ବାଲୁଗାଁ: ଆସନ୍ତାକାଲି ଶୁକ୍ରବାର ଅପରାହ୍ନରେ ଆଇଏନଏସ ଚିଲିକାରେ ପଞ୍ଚମ ବ୍ୟାଚ୍ ଅଗ୍ନିବୀର ପାସିଙ୍ଗ ଆଉଟ ସମାରୋହ ଅନୁଷ୍ଠିତ ହେବ। ପ୍ରଥମ ବ୍ୟାଚରେ ଉଭୟ ମହିଳା ଓ ପୁରୁଷ ୨୫୮୫ ଜଣ ଆଗ୍ନିଭର୍ସ, ଦ୍ୱିତୀୟ ବ୍ୟାଚରେ ୨୮୯୫ ଜଣ, ତୃତୀୟ ବ୍ୟାଚରେ ୨୬୩୦ ଜଣ ଆଗ୍ନିଭର୍ସ ଓ ଚତୁର୍ଥ ବ୍ୟାଚରେ ୨୧୬ଜଣ ମହିଳା ଅଗ୍ନିବୀରଙ୍କ ସମେତ ୧୩୯୦ ଜଣ ଅଗ୍ନିବୀର ଦୀର୍ଘ ୧୬ ସପ୍ତାହ ସଫଳତାର ସହ ପ୍ରଶିକ୍ଷଣ ନେଇ ଭାରତୀୟ ନୌସେନାରେ ଯୋଗ ଦେଇଥିବା ବେଳେ ପଞ୍ଚମ ବ୍ୟାଚରେ ମହିଳା ଅଗ୍ନିବୀରଙ୍କ ସମେତ ୨୯୭୨ ଜଣ ଅଗ୍ନିବୀର ପ୍ରଶିକ୍ଷଣ ନେଇଥିବା ଆଇଏନଏସ ଚିଲିକା ପକ୍ଷରୁ ସୂଚନା ମିଳିଛି।
ଉକ୍ତ ପ୍ୟାରେଡକୁ ଦକ୍ଷିଣ ନୌସେନା କମାଣ୍ଡର ଫ୍ଲାଗ ଅଫିସର କମାଣ୍ଡିଂ ଇନ ଚିଫ ଭାଇସ ଆଡମିରାଲ ଭି ଶ୍ରୀନିବାସ ପରିଚାଳନା କରିବାକୁ ଥିବାବେଳେ ପିଭିଏସଏମ, ଏଭିଏସଏମ, ଭିଏସଏମ, ଏଡିସି, ଏନଏମ, ବରିଷ୍ଠ ନୌସେନା ଅଧିକାରୀ, କ୍ରୀଡା ବ୍ୟକ୍ତି ବିଶେଷ, ଅଗ୍ନିବୀର ଅଭିଭାବକ ପ୍ରମୁଖ ଯୋଗଦେଇ ଆଗ୍ନିଭର୍ସ ମାନଙ୍କୁ ଉତ୍ସାହିତ କରିବା ସହ ପ୍ରେରଣା ଦେବେ।
ଏହି ଅବସରରେ ଚିଲିକା ନୋସେନା ମୁଖ୍ୟ ବି ଦୀପକ ଅନୀଲ ସମ୍ବର୍ଦ୍ଧନା ଉତ୍ସବରେ ଯୋଗ ଦେଇ ବିଭିନ୍ନ ବିଭାଗରେ କୃତିତ୍ୱ ଅର୍ଜନ କରିଥିବା ଆଗ୍ନିଭର୍ସଙ୍କୁ ପୁରସ୍କାର ଓ ଟ୍ରଫି ପ୍ରଦାନ କାର୍ଯ୍ୟକ୍ରମ ରହିଛି।
