ପୁରୀ: ପୁରୀ ପୁଲିସ ରିଜର୍ଭଲାଇନ ସମ୍ମିଳନୀ କକ୍ଷରେ ଜିଲ୍ଲା ଅବସରପ୍ରାପ୍ତ ପୁଲିସ ପଦାଧିକାରୀ କଲ୍ୟାଣ ସଂଘର ଅଷ୍ଟାଦଶ ବାର୍ଷିକ ଉତ୍ସବ ଅନୁଷ୍ଠିତ ହୋଇଛି। ଏଥିରେ ମୁଖ୍ୟ ଅତିଥିଭାବେ ଯୋଗ ଦେଇ ମୁଖ୍ୟମନ୍ତ୍ରୀଙ୍କ ମୁଖ୍ୟ ପରାମର୍ଶଦାତା ତଥା ପୂର୍ବତନ ପୁଲିସ ଡିଜି ପ୍ରକାଶ ମିଶ୍ର କହିଛନ୍ତି ଯେ, ଅବସରପ୍ରାପ୍ତ ପୁଲିସ ଅଧିକାରୀମାନେ ଅବିରତ ଭାବେ ଏକତା ଓ ସେବା ଭାବନାର ନିର୍ଦ୍ଦଶନ ଦେଇ ଆଗାମୀ ପିଢିଙ୍କୁ ଅନୁପ୍ରାଣିତ କରୁଛନ୍ତି। ଶ୍ରୀମନ୍ଦିର ଉପରେ ବାରମ୍ବାର ଡ୍ରୋନ ଉଡିବା ଏବଂ ଡ୍ରୋନଦ୍ବାରା ବିଭିନ୍ନ କାର୍ଯ୍ୟ ହେବାନେଇ ଶ୍ରୀ ମିଶ୍ର ଉଦବେଗ ପ୍ରକାଶ କରିଥିଲେ।
ଏହି ଉତ୍ସବରେ ପୁଲିସ ଏଡିଜି ସୌମେନ୍ଦ୍ର ପ୍ରିୟଦର୍ଶୀ, କେନ୍ଦ୍ରାଞ୍ଚଳ ଆଇଜି ସତ୍ୟଜିତ ନାୟକ, ପୁରୀ ଜିଲ୍ଲାସଂଘ ସଭାପତି ପି.ଚିଟି ରାୟ ପ୍ରମୁଖ ଉପସ୍ଥିତ ଥିଲେ।
