ଭୁବନେଶ୍ବର, ପୁଣିଥରେ ସ୍କୁଲ ବନ୍ଦ କରାଯିବ। ଏହିପରି ପରୋକ୍ଷରେ ସୂଚନା ଦେଇଛନ୍ତି ରାଜ୍ୟ ସ୍ବାସ୍ଥ୍ୟ ବିଭାଗର ଡିଏମଇଟି ସି.ବି କେ ମହାନ୍ତି। ଆଜି ଏକ ସାକ୍ଷାତକାରରେ ସେ କହିଛନ୍ତି ଯେ, ବର୍ତ୍ତମାନ ସ୍କୁଲରେ ଥଣ୍ଡାକାଶ ହେଉଥିବା ପିଲାଙ୍କୁ ଚିହ୍ନଟ କରାଯାଇଛି। ସେମାନଙ୍କୁ ଏପରି ରୋଗ ହୋଇଥିଲେ ସ୍କୁଲ ନ ଛାଡିବା ପାଇଁ ନିର୍ଦ୍ଦେଶ ରହିଛି। ତଥାପି ପିତାମାତା ସେମାନଙ୍କୁ ସ୍କୁଲକୁ ଛାଡୁଛନ୍ତି। ଏପରି ପରିସ୍ଥିତିରେ ସରକାର ସ୍କୁଲ ବନ୍ଦ କରିବାକୁ ବାଧ୍ୟ ହେବେ ବୋଲି ମହାନ୍ତି କହିଛନ୍ତି।
ସରକାରଙ୍କ ତରଫରୁ ବାରମ୍ବାର ତାଗିଦ କରିବା ସତ୍ବେ ବାପାମା ଥଣ୍ଡାକାସ ହେଉଥିବା ପିଲାମାନଙ୍କୁ ସ୍କୁଲକୁ ଛାଡୁଛନ୍ତି। ବର୍ତ୍ତମାନ ତୃତୀୟ ଲହର ପିଲାମାନଙ୍କୁ ଆକ୍ରାନ୍ତ କରିବ ବୋଲି ସମ୍ଭାବନା ରହିଛି। ଏପରି କ୍ଷେତ୍ରରେ ରାଜ୍ୟ ସରକାର ଏପରି ପରିସ୍ଥିତିକୁ ଗୁରୁତର ସହ ଚିନ୍ତା କରୁଛନ୍ତି ବୋଲି ସେ କହିଛନ୍ତି।
ଅନ୍ୟପକ୍ଷରେ ରାଜ୍ୟରେ 18 ବର୍ଷରୁ କମ ବୟସ୍କ ଆକ୍ରାନ୍ତ ସଂଖ୍ୟା ପରିଲକ୍ଷିତ ହେଉଛି। ଏହି ସଂଖ୍ୟା ବଢି ନ ଥିଲେ ମଧ୍ୟ ଭବିଷ୍ୟତରେ କଣ ସ୍ଥିତି ହେବ ତାହା ଅନୁମାନ କରି ହେଉଛି। ବର୍ତ୍ତମାନ ରିପୋର୍ଟ ଅନୁସାରେ ଓଡିଶାର କୌଣସି ହସପିଟାଲର ଆଇୟିୟୁରେ କମ ବୟସ୍କ ରୋଗୀ ଚିକିତ୍ସିତ ହେଉ ନାହାଁନ୍ତି। ଏପରିକି ଭେଣ୍ଟିଲେଟରରେ 0.2 ପ୍ରତିଶତ କମ ବୟସ୍କ ଚିକିତ୍ସିତ ହେଉଛନ୍ତି। ଏପରି ସ୍ଥଳରେ ସମସ୍ତେ ସାବଧାନତା ଅବଲମ୍ବନ କରିବା ଆବଶ୍ୟକ ବୋଲି କୁହାଯାଇଛି।