ଭୁବନେଶ୍ବର: ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ତଥା 5ଟି ସଚିବ ଭି କେ ପାଣ୍ଡିଆନ ସୁନ୍ଦରଗଡ ଜିଲ୍ଲାରେ ମାରଥନ ଗସ୍ତ କରିଛନ୍ତି। ତେବେ ଏହି ଗସ୍ତ ସମୟରେ ସେ ସୁନ୍ଦରଗଡର ବିଭିନ୍ନ ଉନ୍ନୟନ ପ୍ରକଳ୍ପର ତଦାରଖ କରିଛନ୍ତି। ସେ ‘୫ଟି’ ଅଧୀନରେ ରୂପାନ୍ତରିତ ସରକାରୀ ହାଇସ୍କୁଲ ସହିତ ମିଶନ ଶକ୍ତି କାଫେ, ନିର୍ମାଣାଧୀନ ହକି ପ୍ରଶିକ୍ଷଣ କେନ୍ଦ୍ର ଏବଂ ଉପଖଣ୍ଡ ଚିକିତ୍ସାଳୟ, ବଣାଇଁ ପରିଦର୍ଶନ ସହିତ ବିରମିତ୍ରପୁରର ପ୍ରସ୍ତାବିତ ପ୍ରକଳ୍ପ ଆଦିର କାର୍ଯ୍ୟ ସମୀକ୍ଷା କରିଛନ୍ତି।
ତେବେ ସେ ଏହି ଗସ୍ତ ସମୟରେ ସୁନ୍ଦରଗଡର ଶିବ ମନ୍ଦିରରେ କିଛି ସମୟ ଧରି ପୂଜା ଅର୍ଚ୍ଚନା କରିଛନ୍ତି। ତାହାର କାରଣ ସଂପର୍କରେ ସେ କାହକୁ କିଛି କହି ନ ଥିଲେ। ହେଲେ ମନ୍ଦିରରେ ଥିବା ଶିବ ଲିଙ୍ଗ ନିକଟରେ ଭୋଗ ଅର୍ପଣ ସହିତ ଆଳତି ମଧ୍ୟ କରିଛନ୍ତି। ମୁଖ୍ୟତଃ ସୁନ୍ଦରଗଡ ପ୍ରକଳ୍ପର ସଫଳତା କାମନା କରି ଏହି ପ୍ରାର୍ଥନା କରିଥିବାର ସେଠାକାର ସେବାୟତମାନେ କହିଛନ୍ତି।