କନ୍ଦର୍ପ ବେହେରା
ରେଢ଼ାଖୋଲ: ସମ୍ବଲପୁର ଜିଲ୍ଲା ରେଢ଼ାଖୋଲ ଏନଏସି ଅନ୍ତର୍ଗତ କେନ୍ଦୁକଟା ଗ୍ରାମ ନିକଟରୁ ବୁଧବାର ଦିନ ୭ କେଜି ଚୋରା ଚାଲାଣ ହେଉଥିବା ଗଞ୍ଜେଇ ଜବତ ସହ ଜଣେ ବ୍ୟକ୍ତିଙ୍କୁ ଗିରଫ କରିଛି ଅବକାରୀ ବିଭାଗ।
ସୂଚନା ଯୋଗ୍ୟ ଯେ, ଅବକାରୀ ବିଭାଗ ପକ୍ଷରୁ କେନ୍ଦୁକଟା ଗ୍ରାମ ନିକଟ ତାରିଣୀ ମନ୍ଦିର ସମ୍ମୁଖରେ ପେଟ୍ରୋଲିଙ୍ଗ କରୁଥିବା ସମୟରେ ଅକ୍ଷୟ କୁମାର ବିଶି (୪୨) ଗ୍ରାମ ବଡ଼ିଗାଁ ଜିଲ୍ଲା ବୌଦ୍ଧ ବ୍ୟକ୍ତି ଜଣକ ରେଢ଼ାଖୋଲ ରେଳ ଷ୍ଟେସନ ଅଭିମୁଖେ ଆସୁଥିବା ବେଳେ ଅବକାରୀ ବିଭାଗ ଦେଖି ସନ୍ଦେହ ହେବାରୁ ଅଟକାଇ ଥିଲେ।
ଅଭିଯୁକ୍ତ ଅକ୍ଷୟ ପାଖରୁ ଏକ ବସ୍ତାରେ ୦୭ କେଜି ଗଞ୍ଜେଇ ଜବତ କରିବା ସହିତ ତାଙ୍କୁ ଗିରଫ କରାଯାଇଥିଲା।
ଏହି ପେଟ୍ରୋଲିଙ୍ଗରେ ଅବକାରୀ ବିଭାଗ ରେଢ଼ାଖୋଲ ଉପ ନିରୀକ୍ଷକ ବିଷ୍ଣୁ ଚରଣ ମଲ୍ଲିକ, ସହ ଉପ ନିରୀକ୍ଷକ ବିନୋଦିନୀ ବେହେରା, ଅବକାରୀ ବିଭାଗ ସିପାହୀ ଦେବ ରଞ୍ଜନ ବେହେରା ଓ ଶ୍ୟାମ ଭୋଇ ପ୍ରମୁଖ ସାମିଲ ଥିଲେ।
