ନୂଆଦିଲ୍ଲୀ: ନୂତନ ସଂସଦ ଭବନର ଉଦଘାଟନୀ ସମାରୋହକୁ ବିରୋଧୀ ଦଳର ନିଷ୍ପତିକୁ ପୁନଃବିଚାର କରିବାକୁ ଅନୁରୋଧ କରିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ। ସେ ଏହି ନୂତନ କୋଠାକୁ ଗଣତନ୍ତ୍ରର ପ୍ରତୀକ ବୋଲି ବର୍ଣ୍ଣନା କରିଛନ୍ତି ଏବଂ ବିରୋଧୀ ଦଳମାନଙ୍କୁ ଏହି ପ୍ରସଙ୍ଗରେ ନିଜର ଆଭିମୁଖ୍ୟ ଉପରେ ପୁନର୍ବିଚାର କରିବାକୁ ନିବେଦନ କରିଛନ୍ତି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଲୋକସଭା ବାଚସ୍ପତି ଓମ ବିର୍ଲା ଆସନ୍ତା ୨୮ ରେ ନୂତନ ସଂସଦ ଭବନକୁ ଦେଶ ପାଇଁ ଉତ୍ସର୍ଗ କରିବେ। ଏଥିରେ କୌଣସି ରାଜନୀତି କରିବା ଅନୁଚିତ ବୋଲି ରାଜନାଥ କହିଛନ୍ତି। ଏହି ଐତିହାସିକ ମୂର୍ତ୍ତରେ ସମସ୍ତେ ସାମିଲ ହେବା ଉଚିତ ହେବ ବୋଲି ସେ ଅନୁରୋଧ କରିଛନ୍ତି।
ସେ ଆହୁରି କହିଛନ୍ତି ଯେ, “ବିରୋଧୀ ଦଳଗୁଡିକ ସାମ୍ବିଧାନିକ ଅଧିବେଶନ ଏବଂ ସାମାଜିକ ସମାବେଶ ମଧ୍ୟରେ ପାର୍ଥକ୍ୟ ବୁଝିବା ଉଚିତ୍। ଏହା ସଂସଦର ଏକ ଅଧିବେଶନ ନୁହେଁ, ଏହା କେବଳ ଉଦ୍ଘାଟନୀ ସମାରୋହ ବୋଲି ରାଜନାଥ ସିଂ କହିଛନ୍ତି।
Tags: ନୂଆ ସଂସଦ ଭବନ, ମନ୍ତ୍ରୀ ରାଜନାଥ ସିଂ
