ନୂଆଦିଲ୍ଲୀ: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନୂଆଦିଲ୍ଲୀସ୍ଥିତ ଭାରତର ମୁଖ୍ୟ ବିଚାରପତି ଡି. ୱାଇ ଚନ୍ଦ୍ରଚୁଡଙ୍କ ବାସଭବନକୁ ଯାଇଥିଲେ। ବାସଭବନ ଦୁଆରରେ ମୁଖ୍ୟ ବିଚାରପତି ଏବଂ ତାଙ୍କ ପତ୍ନୀ କଳ୍ପନା ଦାସ ପ୍ରଧାନମନ୍ତ୍ରୀଙ୍କୁ ପାଛୋଟି ନେଇଥିଲେ। ତେବେ ପ୍ରଧାନମନ୍ତ୍ରୀ ପ୍ରଧାନ ବିଚାରପତିଙ୍କୁ ଘରକୁ କାହିଁକି ଗଲେ ସେ ନେଇ ପ୍ରଶ୍ନ ଉଠିଛି।
ତେବେ ଗଣେଷ ପୂଜା ଉପଲକ୍ଷେ ମୁଖ୍ୟ ବିଚାରପତିଙ୍କ ଘରକୁ ପୂଜା କରିବା ପାଇଁ ପ୍ରଧାନମନ୍ତ୍ରୀ ଯାଇଥିଲେ। ମୋଦି ସେଠାରେ ମୁଖ୍ୟ ବିଚାରପତିଙ୍କ ଘରେ ପ୍ରତିଷ୍ଠା କରାଯାଇଥିବା ପ୍ରତିମୂର୍ତ୍ତିରେ ସେ ଆଳତି କରିଥିଲେ। ପାଖରେ ଖୋଦ ମୁଖ୍ୟ ବିଚାରପତି ଏବଂ ତାଙ୍କ ପତ୍ନୀ ଉପସ୍ଥିତ ଥିଲେ। ପ୍ରଧାନମନ୍ତ୍ରୀ ମହାରାଷ୍ଟ୍ରିୟାନ ଟୋପି ଏବଂ ପାରଂପାରିକ ପୋଷାକ ପରିଧାନ କରିଥିଲେ।
