ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବଡ଼ବଜାର ଥାନା ଅନ୍ତର୍ଗତ ଶାନ୍ତି ନଗର ପ୍ରଥମ ଗଳିର ଅଭିଷେକ ନାହାକ ନାମକ ଜଣେ ଯୁବକଙ୍କୁ କିଛି ଯୁବକ ମାରଣାସ୍ତ୍ରରେ ହାଣି ଘଟଣାସ୍ଥଳରୁ ଫେରାର ହୋଇଯାଇଛନ୍ତି। ଗୁରୁତର ଯୁବକ ଜଣଙ୍କ ନିଜ ସାହି ଛକରେ ଗୋଟିଏ ଦୋକାନରେ ଚା’ ପିଉଥିବା ବେଳେ ହଠାତ୍ କିଛି ଯୁବକ ଆସି ତାଙ୍କୁ ଆକ୍ରମଣ କରିଥିଲେ।
ଗୁରୁତର ଯୁବକ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି ହୋଇଥିବା ବେଳେ ତାଙ୍କ ମା ବଡ଼ବଜାର ଥାନାରେ ଲିଖିତ ଅଭିଯୋଗ କରିଛନ୍ତି। ଘଟଣାକୁ ନେଇ ପୋଲିସ ଛାନଭିନ୍ ଚଳାଇ ଘଟଣା ର ତଦନ୍ତ ଆରମ୍ଭ କରିଛି।