କୋଲକାତା: ପଶ୍ଚିମବଙ୍ଗରେ ଶିକ୍ଷକ ନିଯୁକ୍ତି ଦୁର୍ନୀତିରେ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ରବିବାର ଦିନ ଆଉ ଦୁଇଜଣ ଅଭିଯୁକ୍ତଙ୍କୁ ଗିରଫ କରିଛି। ଜଣେ ଅଧିକାରୀ ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ, ତାପସ ମଣ୍ଡଳ ଏବଂ ନୀଳଦ୍ରୀ ଘୋଷଙ୍କୁ ନିଜାମ ପ୍ୟାଲେସରେ ଥିବା ସିବିଆଇ କାର୍ଯ୍ୟାଳୟରେ ଅନେକ ଘଣ୍ଟା ଜେରା କରାଯାଇଥିଲା ଏବଂ ଶେଷରେ ସନ୍ଧ୍ୟାରେ ସେମାନଙ୍କୁ ଗିରଫ କରାଯାଇଥିଲା। ଉଭୟ ମଧ୍ୟସ୍ଥି ଭାବରେ କାର୍ଯ୍ୟ କରିଥିବା ଅଭିଯୋଗ ହୋଇଛି।
ଏହି ଅଧିକାରୀ କହିଛନ୍ତି ଯେ, ରାଜ୍ୟ ପ୍ରାଥମିକ ଶିକ୍ଷା ବୋର୍ଡର ପୂର୍ବତନ ଅଧ୍ୟକ୍ଷ ମାଣିକ ଭଟ୍ଟାଚାର୍ଯ୍ୟଙ୍କ ସହ ମଣ୍ଡଳଙ୍କର ଘନିଷ୍ଠ ସମ୍ପର୍କ ରହିଛି ଏବଂ ମଣ୍ଡଳଙ୍କ ଜେରା ବେଳେ ଘୋଷଙ୍କ ନାମ ସାମ୍ନାକୁ ଆସିଛି।
