ଖୋର୍ଦ୍ଧା: ସୋମବାର ଦିନ କାର୍ଯ୍ୟରେ ଯୋଗ ଦେଇଛନ୍ତି ଖୋର୍ଦ୍ଧା ଜିଲ୍ଲାର ନୂତନ ଏସପି ଆଇପିଏସ ସିଦ୍ଧାର୍ଥ କଟରିଆ । ଶ୍ରୀ କଟରିଆ ଆଜି ଅପରାହ୍ନରେ କାର୍ଯ୍ୟାଳୟକୁ ଆସିବା ପରେ ସମସ୍ତ ପୋଲିସ ଅଧିକାରୀମାନେ ତାଙ୍କୁ ପୁଷ୍ପଗୁଛ ଦେଇ ସ୍ୱାଗତ କରିଥିଲେ । କଟରିଆଙ୍କ ନିଜ ଘର ଉତ୍ତରପ୍ରଦେଶ ହୋଇଥିବାବେଳେ, ସେ ୨୦୧୭ ମସିହା ଓଡ଼ିଶା କ୍ୟାଡର ଆଇପିଏସ ଅଫିସର ।
ପୂର୍ବରୁ ସେ ତାଳଚେର ଏସଡିପିଓ ଏବଂ ପରେ ନୟାଗଡ଼ ଏସପି ଭାବେ ଦାୟିତ୍ବ ତୁଲାଇଥିଲେ । ତେବେ ଖୋର୍ଦ୍ଧା ଜିଲ୍ଲା ବିଶେଷକରି ଚିଲିକା ପାଇଁ କଣ ପ୍ରାଥମିକତା ରହିବ ବୋଲି ଆମ ପ୍ରତିନିଧି ପଚାରିବାରୁ ଜିଲ୍ଲାରେ ଜନସାଧାରଣ ଙ୍କ ଅଭିଯୋଗ କୁ ପ୍ରାଥମିକତା ଦିଆଯିବ ବୋଲି କହିଛନ୍ତି ଏସପି ଶ୍ରୀ କଟରିଆ । ତତସହିତ ଜିଲ୍ଲାରେ ବଢୁଥିବା ଅପରାଧିକ ମାମଲା ଯେପରି ଗୋରୁ ଚାଲାଣ, ଖଣି ମାଫିଆ ଏବଂ ବ୍ରାଉନସୁଗାର ବେପାର ଆଦିକୁ ରୋକ ଲଗାଇବା ଦିଗରେ କାର୍ଯ୍ୟ କରିବେ ବୋଲି ଶ୍ରୀ କଟରିଆ କହିଛନ୍ତି।
ମହିଳା ଏବଂ ବରିଷ୍ଠ ନାଗରିକଙ୍କୁ ଅଭିଯୋଗ କୁ ପ୍ରାଧାନ୍ୟ ଦିଆଯିବା ସହ ଖୁବ ଶୀଘ୍ର ଜିଲ୍ଲାର ସମସ୍ତ ଥାନାରେ ଏସପିଙ୍କ ସିୟୁଜି ନମ୍ବର ଜନସାଧାରଣ ଙ୍କ ଉଦ୍ଦେଶ୍ୟରେ ସାର୍ବଜନୀନ କରାଯିବ ବୋଲି କହିଛନ୍ତି ଶ୍ରୀ କଟରିଆ l