ପୁରୀ: ଆଜି ମହାପ୍ରଭୃ ତାଙ୍କର ରତ୍ନବେଦୀକୁ ବାହୁଡିବେ। ଜନ୍ମବେଦୀରୁ ଯିବେ ରତ୍ନବେଦୀ। ସେଥିପାଇଁ ଆଜି ସକାଳୁ ଆରମ୍ଭ ହୋଇଯାଇଛି ବାହୁଡା ଯାତ୍ରା ପ୍ରସ୍ତୁତି। ସକାଳୁ ସମସ୍ତ ନୀତି ଶେଷ ହେବା ପରେ ଆରମ୍ଭ ହୋଇଥିଲା ମହାପ୍ରଭୃଙ୍କ ବାହୁଡିବା କାର୍ଯ୍ୟ। ପ୍ରଥମେ ବଡ ଭାଇ ବଳଭଦ୍ର ଏବଂ ଏହାପରେ ମା ସୁଭଦ୍ରା ପହଣ୍ଡି ବିଜେ କରି ରଥାଋଢ ହୋଇସାରିଛନ୍ତି। ଏହାପରେ ପ୍ରଭୃ ଜଗନ୍ନାଥ ଟାହିଆ ହଲାଇ ହଲାଇ ରଥ ଆଡକୁ ଅଗ୍ରସର ହେଉଛନ୍ତି।
ତିନିଠାକୁର ରଥ ବିଜେ ହେବା ପରେ ଆରମ୍ଭ ହେବ ଛେରା ପହଁରା ନୀତି। ଏହାପରେ ଚାରମାଳ କଢାଯାଇ ରଥଟଣା କାର୍ଯ୍ୟ କରାଯିବ। ଏହାପରେ ରଥ ଉପରେ ସିହଂଦ୍ବାର ନିକଟରେ ମହାପ୍ରଭୃ ଭକ୍ତଗଣଙ୍କୁ ଦର୍ଶନ ଦେବେ। ଆସନ୍ତାକାଲି ତିନିଠାକୁରଙ୍କ ସୁନାବେଶ ଅନୁଷ୍ଠିତ ହେବ।
