ମୁମ୍ବାଇ: ବଲିଉଡ ଅଭିନେତା ସଲମାନ ଖାନଙ୍କୁ ଗ୍ୟାଙ୍ଗଷ୍ଟର ଗୋଲ୍ଡି ବରାଡଙ୍କଠାରୁ ମିଳିଥିବା ଧମକ ପରେ ପୋଲିସ ଏବେ ଆଲର୍ଟ ମୋଡରେ ଆସିଛି। ରବିବାର ଦିନ ମୁମ୍ବାଇ ପୋଲିସ୍ ସଲମାନ ଖାନଙ୍କ ଘର ଗାଲାକ୍ସି ବାହାରେ ପାଟ୍ରୋଲିଂ କରୁଥିବା ଦେଖିବାକୁ ମିଳିଛି।
ବାସ୍ତବରେ ମାର୍ଚ୍ଚ ୧୮ ତାରିଖରେ ଅଭିନେତାଙ୍କୁ ଏକ ଧମକପୂର୍ଣ୍ଣ ଚିଠି ମିଳିଥିଲା। ଗୋଲଡି ବରାଡଙ୍କ ଦ୍ୱାରା ପଠାଯାଇଥିବା ଚିଠିକୁ ସଲମାନ ଖାନଙ୍କ ମ୍ୟାନେଜର ପ୍ରଶାନ୍ତ ଗୁଞ୍ଜଲକର ମିଳିଥିଲା। ଯାହା ପରେ ସେ ପୋଲିସ ନିକଟରେ ଅଭିଯୋଗ କରିଥିଲେ। ବାନ୍ଦ୍ରା ପୋଲିସ ଆଇପିସିର ଧାରା ୫୦୬ (୨), ୧୨୦ (ବି), ୩୪ ଅନୁଯାୟୀ ଗ୍ୟାଙ୍ଗଷ୍ଟର ଗୋଲ୍ଡି ବରାଡ, ଲରେନ୍ସ ବିଶ୍ନୋଇଙ୍କ ବିରୋଧରେ ମାମଲା ରୁଜୁ କରିଥିଲା।
