ଭୁବନେଶ୍ଵର: ଓଡ଼ିଶା ଗର୍ବିତ ଅନୁଭବ କରୁଛି ଯେ, ଜାତୀୟ ସ୍ତରର ସୁବର୍ଣ୍ଣ ପଦକ ବିଜେତା ଖେଳାଳି ମାଳବିକା ମିଶ୍ର ତାଙ୍କର ଉଲ୍ଲେଖନୀୟ କ୍ରୀଡାଜୀବନ ମାଧ୍ୟମରେ ରାଜ୍ୟକୁ ଅନେକ ସମ୍ମାନ ଦେଇଛନ୍ତି। ରାଉରକେଲାରେ ଶିକ୍ଷା ଓ କ୍ରୀଡା ଜୀବନ ଆଗେଇନେଇଥିବା ସମୟରେ ସେ ମୋହନ କୁମାର ମଙ୍ଗଳମ ପୁରସ୍କାର ସହିତ ସମ୍ମାନିତ ହୋଇଥିଲେ ଏବଂ ‘ବେଷ୍ଟ ଆଥ୍ଲିଟ୍ ଅଫ୍ ରାଉରକେଲା’ ଭାବେ ମଧ୍ୟ ସମ୍ମାନ ପାଇଥିଲେ।
ମାଳବିକା ମିଶ୍ର ଆଜି ମଧ୍ୟ କ୍ରୀଡାରେ ତାଙ୍କ ଯାତ୍ରା କରୁଛନ୍ତି ଏବଂ ନାସନାଲ ମାଷ୍ଟର୍ସ ଗେମ୍ସରେ ଅନେକ ସୁବର୍ଣ୍ଣ ପଦକ ଜିତିଛନ୍ତି। ପ୍ରତିଟି ପଦକ ପାଇବାରେ ଯେପରି ଉତ୍ସାହ ଓ ସମର୍ପଣ ସେ ଦେଇଥାନ୍ତି, ସେହିପରି ଉତ୍ସାହ ସହିତ ତାଙ୍କର ଦୃଷ୍ଟିକୋଣ ଓ ଲକ୍ଷ୍ୟ ହେଉଛି — ଓଡ଼ିଶାର ପ୍ରତ୍ୟେକ ନାରୀଙ୍କୁ ଶକ୍ତିଶାଳୀ, ସୁସ୍ଥ ଏବଂ ଅଦମ୍ୟ କରିବା।
ବର୍ତ୍ତମାନ ସେ ଭୁବନେଶ୍ୱର ସ୍ଥିତ OMFED କର୍ପୋରେଟ୍ ଅଫିସର HRD ବିଭାଗରେ କାର୍ଯ୍ୟରତ। ନିରନ୍ତର ସମର୍ପଣ ଓ କୃତିତ୍ୱ ସହିତ ସେ ପ୍ରେରଣା ଦେଇଆସୁଛନ୍ତି। ସେ ବିଶ୍ୱ ପାରା ଏଥ୍ଲେଟିକ୍ସ ଚ୍ୟାମ୍ପିୟନସିପ୍ 2025 ପାଇଁ ଜାତୀୟ ପ୍ରାୟୋଗିକ ଅଧିକାରୀ (NTO) National Technical Officiating ଭାବେ ଚୟନିତ ହୋଇଛନ୍ତି। ଏହି ଆୟୋଜନ ସେପ୍ଟେମ୍ବର 25 ରୁ ଅକ୍ଟୋବର 5, 2025 ପର୍ଯ୍ୟନ୍ତ ନୂଆଦିଲ୍ଲୀର ଜବାହରଲାଲ ନେହେରୁ ଷ୍ଟାଡିୟମ୍ରେ ହେବ।
ଏହି ଐତିହାସିକ ଚ୍ୟାମ୍ପିୟନସିପ୍ରେ ୧୧୦ଟି ଦେଶରୁ ଅଧିକ 3,000 ଆଥ୍ଲିଟ୍, 186ଟି ଇଭେଣ୍ଟ ହେବାକୁ ଯାଉଛି। ଓଡ଼ିଶାରୁ ୯(ନଜଣ) ଜାତୀୟ ପ୍ରାୟୋଗିକ ଅଧିକାରୀ ଚୟନିତ ହୋଇଛନ୍ତି — ଯାହା ମଧ୍ୟରୁ ଶ୍ରୀମତୀ ମାଳବିକା ମିଶ୍ର ଗର୍ବର ସହିତ ଓଡ଼ିଶାକୁ ପ୍ରତିନିଧିତ୍ୱ କରିବେ।
ଏହି ସମ୍ମାନ ପାଇ ମାଳବିକା ମିଶ୍ରଙ୍କ କଥା:
“ପ୍ରଭୁ ଶ୍ରୀ ଜଗନ୍ନାଥଙ୍କର ଓ ମା କଟକ ଚଣ୍ଡୀଙ୍କର ଆଶୀର୍ବାଦ ରହିଛି।, ପରିବାର ଓ ସମସ୍ତଙ୍କୁ ହୃଦୟପୂର୍ବକ କୃତଜ୍ଞତା ଜଣାଉଛି। ମୋର କ୍ରୀଡାଜୀବନ ଜାତୀୟ ସୁବର୍ଣ୍ଣ ପଦକବିଜେତା ଭାବେ ଆଗକୁ ବଢ଼ିଛି ଏବଂ ଆଜି ପର୍ଯ୍ୟନ୍ତ ମୁଁ ସକ୍ରିୟ ଭାବେ କ୍ରୀଡାକୁ ଅନୁସରଣ କରୁଛି। ପାରା କ୍ରୀଡା ମୋ ପାଇଁ ଅଲଗା ଏବଂ ବିଶେଷ ଅନୁଭବ। ପୂର୍ବରୁ ମୁଁ ରାଜ୍ୟ ଓ ଜାତୀୟ ସ୍ତରରେ ପାରା କ୍ରୀଡାରେ କାର୍ଯ୍ୟ କରିବାର ସୁଯୋଗ ପାଇଥିଲି, ଆଜି ବିଶ୍ୱ ପାରା ଏଥ୍ଲେଟିକ୍ସ ଚ୍ୟାମ୍ପିୟନସିପ୍ ପାଇଁ ଜାତୀୟ ପ୍ରାୟୋଗିକ ଅଧିକାରୀ ଭାବେ ଚୟନିତ ହୋଇ ଗର୍ବିତ ଅନୁଭବ କରୁଛି।”
ସେ ଆହୁରି କହିଥିଲେ ଯେ, “ଏହି ସଫଳତା ପଛରେ ମୋର ପରିବାରର ଅବିଚଳ ସମର୍ଥନ, OMFED ର ମ୍ୟାନେଜିଂ ଡିରେକ୍ଟର ଏବଂ HR ବିଭାଗର ସମସ୍ତଙ୍କ ସହଯୋଗ, ଏବଂ ସମାଜର ଆଶୀର୍ବାଦ ରହିଛି। ମୁଁ ଆମ ପାରା ପ୍ରେସିଡେଣ୍ଟ ଶ୍ରୀ କମଳାକାନ୍ତ ରଥ, ସଚିବ ଶ୍ରୀ ସୁନୀଲ ପ୍ରଧାନ, ଦେବାମୃତ ସାହୁ ଓ ସଂଘର ସମସ୍ତ ସଦସ୍ୟଙ୍କୁ ଓ କ୍ରୀଡା ବିଭାଗ ହୃଦୟପୂର୍ବକ ଧନ୍ୟବାଦ ଜଣାଉଛି। ପାରା ଆଥ୍ଲିଟମାନଙ୍କର ସାହସ, ସଂଘର୍ଷ ଓ ପରିଶ୍ରମ ସମସ୍ତଙ୍କୁ ପ୍ରେରଣା ଦେଇଥାଏ। ମୋର ସଦାଚେଷ୍ଟା ରହିବ — ସମ୍ମାନ, ସମାନତା ଓ ସମର୍ପଣ ସହିତ ଦାୟିତ୍ୱ ପୂରଣ କରିବା, ଏବଂ ଓଡ଼ିଶା ଓ ଭାରତର ନାମକୁ ଉଚ୍ଚସ୍ଥାନରେ ଉଠାଇବା।”