ନୂଆଦିଲ୍ଲୀ: ପରିସଂଖ୍ୟାନ ଆଧାରରେ ବିରାଟ କୋହଲି ଭାରତୀୟ କ୍ରିକେଟ୍ ଦଳର ସବୁଠାରୁ ସଫଳ ଟେଷ୍ଟ ଅଧିନାୟକ ହୋଇଛନ୍ତି। ବର୍ତ୍ତମାନ ଟିମ୍ ଇଣ୍ଡିଆର ପୂର୍ବତନ ବ୍ୟାଟିଂ କୋଚ୍ ଥିବା ସଞ୍ଜୟ ବଙ୍ଗର ଏକ ବଡ଼ ବିବୃତ୍ତି ଦେଇଛନ୍ତି ଏବଂ ବିରାଟ ଅଧିନାୟକତ୍ୱ ଜାରି ରଖିବାର ଥିଲା ବୋଲି କହିଛନ୍ତି। ପ୍ରକାଶ ଯେ, ୨୦୨୨ ମସିହାରେ ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ସିରିଜ୍ ପରେ ବିରାଟ ଅଧିନାୟକତ୍ୱ ଛାଡିଥିଲେ। ତାଙ୍କ ଅଧୀନରେ ଭାରତ ଆଜି ପର୍ଯ୍ୟନ୍ତ ସର୍ବାଧିକ ସଂଖ୍ୟକ ତଥା ୪୦ ଟି ମ୍ୟାଚ୍ ଜିତିଥିଲା।
ସଞ୍ଜୟ ବାଙ୍ଗର କହିଛନ୍ତି ଯେ, “ମୁଁ ବ୍ୟକ୍ତିଗତ ଭାବେ ଭାବୁଛି ଯେ ବିରାଟ କୋହଲି ଅନ୍ତତଃ ପକ୍ଷେ ଟେଷ୍ଟ ଦଳର ଅଧିନାୟକ ରହିବାର ଥିଲା। ସେ ୬୫ ରୁ ଅଧିକ ଟେଷ୍ଟ ମ୍ୟାଚରେ ଭାରତର ଅଧିନାୟକତ୍ୱ କରିଛନ୍ତି, ମୋର ଇଚ୍ଛା ଥିଲା ଯେ, ସେ ଏହା ଜାରି ରଖି ପାରିଥାନ୍ତେ।
ସଞ୍ଜୟ ବାଙ୍ଗର ନିଜର ମତ ଜାରି କରି କହିଛନ୍ତି ଯେ, ବିରାଟ କୋହଲିଙ୍କ ମାନସିକତା ଦଳକୁ ଯଥାସମ୍ଭବ ବିଦେଶରେ ଜିତିବାରେ ସାହାଯ୍ୟ ହୋଇପାରିଥାନ୍ତା, କାରଣ ସେହି ସମୟରେ ଭାରତ ଘରୋଇ ପଡ଼ିଆରେ ପ୍ରାଧାନ୍ୟ ବିସ୍ତାର କରିଆସୁଥିଲା। ପୂର୍ବତନ ବ୍ୟାଟିଂ ପ୍ରଶିକ୍ଷକ କହିଛନ୍ତି ଯେ, ଘରୋଇ ପଡ଼ିଆରେ ଅନୁଷ୍ଠିତ ମ୍ୟାଚ୍ରେ ୭୫ ପ୍ରତିଶତରୁ ଅଧିକ ମ୍ୟାଚରେ ଜିତିବ ବୋଲି ଭାରତୀୟ ଦଳ ନିଶ୍ଚିତ। ଏହି କାରଣରୁ କୋହଲି ଚାହୁଁଥିଲେ ଯେ, ବିଦେଶୀ ପିଚରେ ଭାରତ ଭଲ ପ୍ରଦର୍ଶନ କରିବା ଉଚିତ।
ବିରାଟ କୋହଲିଙ୍କ ଅଧିନାୟକତ୍ୱ ରେକର୍ଡ:
ବିରାଟ କୋହଲି ତାଙ୍କ କ୍ୟାରିୟରରେ ୬୮ ଟି ଟେଷ୍ଟ ମ୍ୟାଚରେ ଭାରତର ଅଧିନାୟକତ୍ୱ କରିଥିଲେ, ଯେଉଁଥିରୁ ଦଳ ୪୦ ଟି ଜିତିଥିଲା। ବିରାଟ କେବଳ ସେହି ଖେଳାଳି ନୁହଁନ୍ତି ଯିଏ ଭାରତକୁ ଟେଷ୍ଟ କ୍ରିକେଟରେ ସର୍ବାଧିକ ବିଜୟରେ ପହଞ୍ଚାଇଛନ୍ତି କିନ୍ତୁ ଏମଏସ ଧୋନି ଏବଂ ସୌରଭ ଗାଙ୍ଗୁଲିଙ୍କ ତୁଳନାରେ ତାଙ୍କର ବିଜୟ ପ୍ରତିଶତ ବହୁତ ଭଲ। ୨୦୧୪/୧୫ ଅଷ୍ଟ୍ରେଲିଆ ଗସ୍ତ ସମୟରେ କୋହଲି ପ୍ରଥମ ଥର ପାଇଁ ଟିମ୍ ଇଣ୍ଡିଆର ନେତୃତ୍ଵ ନେଇଥିଲେ। ଏହା ପରେ ସେ ଜଣେ ଅଧିନାୟକ ଭାବରେ ୫୪.୮୦ ହାରରେ ଭାରତ ପାଇଁ ୫,୮୬୪ ରନ୍ ସ୍କୋର କରିଛନ୍ତି।
