ଭୁବନେଶ୍ବର: ନବୀନ ପଟ୍ଟନାୟକ ହେଉଛନ୍ତି ମୋର ଭାଇ। ଆଜି ଏହିପରି ଭାବେ ଭରପୁର ସମ୍ମଳନୀ କକ୍ଷରେ ଏହା କହିଛନ୍ତି ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁ। ଆଜି ଦ୍ରୌପଦୀ ବିଧାନସଭା ପରିସରରେ ବିଜେଡି ବିଧାୟକ ଏବଂ ସାଂସଦଙ୍କୁ ସମ୍ବୋଧନ କରିଥିଲେ। ସେ କହିଥିଲେ ଯେ, ମୁଁ ନବୀନ ଭାଇଙ୍କୁ ଭୋଟ ମାଗିବା ପୂର୍ବରୁ ସେ ସମର୍ଥନ ଦେଇସାରିଛନ୍ତି।ଭାଇ ବିଦେଶରେ ଥିବା ବେଳେ ମୁଁ ଫୋନରେ କଥା ହୋଇଥିଲି। ଏଥିରେ ବିଧାୟକ ପ୍ରଣବ ପ୍ରକାଶ ଦାସ ଧନ୍ୟବାଦ ଦେଇଥିଲେ।
ନିଜ ପ୍ରଚାରରେ ଆସିଥିବା ଦ୍ରୌପଦୀ ମୁର୍ମୁ ଭୁବନେଶ୍ବର ବିମାନ ବନ୍ଦରରେ ପହଞ୍ଚିବା ପରେ ତାଙ୍କୁ ଉଭୟ ବିଜେଡି ଓ ବିଜେପି ତରଫରୁ ସ୍ବାଗତ କରାଯାଇଥିଲା। ଏହାପରେ ସେ ଅତିଥି ଭଭନରେ କିଛି ସମୟ ବିଶ୍ରାମ କରିବା ପରେ ବିଧାନସଭା ସମ୍ମିଳନୀ କକ୍ଷରେ ସେ ବିଜେଡି ବିଧାୟକ ସାଂସଦଙ୍କୁ ସାକ୍ଷାତ କରିଛନ୍ତି। ଏହାପରେ ସେ ରାଜ୍ୟ ଅତିଥି ଭବନରେ ବିଜେପି ବିଧାୟକ ସାଂସଦଙ୍କୁ ସାକ୍ଷାତ କରିଛନ୍ତି।
Tags: ଦ୍ରୌପଦୀ ମୁର୍ମୁ, ନବୀନ ପଟ୍ଟନାୟକ
