ଭୁବନେଶ୍ବର: ଶେଷରେ ଭୁବନେଶ୍ବର କମିଶନରେଟ ପୋଲିସକୁ ମିଳିଛି ବଡ ସଫଳତା। ଭୁବନେଶ୍ବର ରାମମନ୍ଦିର ସାମନାରୁ ଅପହରଣ ହୋଇଥିବା ଶିଶୁପୁତ୍ରକୁ ପୋଲିସ ଉଦ୍ଧାର କରିଛି। ସିସିଟିଭି ଫୁଟେଜ ଆଧାର କରି ପୋଲିସ ବାଲେଶ୍ବରରୁ ଶିଶୁକୁ ଉଦ୍ଧାର କରିଛି। ଏଥିପାଇଁ ପୋଲିସ ପାଞ୍ଚଟି ଟିମ ଗଠନ କରିଥିଲା। ଟ୍ରେନରେ ଦୁର୍ବୁତ ଶିଶୁକୁ ଅପହରଣ କରି ନେଉଥିବାର ଫୁଟେଜ ମିଳିଥିଲା।
ଏହାକୁ ଆଧାରକରି ପୋଲିସ ଆରପିଏଫ ଏବଂ ଅନ୍ୟ ରାଜ୍ୟର ପୋଲିସ ସହିତ ମିଶି ବିଭିନ୍ନ ସ୍ଥାନରେ ଅନୁଧ୍ୟାନ କରିଥିଲା। ଶେଷରେ ପୋଲିସ ଶିଶୁଟି ବାଲେଶ୍ବର ଯାଇଥିବାର ସୂଚନା ପାଇବା ପରେ ସେଠାରେ ଚଢାଉ କରି ଶିଶୁକୁ ଉଦ୍ଧାର କରିଥିଲା।
ଭୁବନେଶ୍ବରର ରାମମନ୍ଦିର ସାମନାରୁ ଜଣେ ଦୃଷ୍ଟିବାଧିତ ମହିଳାଙ୍କ କୋଳରୁ ଦୁର୍ବୁତ ପାଞ୍ଚ ବର୍ଷର ଶିଶୁକୁ ନେଇଯାଇଥିଲା। ଏହାପରେ ସେ ବିକଳ ହୋଇ କାନ୍ଦିବାରୁ ପୋଲିସ ଘଟଣା ସଂପର୍କରେ ଅବଗତ ହୋଇଥିଲା। ଏହାପରେ ଆରମ୍ଭ ହୋଇଥିଲା ଛାନଭିନ୍ନ।
