ନୂଆଦିଲ୍ଲୀ, NTPC ଲିମିଟେଡ୍ ସେପ୍ଟେମ୍ବର 1 ତାରିଖରୁ ସୁନ୍ଦରଗଡ ଜିଲ୍ଲାର ଡର୍ଲିପାଲି ସୁପର ଥର୍ମାଲ୍ ପାୱାର ଷ୍ଟେସନର ଦ୍ୱିତୀୟ ୟୁନିଟ୍ ର ବ୍ୟବସାୟିକ କାର୍ଯ୍ୟ ଆରମ୍ଭ କରିବ। ଏ ନେଇ କଂପାନୀ ତରଫରୁ ଘୋଷଣା କରାଯାଇଛି। “800 ମେଗାୱାଟ କ୍ଷମତା ବିଶିଷ୍ଟ ପାୱାର ପ୍ଲାଣ୍ଟର ଦ୍ୱିତୀୟ ୟୁନିଟ୍ ଚଳିତ ଜୁଲାଇ 21 ରେ ଏହାର ପରୀକ୍ଷା କାର୍ଯ୍ୟ ଶେଷ କରିଛି। ବର୍ତ୍ତମାନ ସେପ୍ଟେମ୍ବର 1 ତାରିଖରୁ ବ୍ୟବସାୟିକ ଉତ୍ପାଦନ ଆରମ୍ଭ କରିବ ବୋଲି ଏନଟିପିସି ର ପୂର୍ବାଞ୍ଚଳ ଆଞ୍ଚଳିକ କାର୍ଯ୍ୟନିର୍ବାହୀ ନିର୍ଦ୍ଦେଶକ ଶ୍ରୀ ଏସ.କେ ସତ୍ୟ କହିଛନ୍ତି।
1600 ମେଗାୱାଟ (2 X 800 ମେଗାୱାଟ) ର ଡର୍ଲିପାଲି ପାୱାର ପ୍ରୋଜେକ୍ଟ ଦ୍ୱାରା ଉତ୍ପାଦିତ ଶକ୍ତିର 50 ପ୍ରତିଶତ ଓଡିଶା ପାଇବାକୁ ହକଦାର। ଅବଶିଷ୍ଟ 50 ପ୍ରତିଶତ ବିହାର, ଝାଡଖଣ୍ଡ, ସିକ୍କିମ ଏବଂ ପଶ୍ଚିମବଙ୍ଗକୁ ବିକ୍ରି ହେବ। କେନ୍ଦ୍ରୀୟ ବିଦ୍ୟୁତ୍ ନିୟାମକ ଆୟୋଗ (ସିଆରସି) ସହିତ ବିଦ୍ୟୁତ୍ କ୍ରୟ ଚୁକ୍ତି ଅନୁଯାୟୀ ଡର୍ଲିପାଲି ପ୍ଲାଣ୍ଟରୁ ବିଦ୍ୟୁତ୍ ମୂଲ୍ୟ ୟୁନିଟ୍ ପିଛା 2.90 ଟଙ୍କା ହେବ। ବିଦ୍ୟୁତ୍ ନିର୍ଦ୍ଧାରିତ ମୂଲ୍ୟ Rs 1.90 ଟଙ୍କା ଧାର୍ଯ୍ୟ ହୋଇଥିବାବେଳେ। ୟୁନିଟ୍ ପିଛା ଭେରିଏବଲ୍ ମୂଲ୍ୟ 1.90 ଟଙ୍କା ସ୍ଥିର ହୋଇଛି।
ଏହି ପ୍ରକଳ୍ପରେ NTPC 13,500 କୋଟିରୁ ଅଧିକ ଖର୍ଚ୍ଚ କରିସାରିଛି ଯାହାର ଆନୁମାନିକ ମୂଲ୍ୟ 13,700 କୋଟି ଅଟେ। କୋଇଲା ପରିବହନ ପାଇଁ ରେଳ ଲାଇନ ନିର୍ମାଣ ଏବଂ ମେରୀ ଗୋ ରାଉଣ୍ଡ (MGR) ନିର୍ମାଣ ପରି କେତେକ କାର୍ଯ୍ୟ ବର୍ତ୍ତମାନ ଚାଲିଛି। ସେହିପରି କୋଇଲା ପଠାଇବା ପାଇଁ ଲାଇକେରା ଏବଂ କେଚୋବାହାଲ ଝାରସୁଗୁଡା ଷ୍ଟେସନରେ ରେଳ ସାଇଡିଂ କାର୍ଯ୍ୟ ଜୁନ୍ 2022 ସୁଦ୍ଧା ସମାପ୍ତ ହେବ ବୋଲି ଆଶା କରାଯାଉଛି |
ଜମି ଅଧିଗ୍ରହଣ ସମସ୍ୟା ହେତୁ ରେଳ ଲାଇନ ଏବଂ MGR ନିର୍ମାଣରେ ବିଳମ୍ବ ହୋଇଥିଲା। ତେବେ, ଜାନୁଆରୀ 21 ରେ କ୍ୟାବିନେଟ୍ କମିଟି (ସିସିଆଇ) ରାଜ୍ୟ ସରକାରଙ୍କ ସହ ଆଲୋଚନା କରିବା ପରେ ଏହି ସମସ୍ୟାର ସମାଧାନ ହୋଇଛି ବୋଲି କଂପାନୀ ତରଫରୁ କୁହାଯାଇଛି।
