ନୂଆଦିଲ୍ଲୀ: ବୈଦେଶିକକ ମନ୍ତ୍ରୀ ଏସ୍ ଜୟଶଙ୍କର କହିଛନ୍ତି ଯେ, ସାର୍କ ଆଗକୁ ବଢୁନାହିଁ ଏବଂ ଗତ କିଛି ବର୍ଷ ମଧ୍ୟରେ ବୈଠକ ହୋଇ ନାହିଁ। କାରଣ ଆଞ୍ଚଳିକ ଗୋଷ୍ଠୀର ଜଣେ ସଦସ୍ୟ ‘ଆତଙ୍କବାଦ’ କୁ ପ୍ରୋତ୍ସାହିତ କରୁଛନ୍ତି।
ଇସଲାମାବାଦରେ ଆୟୋଜିତ ସାଂଘାଇ ସହଯୋଗ ସଂଗଠନ (ଏସସିଓ) ଶିଖର ସମ୍ମିଳନୀରେ ଭାଗ ନେବାକୁ ସେ ଏହି ମାସରେ ପାକିସ୍ତାନ ଗସ୍ତ କରିବାକୁ ଯାଉଥିବା ସମୟରେ କୌଣସି ଦେଶର ନାମ ନ ନେଇ ବୈଦେଶିକ ମନ୍ତ୍ରୀ ଏହି ମନ୍ତବ୍ୟ ଦେଇଛନ୍ତି।
୨୦୧୬ ମସିହାରୁ ସାର୍କ ବହୁତ ପ୍ରଭାବଶାଳୀ ହୋଇନାହିଁ ଏବଂ ୨୦୧୪ କାଠମାଣ୍ଡୁରେ ଶେଷ ଶିଖର ସମ୍ମିଳନୀ ଅନୁଷ୍ଠିତ ହେବା ପରଠାରୁ କୌଣସି ଦ୍ୱିବାର୍ଷିକ ଶିଖର ସମ୍ମିଳନୀ ଅନୁଷ୍ଠିତ ହୋଇନାହିଁ।
ସେ କହିଛନ୍ତି, “ଯଦି ଆପଣ ସମସ୍ତେ ଏକାଠି ବସି ସହଯୋଗ କରୁଛନ୍ତି ଏବଂ ସେହି ସମୟରେ ଏହି ପ୍ରକାର ଆତଙ୍କବାଦ ଚାଲିଛି। ଏହା ଆମ ପାଇଁ ଏକ ଆହ୍ଵାନ ଯେ, ଆପଣ ଏହାକୁ ଅଣଦେଖା କରି ଆଗକୁ ବଢୁଛନ୍ତି।”
SAARC ର ଅଂଶ କିଏ?:
ସାର୍କ ହେଉଛି ଏକ ଆଞ୍ଚଳିକ ଗୋଷ୍ଠୀ ଯେଉଁଥିରେ ଭାରତ, ଆଫଗାନିସ୍ତାନ, ବାଂଲାଦେଶ, ଭୁଟାନ, ମାଲଦ୍ୱୀପ, ନେପାଳ, ପାକିସ୍ଥାନ ଏବଂ ଶ୍ରୀଲଙ୍କା ଅନ୍ତର୍ଭୁକ୍ତ। ବୈଦେଶିକ ବ୍ୟାପାର ମନ୍ତ୍ରୀ ଜୟଶଙ୍କର କହିଛନ୍ତି ଯେ, “ଆତଙ୍କବାଦ ଏପରି କିଛି ଯାହା ଗ୍ରହଣୀୟ ନୁହେଁ ଏବଂ ବୈଶିକ ଦୃଷ୍ଟିକୋଣକୁ ଖାତିର ନକରି ଯଦି ଆମର କୌଣସି ପଡ଼ୋଶୀ ଏହା ଜାରି ରଖନ୍ତି, ତେବେ ଏହାକୁ ବନ୍ଦ କରାଯିବା ଉଚିତ। ଏହି କାରଣରୁ ଗତ କିଛି ବର୍ଷ ମଧ୍ୟରେ ସାର୍କ ବୈଠକ ଅନୁଷ୍ଠିତ ହୋଇନାହିଁ।