ଇସଲାମାବାଦ: ଆଜିକାଲି ପାକିସ୍ତାନ ଏକ ବଡ଼ ଅର୍ଥନୈତିକ ସଙ୍କଟ ଦେଇ ଗତି କରୁଛି। ଏଭଳି ପରିସ୍ଥିତିରେ ପାକିସ୍ତାନ ପୁଣିଥରେ ଭାରତ ସହ ବାଣିଜ୍ୟ ଆରମ୍ଭ କରିବାକୁ ମନ କରୁଛି। ଆଜିକାଲି ପାକିସ୍ତାନକୁ ଭାରତ ସହ ବାଣିଜ୍ୟ ଆରମ୍ଭ କରିବାକୁ ଓକିଲାତି କରାଯାଉଛି। ଉଲ୍ଲେଖନୀୟ କଥା ହେଉଛି, ଯେତେବେଳେ ଭାରତ ସରକାର ଜମ୍ମୁ-କାଶ୍ମୀରର ସ୍ୱତନ୍ତ୍ର ରାଜ୍ୟର ପ୍ରତ୍ୟାହାର କରିନେଲେ, ଅଗଷ୍ଟ, ୨୦୧୯ରୁ ଦୁଇ ଦେଶ ମଧ୍ୟରେ ବାଣିଜ୍ୟ ସ୍ଥଗିତ ରଖାଯାଇଥିଲା। କିନ୍ତୁ ବର୍ତ୍ତମାନ ପାକିସ୍ତାନର ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଉପଦେଷ୍ଟା ଅବଦୁଲ ରଜାକ ଦାଉଦ ଭାରତ ସହ ବାଣିଜ୍ୟ ଖୋଲିବାକୁ ପ୍ରୋତ୍ସାହିତ କରିଛନ୍ତି। ଡାଉଦ କହିଛନ୍ତି ଯେ, ଆମେ ଭାରତ ସହିତ ବାଣିଜ୍ୟ ଚାହୁଁଛୁ।
ଦାଉଦଙ୍କ ଏହି ବିବୃତ୍ତି ପରେ ପାକିସ୍ତାନ-ଭାରତ ଦ୍ୱିପାକ୍ଷିକ ବାଣିଜ୍ୟିକ ସମ୍ପର୍କର ଆଂଶିକ ଖୋଲିବାର ସମ୍ଭାବନା ଅଛି। ଅଗଷ୍ଟ ୫ ତାରିଖ ୨୦୧୯ରେ ଜମ୍ମୁ କାଶ୍ମୀରର ସ୍ଵତନ୍ତ୍ର ରାଜ୍ୟକୁ ଭାରତ ପ୍ରତ୍ୟାହାର କରିବା ପରେ ଦୁଇ ଦେଶ ମଧ୍ୟରେ ବାଣିଜ୍ୟିକ ସମ୍ପର୍କ ସ୍ଥଗିତ ରହିଥିଲା।
