ନୂଆଦିଲ୍ଲୀ: ସାହସିକତା ପାଇଁ ରାଷ୍ଟ୍ରପତି ପୋଲିସ ମେଡାଲ୍ ପୁରଷ୍କାର ଘୋଷଣା ହୋଇଛି। ୭୫ତମ ସ୍ୱାଧୀନତା ଦିବସ ଅବସରରେ ଦେଶର ୧୩ ଶହ ୮୦ ପୋଲିସ ଅଧିକାରୀ ଓ କର୍ମଚାରୀଙ୍କୁ ସାହସିକତା ପୁରସ୍କାର ପ୍ରଦାନ କରାଯିବ। ସେମାନଙ୍କ ମଧ୍ୟରୁ ଓଡ଼ିଶା ୬୭ ପୋଲିସ ଅଧିକାରୀ ଓ କର୍ମଚାରୀଙ୍କୁ ମଧ୍ୟ ସାହସିକତା ପୋଲିସ ମେଡାଲ ମିଳିବ।
ତେବେ ଉଲ୍ଲେଖନୀୟ ସେବା ପାଇଁ ଓଡିଶାର ୨ ଜଣ ଅଧିକାରୀଙ୍କୁ ରାଷ୍ଟ୍ରପତି ପୋଲିସ ମେଡାଲ ମିଳିବ। ଏସଆଇଡବ୍ଲୁର ଡିଏସପି ଉମାଶଙ୍କର ପଣ୍ଡା ଓ ଭିଜିଲାନ୍ସର କନଷ୍ଟେବଳ ଭାବଗ୍ରାହୀ ତ୍ରିପାଠୀଙ୍କୁ ରାଷ୍ଟ୍ରପତି ପୋଲିସ ମେଡାଲ ମିଳିବ।
ସେହିପରି ୯ ଜଣଙ୍କୁ ବିଶିଷ୍ଟ ସେବା ପାଇଁ ମିଳିବ ପୋଲିସ ପଦକ ମିଳିବ। କେନ୍ଦ୍ରାଞ୍ଚଳ ଆଇଜି ନରସିଂହ ଭୋଳ, ଏସଓଜି ଡେପୁଟୀ କମାଣ୍ଟାଣ୍ଟ ଅଶୋକ କୁମାର ସାହୁ, ବରଗଡ଼ ଡିଏସପି ପ୍ରଦୀପ କୁମାର, ସାହୁ, ଭବାନୀପାଟଣା ଭିଜିଲାନ୍ସ ଡିଏସପି ସତ୍ୟବାନ ମହାନନ୍ଦ, କଟକ ଏସିପି ଅମରେନ୍ଦ୍ର ପଣ୍ଡା, ଯାଜପୁର ଏଏସପି ଜୟରାମ ଶତପଥି, ସମ୍ୱଲପୁର ଡିଏସପି ତପନ କୁମାର ମହାନ୍ତିଙ୍କୁ ଏହି ପଦକ ମିଳିବ ।
ସେହିପରି ବିଶିଷ୍ଟ ସେବା ପାଇଁ କ୍ରାଇମବ୍ରାଞ୍ଚ ଇଓଡବ୍ଲ୍ୟୁ ଏସଆଇ ସୁକାନ୍ତ ମହାନ୍ତି, ହାବିଲଦାର ଶେକ୍ ଅବୀର, ଭିଜିଲାନ୍ସ କନଷ୍ଟେବଳ ଭଗବାନ ସାହୁ, ସିପାହୀ ବିଶ୍ୱକର୍ମା ମୁଣ୍ଡାଙ୍କୁ ପୋଲିସ ପଦକ ପ୍ରଦାନ କରାଯିବ।