ନୂଆଦିଲ୍ଲୀ: ମେହବୁବା ମୁଫତିଙ୍କ ଝିଅ ଇଲ୍ତିଜା ମୁଫତି ଏନସି ବିରୋଧରେ ଗୁରୁତର ଅଭିଯୋଗ ଆଣିଛନ୍ତି। ଇଲ୍ତିଜା କହିଛନ୍ତି ଯେ, ବିଜବେହରାରେ ସ୍ଥାନୀୟ ପିଡିପି କର୍ମୀମାନଙ୍କୁ ଏନସିରେ ଲୋକମାନେ ହଇରାଣ କରୁଛନ୍ତି। ଗୁଣ୍ଡା ରାଜ ଫେରି ଆସିଲା କି? ଏକ ସାମ୍ବାଦିକ ସମ୍ମିଳନୀରେ ଇଲ୍ତିଜା କହିଛନ୍ତି ଯେ, ଏନସିର ମସ୍ତିସ୍କ ଢିଲା ହୋଇଯାଇଛି, ଆମେ ସେମାନଙ୍କର ମସ୍ତିସ୍କ ଠିକ କରିଦେବୁ।”
ଇଲ୍ତିଜା କହିଛନ୍ତି ଯେ, “ଏନସି ଓମାର ଅବଦୁଲ୍ଲାଙ୍କୁ ବିଧାନସଭା ଦଳର ନେତା ଭାବରେ ମନୋନୀତ କରିଛି। ୧୯୭୭ ପରେ ଏନସିର ଏତେ ସଂଖ୍ୟାଗରିଷ୍ଠତା ସହିତ କ୍ଷମତାକୁ ଆସିଛି। କିନ୍ତୁ ମୁଁ ଓମାର ସାହେବଙ୍କୁ ପଚାରିବାକୁ ଚାହେଁ ଯେ, ଏହି ସଂଖ୍ୟାଗରିଷ୍ଠତା ଗୁଣ୍ଡାଗର୍ଦ୍ଦି ଏବଂ ବିନାଶ ସୃଷ୍ଟି କରିବାକୁ ଆସିଛି କି? ଆମ କର୍ମୀମାନଙ୍କ ଘର ଭାଙ୍ଗି ଦିଆଯାଉଛି। ସେମାନଙ୍କର ଛେଳି ଚୋରି କରାଯାଉଛି। ଆପଣ ମୋର କର୍ମୀମାନଙ୍କୁ ଛୁଇଁବେ ନାହିଁ। ଆପଣ ସେମାନଙ୍କୁ ସ୍ପର୍ଶ କରିବେ ନାହିଁ।
ଇଲ୍ତିଜା ବିଜବେହାରରୁ ସେ ନିର୍ବାଚନରେ ହାରିଛନ୍ତି। ସେ ସାମ୍ବାଦିକ ସମ୍ମିଳନୀରେ ଆହୁରି ମଧ୍ୟ କହିଛନ୍ତି ଯେ, ମୁଁ ବିଜବେହାରର ନୂତନ ବିଧାୟକଙ୍କୁ ପଚାରିବାକୁ ଚାହୁଁଛି ଯେ ସେ ଗୁଣ୍ଡାଗର୍ଦ୍ଦି ଏବଂ ବିନାଶ ସୃଷ୍ଟି କରିବାକୁ ଆସିଛନ୍ତି କି? ମୋର କର୍ମୀମାନଙ୍କୁ ପିଟା ଯାଉଛି। ତାଙ୍କ ଘର ଆଗରେ ବାଣ ଫୁଟା ଯାଉଛି। କୁଲଗାମ, ଡିଏଏଚ ପୁରାରେ ମଧ୍ୟ ଏନସି ସମାନ କାର୍ଯ୍ୟ କରୁଛି। ଏନସି ସେହି କାର୍ଯ୍ୟ କରୁଛି, ଯାହା ୩୦-୪୦ ବର୍ଷ ପୂର୍ବେ କରୁଥିଲା।
ଗତକାଲି ଇଲ୍ତିଜା ସୋସିଆଲ ମିଡିଆରେ ଏକ ଭିଡିଓ ସେୟାର କରିଥିଲେ। ସେ ଦାବି କରି ଲେଖିଛନ୍ତି ଯେ, ବିଜବେହାରରେ ବିଜୟର ଗୋଟିଏ ଦିନ ମଧ୍ୟରେଏନସି ର ଗୁଣ୍ଡମାନେ ସ୍ଥାନୀୟ ପିଡିପି କର୍ମୀଙ୍କୁ ସେମାନଙ୍କ ବିଜୟ ଉତ୍ସବ ପାଳନ ସମୟରେ ହଇରାଣ କରୁଛନ୍ତି। ପଥର ଫିଙ୍ଗି ପିଡିପି କର୍ମୀମାନଙ୍କ ଘରର ଝରକା କାଚ ଭାଙ୍ଗି ଦିଆଯାଇଛି।
