ଭୁବନେଶ୍ବର: ପୂର୍ବରୁ ଯେଉଁ ଚର୍ଚ୍ଚା ଚାଲିଥିଲା, ତାହା ଆଜି ସତ ହୋଇଛି। ଶେଷରେ ବିଜେପି ଛାଡିଲେ ପୂର୍ବତନ ମୁଖ୍ୟମନ୍ତ୍ରୀ ଗିରିଧର ଗମାଙ୍ଗ। ଏଥିସହିତ ସହିତ ତାଙ୍କ ପୁତ୍ର ଶିଶିର ଗମାଙ୍ଗ ମଧ୍ୟ ବିଜେପିରୁ ଇସ୍ତଫା ଦେଇଛନ୍ତି। ଆଜି ଏକ ସାମ୍ବାଦିକ ସମ୍ମିଳନୀ କରି ଉଭୟ ବାପପୁଅ ଇସ୍ତଫା ଦେଇଥିବା କଥାକୁ ସ୍ପଷ୍ଟ କରିଛନ୍ତି। ସେମାନେ ବିଜେପି ରାଷ୍ଟ୍ରୀୟ ଅଧ୍ୟକ୍ଷଙ୍କୁ ତାଙ୍କର ଇସ୍ତଫା ପତ୍ର ପଠାଇଛନ୍ତି ବୋଲି କହିଛନ୍ତି।
ତେବେ ଉଭୟ ଏକ ଜାତୀୟ ଦଳରେ ଯୋଗଦେବେ ବୋଲି ଘୋଷଣା କରିଛନ୍ତି। ସେହି ଦଳର ନାମ କହି ନ ଥିଲେ ମଧ୍ୟ ସେମାନେ କେ ଚନ୍ଦ୍ରଶେଖର ରାଓଙ୍କ ଭାରତ ରାଷ୍ଟ୍ରୀୟ ସମିତିରେ ଯୋଗ ଦେବେ। କାରଣ ପୂର୍ବରୁ ଉଭୟ ଗିରିଧର ଏବଂ ଶିଶିର କେସିଆରଙ୍କୁ ସାକ୍ଷାତ କରି ଓଡିଶାରେ ତାଙ୍କ ଦଳକୁ ପ୍ରବେଶ କରାଇବେ ବୋଲି ନିଷ୍ପତି ହୋଇଛି।
Tags: ଗିରିଧର ଗମାଙ୍ଗ, ଶିଶିର ଗମାଙ୍ଗ
