ଭୁବନେଶ୍ୱର: ରିଲାଏନ୍ସ ବ୍ରାଣ୍ଡ୍ସ ଲିମିଟେଡ୍ (ଆର୍ବିଏଲ୍) ଲୋକପ୍ରିୟ ଖାଦ୍ୟ ଶୃଙ୍ଖଳା ବ୍ରାଣ୍ଡ୍ “ପ୍ରେଟ୍ ଏ ମେଞ୍ଜେଏର’ ସହିତ ଗୁରୁତ୍ୱପୂର୍ଣ୍ଣ ସହଯୋଗିତା ସ୍ଥାପନ କରିଥିବା ବିଷୟରେ ଘୋଷଣା କରିଛି। “ପ୍ରେଟ୍ ଏ ମେଞ୍ଜେଏର’କୁ ଭାରତୀୟ ବଜାରରେ ଦୃଢ଼ କରିବା ଲାଗି ଉଭୟ କଂପାନି ମିଳିତ ଭାବେ କାର୍ଯ୍ୟ କରିବେ। ନିଜର ସତେଜ ଖାଦ୍ୟ ଓ ଜୈବିକ କଫି ପାଇଁ “ପ୍ରେଟ୍ ଏ ମେଞ୍ଜେଏର’ ସାରା ବିଶ୍ୱରେ ବେଶ ଲୋକପ୍ରିୟ। ଏହି ଫ୍ରାଂଚାଇଜି ସହଯୋଗିତା ସହିତ ରିଲାଏନ୍ସ ବ୍ରାଣ୍ଡ୍ସ ଏବେ ସାରା ଦେଶର ପ୍ରମୁଖ ସହରରେ ଏହି ଖାଦ୍ୟ ଶୃଙ୍ଖଳା ଖୋଲିବ।
“ପ୍ରେଟ୍ ଏ ମେଞ୍ଜେଏର’ର ପ୍ରମୁଖ ଫୁଡ୍ ସପ୍ ୧୯୮୬ରେ ଲଣ୍ଡନରେ ଖୋଲାଯାଇଥିଲା। ସେଠାରେ ହାତ ତିଆରି ସତେଜ ରେଟି-ଟୁ-ଇଟ୍ ଖାଦ୍ୟ ଗ୍ରାହକମାନଙ୍କୁ ପରଷା ଯାଉଥିଲା। କଂପାନିର ଏବେ ବ୍ରିଟେନ୍, ଆମେରିକା ଓ ଏସିଆର ୯ଟି ଦେଶରେ ୫୫୦ ଫୁଡ୍ ସପ୍ ରହିଛି। ଅନ୍ୟ ପକ୍ଷରେ ରିଲାଏନ୍ସ ବ୍ରାଣ୍ଡ୍ସକୁ ଭାରତର ସବୁଠୁ ବଡ଼ ବିଳାସପୂର୍ଣ୍ଣ ଓ ପ୍ରିମିୟମ୍ ରିଟେଲର ଭାବେ ବିବେଚନା କରାଯାଉଛି। ବିଗତ ୧୪ ବର୍ଷରେ କଂପାନି ସାରା ଦୁନିଆର ବ୍ରାଣ୍ଡ୍କୁ ବିକଶିତ କରିଛି।
ରିଲାଏନ୍ସ ବ୍ରାଣ୍ଡ୍ସ ଲିମିଟେଡ୍ର ଏମ୍ଡି ଦର୍ଶନ ମେହତା କହିଛନ୍ତି ଯେ, “ପ୍ରେଟ୍ ସହିତ ଆମର ସହଯୋଗିତା ଭାରତର ଖାଦ୍ୟ ଓ ପନୀୟ ଉଦ୍ୟୋଗର ଦୃଢ଼ ବିକାଶ କ୍ଷମତା ସହ ନିହିତ ରହିଛି। ଭାରତୀୟ ଉପଭୋକ୍ତାଙ୍କ ପସନ୍ଦ ଉପରେ ଆର୍ବିଏଲ୍ ତୀକ୍ଷ୍ଣ ନଜର ରଖିଥାଏ। ଗ୍ରାହକମାନଙ୍କ ମଧ୍ୟରେ ଖାଦ୍ୟକୁ ନେଇ ସଚେତନତା ବଢ଼ିଥିବା ବେଳେ ରେଡି-ଟୁ-ଇଟ୍ ନୂଆ ଫେସନରେ ପରିଣତ ହୋଇଛି। ସାରା ଦୁନିଆର ଲୋକମାନଙ୍କ ଭଳି ଭାରତୀୟମାନେ ମଧ୍ୟ ସତେଜ ଓ ଜୈବିକ ସାମଗ୍ରୀରେ ପ୍ରସ୍ତୁତ ଭୋଜନର ଅନୁଭୂତି ହାସଲ କରିବାକୁ ଚାହୁଛନ୍ତି । ସେମାନଙ୍କ ଚାହିଦାକୁ ଭଲ ଭାବେ ପୂରଣ କରିବାକୁ ପ୍ରେଟ୍ ସକ୍ଷମ।’’
ପ୍ରେଟ୍ ଏ ମେଞ୍ଜେଏର୍ର ସିଇସ ପୈନୋ କ୍ରିଷ୍ଟୋଡ୍ କହିଛନ୍ତି ଯେ, “ଦୁଇ ଦଶଦ୍ଧି ପୂର୍ବେ ଆମେ ଏସିଆରେ ପ୍ରେଟ୍ର ପ୍ରଥମ ଆଉଟ୍ଲେଟ୍ ଖୋଲିଥିଲୁ ଓ ଆମର ତାଜା ଭୋଜନ ତଥା ୧୦୦% ଅର୍ଗାନିକ କଫିକୁ ପୂରା ମହାଦ୍ୱୀପର ନୂତନ ସହରରେ ପହଂଚାଇବା ଲାଗି ତାହା ଆମ ପାଇଁ ପ୍ରେରଣା ହୋଇରହିଛି। ନିଜର ବିଶେଷତା ଜରିଆରେ ଆମକୁ ଭାରତରେ ସଫଳ କରିବାରେ ଆର୍ବିଏଲ୍ ସହାୟକ ହେବ। ଆମେ ସେମାନଙ୍କ ସହିତ କାମ କରିବାକୁ ଅତ୍ୟନ୍ତ ଉତ୍ସୁକ ଓ ଏହା ହେଉଛି ଆମ ପାଇଁ ବର୍ତମାନ ପର୍ଯ୍ୟନ୍ତର ସବୁଠୁ ମହତ୍ୱକାଂକ୍ଷୀ ସହଯୋଗିତା।’’