ଲକ୍ଷ୍ନୌ: ଉତ୍ତରପ୍ରଦେଶ ବିଧାନସଭା ନିର୍ବାଚନ ପୂର୍ବରୁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଆଜି ତାଙ୍କ କ୍ୟାବିନେଟକୁ ବିସ୍ତାର କରିଛନ୍ତି। ଯୋଗୀ କ୍ୟାବିନେଟରେ ୭ ଜଣ ନୂତନ ମନ୍ତ୍ରୀ ସ୍ଥାନ ପାଇଛନ୍ତି। କଂଗ୍ରେସ ଛାଡି ବିଜେପିରେ ଯୋଗ ଦେଇଥିବା ଜିତିନ ପ୍ରସାଦଙ୍କୁ ମଧ୍ୟ ମନ୍ତ୍ରୀ କରାଯାଇଛି। ପଲ୍ଟୁ ରାମ, ଛତ୍ରପାଲ ଗଙ୍ଗୱାର, ସଂଗୀତ ବଲୱନ୍ତ ବିନ୍ଦ, ଧର୍ମବୀର ପ୍ରଜାପତି, ସଂଗୀତ କୁମାର ଗୋଣ୍ଡ ଏବଂ ଦୀନେଶ ଖଟିକଙ୍କୁ ମନ୍ତ୍ରୀ କରାଯାଇଛି। ୟୁପିର ତିନିଜଣ ମନ୍ତ୍ରୀ କରୋନାରେ ମୃତ୍ୟୁ ବରଣ କରିଥିଲେ। ସେହି ତିନୋଟି ପଦବୀ ବ୍ୟତୀତ ଅନ୍ୟାନ୍ୟ ପଦବୀ ମଧ୍ୟ ଖାଲି ରହିଥିଲା, ଯାହା ଆଜି ପୂରଣ ହୋଇଛି।
କ୍ୟାବିନେଟ ବିସ୍ତାରରେ ଜାତି ସନ୍ତୁଳନ ଉପରେ ବିଜେପି ଧ୍ୟାନ ଦେଇଛି। ସୂଚନାନୁସାରେ, କ୍ୟାବିନେଟ ବିସ୍ତାରରେ ଜାତି ଏବଂ ସମ୍ପ୍ରଦାୟର ସର୍ବାଧିକ ପ୍ରତିନିଧିତ୍ୱ ନିଶ୍ଚିତ କରିବାକୁ ଉଦ୍ୟମ କରାଯାଇଛି।
ୟୁପି ବିଧାନସଭା ନିର୍ବାଚନ ପୂର୍ବରୁ ଅଧିକରୁ ଅଧିକ ପଛୁଆ ଜାତି, ବିଶେଷକରି ଅଣ ଯାଦବ ଜାତିସଂଘକୁ ଏକାଠି କରିବାକୁ ବିଜେପିର ଉଦ୍ୟମ ଭାବରେ ଏହି କ୍ୟାବିନେଟର ସମ୍ପ୍ରସାରଣ ଦେଖାଯାଉଛି। ୟୁପିରେ ଏସପି ସରକାର ଥିବା ବେଳେ, ଯାଦବମାନଙ୍କୁ ମନ୍ତ୍ରୀମଣ୍ଡଳରେ ଅଧିକ ସ୍ଥାନ ଦିଆଯାଉଥିବା କୁହାଯାଉଥିଲା।
