ଭୁବନେଶ୍ୱର: ଲାୟନ୍ସ ଜିଲ୍ଲା ୩୨୨ସି୪ର ଗଭର୍ଣ୍ଣର ଲାୟନ ପୂର୍ଣ୍ଣଚନ୍ଦ୍ର ପାଢୀ ଲାୟନ୍ସ କ୍ଲବ ଭୁବନେଶ୍ୱର ନୟାପଲ୍ଲୀର କାର୍ଯ୍ୟକଳାପ ପରିଦର୍ଶନ କରିଥିଲେ। ସର୍ବପ୍ରଥମେ ସେ କ୍ଲବର ସଭ୍ୟମାନଙ୍କ ସହ ଘାଟିକିଆରେ ଥିବା ଦୃଷ୍ଟିହୀନ, ମୁକ, ବଧୀର ବିଦ୍ୟାଳୟରେ ଶୁଖିଲା ଖାଦ୍ୟସାମଗ୍ରୀ ବଣ୍ଟନ କରିଥିଲେ ଏବଂ ଆମ୍ରି ହସ୍ପିଟାଲସ୍ଥିତ ଅସହାୟ କେନ୍ଦ୍ର ନିମାଂଶଠାରେ ମଧ୍ୟାହ୍ନ ଭୋଜନକୁ ନିଜ ହସ୍ତରେ ଅନ୍ତେବାସୀଙ୍କୁ ଆପ୍ୟାୟିତ କରିଥିଲେ।
ସନ୍ଧ୍ୟାରେ ଗଭର୍ଣ୍ଣର ଲାୟନ ପାଢୀ ଶତାଧିକ ଲାୟନ ସଭ୍ୟମାନଙ୍କ ଗହଣରେ ଏକ ସାଧାରଣ ସଭାରେ ଯୋଗ ଦେଇଥିଲେ। ସଭାପତି ଲାୟନ କୁନାଲ କିଶୋର ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉକ୍ତ ସଭାରେ ସମ୍ପାଦକ ଲାୟନ ଦେବାଶିଷ ପଟ୍ଟନାୟକ କ୍ଲବର ବିବରଣୀ ପାଠ କରିଥିଲେ। ଲାୟନ ମହେନ୍ଦ୍ର ପାତ୍ର, ଲାୟନ ନିର୍ମଳ ବେହେରା ଓ ପ୍ରଥମ ଉପଜିଲ୍ଲା ଗଭର୍ଣ୍ଣର ଲାୟନ ସୁରେଶ ଚନ୍ଦ୍ର ନାୟକ ଏବଂ ବହୁ ଲାୟନ ସଭ୍ୟମାନଙ୍କ ଉପସ୍ଥିତିରେ ଲାୟନ ପାଢୀ କ୍ଲବର କାର୍ଯ୍ୟକଳାପ ଉପରେ ଆଲୋକପାତ କରି ଭୂୟସୀ ପ୍ରଶଂସା କରିଥିଲେ।
ଏହି ଅବସରରେ ୩ ଜଣ ପ୍ରଶଂସିତ ବ୍ୟକ୍ତିଙ୍କୁ ସମ୍ମାନିତ କରାଯାଇଥିଲା। ସେମାନେ ହେଲେ ଟ୍ରାଫିକ୍ ଡ଼େପୁଟି କମିଶନର ଡକ୍ଟର କେ.କେ. ପାଣିଗ୍ରାହୀ, ସମାଜସେବୀ ଗଗନ ପାଇଟାଲ ଓ ଭିନ୍ନକ୍ଷମ ମୋନାଲି ସ୍ୱାଇଁ।
ଲାୟନ ପ୍ରଦୀପ୍ତ ମହାନ୍ତି ଉକ୍ତ ସଭାକୁ ସୁଚାରୁ ରୂପେ ପରିଚାଳନା କରିଥିଲେ ଓ ସର୍ବଶେଷରେ ଲାୟନ ମଧୁସୂଦନ ଦାସ ଧନ୍ୟବାଦ ଅର୍ପଣ କରିଥିଲେ।