ନୂଆଦିଲ୍ଲୀ: କଂଗ୍ରେସ ନେତା ଅଧୀର ରଂଜନ ଚୌଧୁରୀଙ୍କୁ ଆଜି ଲୋକସଭାରୁ ନିଲମ୍ବିତ କରାଯାଇଛି। ଯେପର୍ଯ୍ୟନ୍ତ ପ୍ରିଭେଲିଜ୍ କମିଟିରେ ମାମଲା ବିଚାରାଧୀନ ଅଛି ଏବଂ ତଦନ୍ତ ରିପୋର୍ଟ ଆସିବା ପର୍ଯ୍ୟନ୍ତ ସେ ଗୃହରୁ ନିଲମ୍ବିତ ରହିବେ। ଲୋକସଭାରେ ଅନାସ୍ଥା ପ୍ରସ୍ତାବ ଉପରେ ଆଲୋଚନା ବେଳେ ଅଧୀର ରଂଜନ ଚୌଧୁରୀ ପ୍ରଧାନମନ୍ତ୍ରୀ ମୋଦୀଙ୍କ ଉପରେ ମନ୍ତବ୍ୟ ଦେଇଥିଲେ।
ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ ଗୃହରେ ସଂକଳ୍ପ ଉପସ୍ଥାପନ କରୁଥିବାବେଳେ କହିଛନ୍ତି ଯେ, କଂଗ୍ରେସ ନେତାମାନେ ପ୍ରତ୍ୟେକ ଥର ଦେଶ ତଥା ସରକାରଙ୍କ ଭାବମୂର୍ତ୍ତିକୁ ଖରାପ କରିବାକୁ ଚେଷ୍ଟା କରୁଛନ୍ତି। ଆମେ ସେହି ସମୟରେ କ୍ଷମା ମାଗିବାକୁ ଦାବି କରିଥିଲୁ, କିନ୍ତୁ ସେ କ୍ଷମା ମାଗିନଥିଲେ। ତାଙ୍କ ବିରୋଧରେ ଏକ ପ୍ରସ୍ତାବ ଅଣାଯାଇଥିଲା ଯାହା ଗ୍ରହଣ କରାଯାଇଥିଲା। ବାଚସ୍ପତି କହିଛନ୍ତି ଯେ, ଆଧୀର ରଂଜନ ଚୌଧୁରୀଙ୍କ ଆଚରଣ ଗୃହ ସହିତ ମେଳ ଖାଉ ନାହିଁ।
ନୂଆ ନିରବ ମୋଦୀଙ୍କୁ ଦେଖିବାର ଲାଭ କ’ଣ?:
ନିଲମ୍ବିତ ହେବା ପରେ ଆଧୀର ରଂଜନ ଚୌଧୁରୀ କହିଛନ୍ତି ଯେ, ତାଙ୍କୁ ବାହାରକୁ ଯିବାକୁ ପଡିବ କାରଣ ଆଜି ମଧ୍ୟ ମଣିପୁର ପ୍ରସଙ୍ଗରେ ପ୍ରଧାନମନ୍ତ୍ରୀ ‘ନିରବ’ ରହିଛନ୍ତି, ତେଣୁ ମୁଁ ଭାବିଲି ନୂଆ ‘ନିରବ ମୋଦୀ’ ଙ୍କୁ ଦେଖିବାର ଲାଭ କ’ଣ?
ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ସମଗ୍ର ଦେଶ ତାଙ୍କ ସହ ଅଛନ୍ତି, ତେବେ ସେ କଂଗ୍ରେସକୁ କାହିଁକି ଭୟ କରିବେ?
