ନୂଆଦିଲ୍ଲୀ: ଭାରତ ପାଣିପାଗ ବିଭାଗ (ଆଇଏମଡି) କହିଛି ଯେ, ଦକ୍ଷିଣ ପଶ୍ଚିମ ମୌସୁମୀ ଆସନ୍ତା ମେ ୩୧ ତାରିଖରେ କେରଳ ଛୁଇଁବ। ଦକ୍ଷିଣ-ପଶ୍ଚିମ ମୌସୁମୀ ସାଧାରଣତଃ ଜୁନ୍ ୧ ତାରିଖରେ କେରଳରେ ପ୍ରବେଶ କରେ। ଏହା ପରେ ଏହା ଉତ୍ତର ଦିଗକୁ ଗତି କରେ ଏବଂ ଜୁଲାଇ ୧୫ ତାରିଖରେ ସମଗ୍ର ଦେଶକୁ ସ୍ପର୍ଶ କରେ।
ନ୍ୟୁଜ୍ ଏଜେନ୍ସି ପିଟିଆଇ ଅନୁଯାୟୀ, ଆଇଏମଡି କହିଛି ଯେ, ଚଳିତ ବର୍ଷ ଦକ୍ଷିଣ-ପଶ୍ଚିମ ମୌସୁମୀ ମେ ୩୧ ତାରିଖରେ କେରଳରେ ପହଞ୍ଚିବ ବୋଲି ଆଶା କରାଯାଉଛି। ଆଇଏମଡି ମହାନିର୍ଦ୍ଦେଶକ ମୃତ୍ୟୁଞ୍ଜୟ ମହାପାତ୍ର ବୁଧବାର ଦିନ କହିଛନ୍ତି ଯେ, “ଏହା ଶୀଘ୍ର ନୁହେଁ। ଏହା ସାମାନ୍ୟ ତାରିଖର ପାଖାପାଖି ସମୟରେ ଆସିପାରେ। କାରଣ ସାଧାରଣତଃ କେରଳରେ ମୌସୁମୀ ଜୁନ ୧ ତାରିଖରେ ପ୍ରବେଶ କରେ।”
ଏଥର ସାମାନ୍ୟ ଠାରୁ ଅଧିକ ବର୍ଷା ସମ୍ଭାବନା:
ଏଥି ସହିତ ପାଣିପାଗ ବିଭାଗ ୨୦୨୪ରେ ହାରାହାରି ମୌସୁମୀ ବର୍ଷା ଠାରୁ ଅଧିକ ବର୍ଷା ହେବା ପୂର୍ବାନୁମାନ କରିଛି, ଯାହା ଦେଶର କୃଷି କ୍ଷେତ୍ର ପାଇଁ ଏକ ଖୁସି ଖବର। ଗତ ବର୍ଷ ଅନିୟମିତ ପାଗ ଦ୍ୱାରା କୃଷି କ୍ଷେତ୍ର ପ୍ରଭାବିତ ହୋଇଥିଲା। ପୃଥିବୀ ବିଜ୍ଞାନ ମନ୍ତ୍ରଣାଳୟର ସଚିବ ଏମ.ରବିଚନ୍ଦ୍ରନ କହିଛନ୍ତି ଯେ, ମୌସୁମୀ ସାଧାରଣତଃ ଜୁନ୍ ୧ ତାରିଖରେ କେରଳରେ ପହଞ୍ଚି ସେପ୍ଟେମ୍ବର ମଧ୍ୟଭାଗରେ ଫେରିଯାଏ। ଚଳିତ ବର୍ଷ ହାରାହାରି ବୃଷ୍ଟିପାତ ୧୦୬ ପ୍ରତିଶତ ହେବ ବୋଲି ଆଶା କରାଯାଉଛି।
