ଭୁବନେଶ୍ୱର: ଆସନ୍ତା ମଇ ୨୫ ତାରିଖରେ ରାଜଧାନୀ ଭୁବନେଶ୍ୱରରେ ହେବ ମତଦାନ। ଐତିହାସିକ ଭାବେ ସହରାଂଚଳରେ ଗ୍ରାମାଂଚଳ ଅପେକ୍ଷା ମତଦାନ ହାର କମ୍ ରହିଆସିଛି। ସେହି ଢାଞ୍ଚାକୁ ପରିବର୍ତ୍ତନ କରି ରାଜଧାନୀରେ ଯେପରି ସମସ୍ତ ନାଗରିକ ମତଦାନ କରିବେ ସେଥିପାଇଁ ମୁଖ୍ୟନିର୍ବାଚନ ଅଧିକାରୀଙ୍କ ପକ୍ଷରୁ ବିଭିନ୍ନ ଉପାୟ ଅବଲମ୍ବନ କରାଯାଉଛି।
ସେହି ପ୍ରୟାସକୁ ସାକାର କରିବା ପାଇଁ ଆଗେଇ ଆସିଛି ଓମ୍ଫେଡ୍। ବୁଧବାର ମୁଖ୍ୟ ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟ ପରିସରସ୍ଥିତ ସମ୍ମିଳନୀ କକ୍ଷରେ ଅନୁଷ୍ଠିତ କାର୍ଯ୍ୟକ୍ରମରେ ଓମ୍ଫେଡ୍ ପକ୍ଷରୁ ଭୋଟରମାନଙ୍କୁ ମତଦାନ କରିବା ପାଇଁ ସଚେତନ କରାଇବା ଉଦ୍ଦେଶ୍ୟରେ ଆରମ୍ଭ ହୋଇଛି ମତଦାନ ସଚେତନତା ବାର୍ତାଯୁକ୍ତ ଓମ୍ଫେଡ୍ କ୍ଷୀର ପ୍ୟାକେଟର ଉନ୍ମୋଚିତ କରିଥିଲେ ମୁଖ୍ୟ ନିର୍ବାଚନ ଅଧିକାରୀ ନିକୁଞ୍ଜ ବିହାରୀ ଧଳ।
ଓମ୍ଫେଡ୍ କ୍ଷୀର ପ୍ୟାକେଟ୍ରେ ଭୋଟର ସଚେତନତା ପାଇଁ ‘ମଇ ୨୫ ତାରିଖ ୨୦୨୪ ରେ ମତଦାନ ପାଇଁ ଭୁଲନ୍ତୁ ନାହିଁ’ (ଊକ୍ଟଦ୍ଭ’ଗ୍ଧ ୠକ୍ଟକ୍ସଶରଗ୍ଧ ଗ୍ଧକ୍ଟ ଠକ୍ଟଗ୍ଧର କ୍ଟଦ୍ଭ ୨୫ଗ୍ଧଷ ଗବଚ୍ଚ ୨୦୨୪) ଉଲ୍ଲେଖ କରାଯାଇଅଛି। ଖୋର୍ଦ୍ଧା ଜିଲାର ସମସ୍ତ ଓମ୍ଫେଡ୍ ବୁଥ୍ରେ ଏହି ସଚେତନତା ବାର୍ତାଯୁକ୍ତ କ୍ଷୀର ପ୍ୟାକେଟ୍ ବିକ୍ରି ହେବ ଓ ଏହା ଦ୍ୱାରା ସମଗ୍ର ଜିଲ୍ଲାରେ ଭୋଟର ସଚେତନତା ସୃଷ୍ଟି ହୋଇପାରିବ ବୋଲି କୁହାଯାଇଛି।
ଏହି କାର୍ଯ୍ୟକ୍ରମରେ ଯୋଗଦେଇ ଓମ୍ଫେଡ୍ର ପରିଚାଳନା ନିର୍ଦେଶକ ଶ୍ରୀ ବିଜୟ ଅମୃତା କୁଲାଙ୍ଗେ ସମସ୍ତଙ୍କୁ ସ୍ୱାଗତ ଜଣାଇବା ସହ ମୁଖ୍ୟ ନିର୍ବାଚନ ଅଧିକାରୀଙ୍କ ପ୍ରତି କୃକଜ୍ଞତା ପ୍ରକାଶ କରିଥିଲେ । ଗଣତନ୍ତ୍ରର ଏହି ମହାନ ପର୍ବରେ ଭୋଟର ସଚେତନତା ସୃଷ୍ଟି ପାଇଁ ଓମ୍ଫେଡ୍କୁ ସହଭାଗୀ ରୂପେ ସୁଯୋଗ ଦେଇଥିବାରୁ ଓମ୍ଫେଡ୍ ପରିବାର ତରଫରୁ ମୁଖ୍ୟ ନିର୍ବାଚନ ଅଧିକାରୀଙ୍କୁ କୃତଜ୍ଞତା ଜଣାଇଥିଲେ . ଏମ୍ଫେଡ୍ ଦୁଗ୍ଧ ଜାତୀୟ ଦ୍ରବ୍ୟ ଉତ୍ପାଦନ ଓ ଯୋଗାଣ କରି ଜନସାଧାରଣଙ୍କ ସ୍ୱାସ୍ଥ୍ୟର ଯତ୍ନ ନେଇ ଆସୁଛି। ଏବେ କ୍ଷୀର ପ୍ୟାକେଟ ମାଧ୍ୟମରେ ସମଗ୍ର ଖୋର୍ଦ୍ଧା ଜିଲ୍ଲାରେ ମତଦାନ ସଂକ୍ରାନ୍ତୀୟ ସଚେତନତା ବାର୍ତା ସୃଷ୍ଟି କରି ଦେଶର ଗଣତନ୍ତ୍ର ସ୍ୱାସ୍ଥକୁ ପରିପୁଷ୍ଟ କରିବାର ସୁଯୋଗ ଓମ୍ଫେଡ୍ ପାଇଁ ଏକ ଗୌରମୟ ମୁହୂର୍ତ ବୋଲି କହିଥିଲେ ଏବଂ ମଇ ୨୫ ତାରିଖରେ ମତଦାନ କରିବା ପାଇଁ ଖୋର୍ଦ୍ଧା ଜିଲ୍ଲାବାସୀଙ୍କୁ ଉତ୍ସାହିତ କରିଥିଲେ।
ଏହି ଅବସରରେ ମୁଖ୍ୟ ନିର୍ବାଚନ ଅଧିକାରୀ ନିକୁଞ୍ଜ ବିହାରୀ ଧଳ କ୍ଷୀର ପ୍ୟାକେଟ୍ ମାଧ୍ୟମରେ ଭୋଟର ସଚେତନତା ବାର୍ତା ପାଇଁ ଓମ୍ଫେଡ୍କୁ ସାଧୁବାଦ ଜଣାଇଥିଲେ। ନିଜର ମତ ରଖି ସେ କହିଥିଲେ ଯେ, ବିଗତ ନିର୍ବାଚନରେ ଜାତୀୟ ମତଦାନ ହାରଠାରୁ ଓଡିଶାର ମତଦାନ ହାର ଅଧିକ ରହିଥିଲା। ମାତ୍ର ଭୁବନେଶ୍ୱର ଅନ୍ତର୍ଗତ ତିନି ନିର୍ବାଚନ ମଣ୍ଡଳୀରେ ମତଦାନ ହାର ରାଜ୍୍ୟ ମତଦାନ ହାରଠାରୁ କମ୍ ରହିବା ସହିତ ୫୦ ପ୍ରତିଶତରୁ କମ୍ ରହିଥିଲା। ଏହାକୁ ପ୍ରତିହତ କରିବା ପାଇଁ ମୁଖ୍ୟ ନିର୍ବାଚନ ଅଧିକାରୀଙ୍କ ତରଫରୁ ବିଭିନ୍ନ ପଦକ୍ଷେପ ନିଆଯାଉଛି । ସ୍ୱତନ୍ତ୍ର ସଂକ୍ଷିପ୍ତ ସଂଶୋଧନ କାର୍ଯ୍ୟକ୍ରମ ମାଧ୍ୟମରେ ସମସ୍ତ ବର୍ଗର ଭୋଟରଙ୍କୁ ମତଦାତା ତାଲିକାରେ ସାମିଲ କରିବା ପାଇଁ ସ୍ୱତନ୍ତ୍ର ଉଦ୍ୟମ କରାଯାଉଛି।
ସଂପ୍ରତି ପ୍ରତ୍ୟେକ ଭୋଟର ମଇ ୨୫ ତାରିଖ ଦିନ ନିଜ ନିଜର ମତଦାନ କେନ୍ଦ୍ରକୁ ଯାଇ ଭୋଟ ଦେବା ହେଉଛି ଆମ ସମସ୍ତଙ୍କର ମୁଖ୍ୟ ଉଦ୍ଦେଶ୍ୟ। ଆଉ ସେହି ଉଦ୍ଦେଶ୍ୟକୁ ସାକାର କରିବା ପାଇଁ ଓମ୍ଫେଡ୍ ଏହି ପଦକ୍ଷେପ ନେଇଥିବାରୁ ସାଧୁବାଦ ଜଣାଇବା ସହ ରାଜ୍୍ୟ ସରକାରଙ୍କର ସମସ୍ତ ବିଭାଗ ଏଥିପାଇଁ ଆଗେଇ ଆସିବାକୁ ସେ ଆହ୍ୱାନ ଦେଇଛନ୍ତି।
ମଇ ଦିବସ ଅବସରରେ ଓମ୍ଫେଡ୍ ପରିବାର ଏହି ପଦକ୍ଷେପ ନେଇଥିବାରୁ ଓମ୍ଫେଡ୍ର ପରିଚାଳନା ନିର୍ଦେଶକଙ୍କ ସମେତ ସମସ୍ତ ଅଧିକାରୀଙ୍କୁ ଶୁଭେଚ୍ଛା ଜଣାଇଥିଲେ।
ଏହି କାର୍ଯ୍ୟକ୍ରମରେ ଅତିରିକ୍ତ ସିଇଓ ଡକ୍ଟର ତିରୁମାଲା ନାୟକ, ଅତିରିକ୍ତ ସିଇଓ ସତ୍ୟଗୁଣା କର, ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟର ବରିଷ୍ଠ ଅଧିକାରୀ ଏବଂ ଓମ୍ଫେଡ୍ର ବରିଷ୍ଠ ଅଧିକାରୀ, ଖୋର୍ଦ୍ଧା ଜିଲ୍ଲା ପ୍ରଶାସନର ଅଧିକାରୀମାନେ ଉପସ୍ଥିତ ଥିଲେ।
