରୁ ରାମଦେବ ବାବାଙ୍କ ବିରୋଧରେ ଦେଶ ଦ୍ରୋହ ମାମଲା ରୁଜୁ କରିବା ପାଇଁ ଦାବି କରାଯାଇଛି। ରାମଦେବ ବାବାଙ୍କ ପକ୍ଷରୁ କରୋନା ଟୀକାକୁ ନେଇ ଭ୍ରମ ଏବଂ ଭୁଲ ବୟାନ ଦେଇଥିବାର ଆଇଏମଏ ଅଭିଯୋଗ କରିଛି। ଏହାସହ ଏଲୋପ୍ୟାଥି ଏବଂ ଡାକ୍ତରଙ୍କ ବିରୋଧରେ ସେ ବିବାଦିତ ବୟାନ ଦେଇଥିବା ମଧ୍ୟ ଅଭିଯୋଗ ହୋଇଛି। ତେଣୁ ତାଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନେବା ପାଇଁ ଆଇଏମଏ ଦାବି କରିଛି। ଏଥିପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଆଇଏମଏ ଚିଠି ଲେଖି ଦାବି କରିଛି।
