ନୂଆଦିଲ୍ଲୀ: ଭାରତରେ ବୈଦ୍ୟୁତିକ ଯାନଗୁଡିକର ଚାହିଦା ଦ୍ରୁତ ଗତିରେ ବୃଦ୍ଧି ପାଇବାରେ ଲାଗିଛି। ଏହି ଯାନଗୁଡିକ ଉପରେ ସରକାର ନିରନ୍ତର ଧ୍ୟାନ ଦେଉଛନ୍ତି। ଏହାକୁ ଦୃଷ୍ଟିରେ ରଖି କେନ୍ଦ୍ର ସଡକ ପରିବହନ ଏବଂ ରାଜପଥ ମନ୍ତ୍ରୀ ନିତିନ ଗଡକରୀ କହିଛନ୍ତି ଯେ, ଆସନ୍ତା ୨ ବର୍ଷ ମଧ୍ୟରେ ବୈଦ୍ୟୁତିକ ଯାନର ମୂଲ୍ୟ ପେଟ୍ରୋଲ ଏବଂ ଡିଜେଲ କାର ସହିତ ସମାନ ହେବ। ୬୪ ତମ ACMA ବାର୍ଷିକ ଅଧିବେଶନରେ ନିତିନ ଗଡକରୀ ଏହା କହିଛନ୍ତି।
ଶ୍ରୀ ଗଡକରୀ ଆହୁରି ମଧ୍ୟ କହିଛନ୍ତି ଯେ, ଅର୍ଥମନ୍ତ୍ରୀଙ୍କ ବୈଦ୍ୟୁତିକ ଯାନ ଉପରେ ସବସିଡି ଦେବାରେ ତାଙ୍କର କୌଣସି ଅସୁବିଧା ନାହିଁ। ତେବେ ଏହାପୂର୍ବରୁ ସେ ପରାମର୍ଶ ଦେଇଥିଲେ ଯେ, ଇଭି ନିର୍ମାତାମାନଙ୍କୁ ଆଉ ସବସିଡି ଆବଶ୍ୟକ କରେ ନାହିଁ କାରଣ ସେମାନଙ୍କର ଉତ୍ପାଦନ ମୂଲ୍ୟ ହ୍ରାସ ପାଇଛି ଏବଂ ଗ୍ରାହକମାନେ ବର୍ତ୍ତମାନ ବୈଦ୍ୟୁତିକ ଯାନ ଚୟନ କରୁଛନ୍ତି। ଗତ ବର୍ଷ ଭାରତରେ ବୈଦ୍ୟୁତିକ ଯାନର ବଜାର ଅଂଶ ୬.୩ ପ୍ରତିଶତ ଥିଲା, ଯାହା ପୂର୍ବ ବର୍ଷ ତୁଳନାରେ ୫୦ ପ୍ରତିଶତ ଅଧିକ।
ମନ୍ତ୍ରୀ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ, ମୁଁ ପେଟ୍ରୋଲ ଏବଂ ଡିଜେଲ ବିରୋଧରେ ନୁହେଁ, କିନ୍ତୁ ଭାରତକୁ ଜୀବାଶ୍ମ ଇନ୍ଧନ ଉପରେ ନିର୍ଭରଶୀଳତା ହ୍ରାସ କରିବାକୁ ପଡିବ, ଯାହାର ମୂଲ୍ୟ ବର୍ତ୍ତମାନ ୨୨ ଲକ୍ଷ କୋଟି ଟଙ୍କା। ଏହା ସହିତ ଶ୍ରୀ ଗଡକରୀ ଇଥାନଲ ପରି ବୈଦ୍ୟୁତିକ ଯାନ ଏବଂ ଜୈବ ଇନ୍ଧନ ଗ୍ରହଣ ଉପରେ ଗୁରୁତ୍ୱାରୋପ କରିଥିଲେ।
କେବଳ ଏତିକି ନୁହେଁ, ନିତିନ ଗଡକରୀ ନିକଟରେ ଲଞ୍ଚ ହୋଇଥିବା ଦୁନିଆର ପ୍ରଥମ ସିଏନଜି ବାଇକ ବଜାଜ ସିଏନଜିର ଉଦାହରଣ ଦେଇଛନ୍ତି ଏବଂ କହିଛନ୍ତି ଯେ, ଏହି ବାଇକର ମୂଲ୍ୟ କିମି ପିଛା ୧ ଟଙ୍କା ଥିବାବେଳେ ପେଟ୍ରୋଲ ବାଇକର ମୂଲ୍ୟ ୨ ରୁ ଅଧିକ। ଶ୍ରୀ ଗଡକରୀ କହିଛନ୍ତି ଯେ ଇଥାନଲ ଉତ୍ପାଦନରେ କୃଷକମାନେ ଉପକୃତ ହେଉଛନ୍ତି। ସେ କହିଛନ୍ତି ଯେ, ବାୟୋ ଇନ୍ଧନ ଭାବରେ ଇଥାନଲ୍ ର ଚାହିଦା ବୃଦ୍ଧି ହେତୁ ମକାର ମୂଲ୍ୟ ଦ୍ୱିଗୁଣିତ ହୋଇଛି।
