The Samikhsya Desk: ପାକସ୍ଥାନ ହେଉଛି ପୃଥିବୀର ଆର୍ଥିକ ଅନାଟନରେ ସଢୁଥିବା ଏକ ରାଷ୍ଟ୍ର।ମୁସଲିମ ପ୍ରାଧ୍ୟାନ୍ୟ ଏହି ଦେଶରେ ରାଜନୈତିକ ତଥା ଅର୍ଥନୈତିକ ଅସ୍ଥିରତା ଲାଗି ରହିଛି। ଭାରତରେ ଯେପରି ମୁକେଶ ଆମ୍ବାନୀ, ଗୌତମ ଆଦାନୀ ପରି ବିଶ୍ବ ପ୍ରସିଦ୍ଧ ଧନୀ ବ୍ୟକ୍ତି ଅଛନ୍ତି ପାକିସ୍ଥାନରେ ସେପରି କେହି ନାହାଁନ୍ତି। କାରଣ ହେଲା ସେଠାରେ ସବୁବେଳ ଅସ୍ଥିରତା ଲାଗି ରହିଥିବାରୁ କୌଣସି ବଡ ଶିଳ୍ପ କରିବା ସମ୍ଭବ ହୋଇପାରୁ ନାହିଁ।
ହେଲେ ଆପଣ ଆଶ୍ଚର୍ଯ୍ୟ ହେବେ ସେହି ପାକିସ୍ଥାନରେ ଏପରି ଜଣେ ବ୍ୟକ୍ତି ଅଛନ୍ତି ଯେ କି କୋଟିପତି ତାଲିକାରେ ସାମିଲ ହୋଇପାରିଛନ୍ତି। ସାରା ବିଶ୍ବରେ ଜଣେ ଧନୀ ବ୍ୟକ୍ତି ନ ହେଲେ ମଧ୍ୟ ପାକିସ୍ଥାନ ପରି ରାଷ୍ଟ୍ରରେ ସେ ଧନୀ ହୋଇଥିବାରୁ ଚାରିଆଡେ ଚର୍ଚ୍ଚା ଚାଲିଛି। ସେ ନା ମୁକେଶ ଆମ୍ବାନୀ ପରି ଶିଳ୍ପ ପ୍ରତିଷ୍ଠା କରିଛନ୍ତି ନା ଗୌତମ ଆଦାନୀ ପରି ତାଙ୍କର ରହିଛି ବନ୍ଦର। ହେଲେ ମଧ୍ୟ ସେ ହେଉଛନ୍ତି ଜଣେ ଧନୀ ବ୍ୟକ୍ତି। ଅନ୍ୟପଟେ ସେ ହେଉଛନ୍ତି ସଂଖ୍ୟାଲଘୁ ହିନ୍ଦୁ ସଂପ୍ରଦାୟର। ଗୋଟିଏ ମୁସିଲିମ ବହୁଳ ଦେଶରେ ଜଣେ ହିନ୍ଦୁ କୋଟିପତି ହେବା ନିଶ୍ଚିତ ଆଶ୍ଚର୍ଯ୍ୟ ଜନକ।
ତେବେ ଯେଉଁ ହିନ୍ଦୁ ବ୍ୟକ୍ତି ପାକିସ୍ଥାନରେ ଧନୀ ହୋଇଛନ୍ତି ସେ ହେଉଛନ୍ତି ଦୀପକ ପେରୱାନି। ସେ ଶିଳ୍ପ ପ୍ରତିଷ୍ଠା କରି ଧନୀ ହୋଇ ନାହାଁନ୍ତି। ବରଂ ବିଶ୍ବରେ ଜଣେ ଭଲ ଫ୍ୟାସନ ଡିଜାଇଂନର ଏବଂ କଳାକାର ଭାବେ ବେଶ ଭଲ ରୋଜଗାର କରିଛନ୍ତି। ପାକିସ୍ତାନୀ ଡିଜାଇନର ଭାରତୀୟ ଗୀତିକାର ଜାଭେଦ ଅଖତର ଏବଂ ତାଙ୍କ ପତ୍ନୀ ତଥା ଅଭିନେତା ଶବାନା ଆଜମୀଙ୍କ ସମେତ ପ୍ରମୁଖ ସେଲିବ୍ରିଟିଙ୍କ ପାଇଁ ପୋଷାକ ଡିଜାଇନ୍ କରିଛନ୍ତି।
ପରୱାନି ଚୀନ୍ ଏବଂ ମାଲେସିଆରେ ପାକିସ୍ତାନର ସାଂସ୍କୃତିକ ରାଷ୍ଟ୍ରଦୂତ ଭାବରେ ମଧ୍ୟ କାର୍ଯ୍ୟ କରିଛନ୍ତି ଏବଂ ପାକିସ୍ତାନ ଏବଂ ଅନ୍ତର୍ଜାତୀୟ ସ୍ତରରେ ଫ୍ୟାଶନ୍ ଦୃଶ୍ୟରେ ନିୟମିତ ଭାବରେ ପରିଚିତ। ବିଶ୍ୱର ସବୁଠାରୁ ବଡ଼ କୁର୍ତ୍ତା ପାଇଁ ଗିନିଜ୍ ୱାର୍ଲ୍ଡ ରେକର୍ଡ ଉଲ୍ଲେଖଯୋଗ୍ୟ, ଫ୍ୟାଶନ୍ ଜଗତର ଏକ ପ୍ରସିଦ୍ଧ ନାମ ଦୀପକ ପରୱାନିଙ୍କ ନାମରେ ଗିନିଜ୍ ୱାର୍ଲ୍ଡ ରେକର୍ଡ ମଧ୍ୟ ଅଛି। ବିଶ୍ୱର ସବୁଠାରୁ ବଡ଼ କୁର୍ତ୍ତା ଡିଜାଇନ୍ କରିବା ପାଇଁ ଗିନିଜ୍ ୱାର୍ଲ୍ଡ ରେକର୍ଡରେ ତାଙ୍କର ନାମ ଲିପିବଦ୍ଧ ହୋଇଛି। ଏହି ସମୟରେ, ବିଶ୍ୱସ୍ତରୀୟ ପ୍ରସିଦ୍ଧ ଫ୍ୟାଶନ୍ ଡିଜାଇନର୍ ହେବା ବ୍ୟତୀତ, ଦୀପକ ପରୱାନି ଅଭିନୟ କ୍ଷେତ୍ରରେ ମଧ୍ୟ ନିଜର ପରିଚୟ ସୃଷ୍ଟି କରିଛନ୍ତି, ତାଙ୍କ ନାମରେ ଅନେକ ଫିଲ୍ମ ଏବଂ ଟିଭି ଶୋ’ ରହିଛି।
ଦୀପକ ପେରୱାନିଙ୍କ ସମ୍ପତ୍ତି ବିଷୟରେ କୌଣସି ସରକାରୀ ତଥ୍ୟ ନଥିଲେ ମଧ୍ୟ,ଗଣମାଧ୍ୟମ ରିପୋର୍ଟରେ ତାଙ୍କର ସମ୍ପତ୍ତି ମୂଲ୍ୟ ପ୍ରାୟ 71 କୋଟି ଟଙ୍କା ବୋଲି ଦର୍ଶାଯାଇଛି, ଯାହା ତାଙ୍କୁ ପାକିସ୍ତାନର ସବୁଠାରୁ ଧନୀ ହିନ୍ଦୁମାନଙ୍କ ମଧ୍ୟରୁ ଜଣେ କରିଛି। ଉଲ୍ଲେଖଯୋଗ୍ୟ, ଦୀପକଙ୍କ ସମ୍ପର୍କୀୟ ଭାଇ, ନବୀନ ପେରୱାନି, ଜଣେ ପ୍ରସିଦ୍ଧ ସ୍ନୁକର ଖେଳାଳି ଯିଏ ଅନେକ ଟୁର୍ଣ୍ଣାମେଣ୍ଟରେ ବିଶ୍ୱ ସ୍ତରରେ ପାକିସ୍ତାନକୁ ପ୍ରତିନିଧିତ୍ୱ କରିଛନ୍ତି। ସେ ମଧ୍ୟ ଦେଶର ସବୁଠାରୁ ଧନୀ ହିନ୍ଦୁମାନଙ୍କ ମଧ୍ୟରୁ ଜଣେ, ଯାହାଙ୍କ ସମ୍ପତ୍ତି ମୂଲ୍ୟ ପ୍ରାୟ 60 କୋଟି ଟଙ୍କା। ପେରୱାନିଙ୍କ ଏପରି କାର୍ଯ୍ୟକୁ ନେଇ କେବଳ ପାକିସ୍ଥାନରେ କାହିଁକି ସାରା ବିଶ୍ବରେ ତାଙ୍କର ଚର୍ଚ୍ଚା ଚାଲିଛି। ଯିଏ ତାଙ୍କ ବିଷୟରେ ଜାଣୁଛି ସେ ପ୍ରଶଂସା ନ କରି ରହି ପାରୁ ନାହିଁ।
