ଭୁବନେଶ୍ବର: ଶେଷରେ ଅମଲା ସଂଘ କାର୍ଯ୍ୟ ବନ୍ଦ ଆନ୍ଦୋଳନରୁ ଓହରି ଯାଇଛି। ଗତକାଲି ସରକାରଙ୍କ ସହିତ ଆଲୋଚନା ପରେ ସେମାନେ ଏହି ନିଷ୍ପତି ନେଇଛନ୍ତି। ଫଳରେ ଆସନ୍ତାକାଲି ସୋମବାରରୁ ସମସ୍ତେ କାର୍ଯ୍ୟରେ ଯୋଗଦେବେ। ଏ ନେଇ ସଂଘ ତରଫରୁ ମଧ୍ୟ ସ୍ପଷ୍ଟିକରଣ ଦିଆଯାଇଛି।
ଗତକାଲି ସଂଘର ବରିଷ୍ଠ କର୍ମକର୍ତ୍ତାଗଣ ଭୁବନେଶ୍ବରର ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠରେ ସରକାରଙ୍କ ସହିତ ଆଲୋଚନା କରିଥିଲେ। ଏଥିରେ 5ଟି ସଚିବ ଭି କେ ପାଣ୍ଡିଆନ, ବିଧାୟକ ପ୍ରଣବ ପ୍ରକାଶ ଦାସ, ପ୍ରଶାସକ ଆଦିତ୍ୟ ମହାପାତ୍ର ପ୍ରମୁଖ ଯୋଗଦେଇଥିଲେ। ସଂଘ ସହିତ ଦୀର୍ଘ ସମୟ ଧରି ଆଲୋଚନା କରାଯାଇଥିଲା।
ସଂଘ ପକ୍ଷରୁ କୁହାଯାଇଛି ଯେ ଜିଲ୍ଲାସ୍ତରୀୟ ଅମଲାଙ୍କ ପ୍ରବେଶିକା ଦରମାରେ ଗ୍ରେଡ୍ ପେ ଲେଭେଲ୍-୪ରୁ ଲେଭେଲ୍-୯କୁ ବୃଦ୍ଧି କରିବା ନିମନ୍ତେ ବୈଠକରେ ଆଲୋଚନା ହୋଇଥିଲା।ଏହାସହ ଜିଲ୍ଲାସ୍ତରୀୟ ଅମଲାଙ୍କ ପଦୋନ୍ନତିକୁ ନିର୍ଦ୍ଧାରିତ ସମୟ ମଧ୍ୟରେ କରିବା ପାଇଁ ସହମତି ପ୍ରକାଶ କରିଥିଲେ। ଏ ନେଇ ସୋମବାରେ ଏକ କମିଟ ରାଜ୍ୟ ସରକାର ଘୋଷଣା କରିବେ। କମିଟ ପ୍ରସ୍ତାବ ଅନୁସାରେ ତାହା କାର୍ଯ୍ୟକାରୀ କରାଯିବ ବୋଲି ସଂଘ କହିଛି।