ଭୁବନେଶ୍ଵର: ନୂଆଦିଲ୍ଲୀର ବିଜ୍ଞାନ ଭବନରେ ଆୟୋଜିତ ‘କୌଶଳ ଦୀକ୍ଷାନ୍ତ ସମାରୋହ-୨୦୨୫’ ଅବସରରେ ଇଲେକ୍ଟ୍ରୋନିକ୍ସ ମେକାନିକ୍ ଟ୍ରେଡ୍ ଏବଂ ଇଲେକ୍ଟ୍ରିସିଆନ୍ ଟ୍ରେଡ୍ରେ ‘ଅଲ୍ ଇଣ୍ଡିଆ ଟପର ଆୱାର୍ଡ–୨୦୨୫’ ପ୍ରାପ୍ତ କରିଥିବା ପ୍ରମୋଦ ଦଳପତି, ଛାତ୍ର, ସରକାରୀ ଆଇ.ଟି.ଆଇ., ଫୁଲବାଣୀ (କନ୍ଧମାଳ) ଏବଂ ଜିତେନ୍ଦ୍ର ପ୍ରଧାନ, ପୂର୍ବତନ ଛାତ୍ର, ସରକାରୀ ଆଇ.ଟି.ଆଇ., ହିଞ୍ଜିଳିକାଟୁ (ଗଞ୍ଜାମ) ଙ୍କୁ ଓଡ଼ିଶା ଆଇ.ଟି.ଆଇ. ଷ୍ଟାଫ୍ ଆସୋସିଏସନର ସାଧାରଣ ସମ୍ପାଦକ ଓ ଓଡ଼ିଶା ସରକାରୀ ମିଳିତ କର୍ମଚାରୀ ମହାସଂଘ ସଭାପତି ବିଜୟ ମଲ୍ଲ ଆନ୍ତରିକ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି। ପୁରା ଓଡ଼ିଶାର କର୍ମଚାରୀ ତରଫରୁ ତାଙ୍କ ଆଗାମୀ ଦିନର ଆହୁରି ସଫଳତା ଓ ଉଜ୍ଜ୍ୱଳ ଭବିଷ୍ୟତ ପାଇଁ ହୃଦୟପୂର୍ଣ୍ଣ ଶୁଭକାମନା।
ଏହି ଅଭୁଲାର୍ଥ ସଫଳତା ହେଉଛ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଦିଗଦର୍ଶନ ଓ ମାନ୍ୟବର ବୈଷୟିକ ଶିକ୍ଷା ଓ ଦକ୍ଷତା ବିକାଶ ମନ୍ତ୍ରୀ ସମ୍ପଦ ସ୍ୱାଇଁଙ୍କ ନେତୃତ୍ୱର ଫଳ। ରାଜ୍ୟ ସରକାରଙ୍କ ପ୍ରତିବଦ୍ଧତା ଓ ଯୁବ ସଶକ୍ତିକରଣ ଉଦ୍ୟମର ଏକ ଦୃଢ ପ୍ରତୀକ।
ଆମ ବିଶ୍ୱାସ ଆଗାମୀ ଦିନରେ ଓଡ଼ିଆ ଯୁବବର୍ଗ ଦକ୍ଷ, ସଶକ୍ତ ଓ ଆତ୍ମନିର୍ଭର ହୋଇ ବିକଶିତ ଭାରତ ଗଢ଼ିବେ ମୁଖ୍ୟମନ୍ତ୍ରୀ ଓ ମନ୍ତ୍ରୀ ଦୁହେଁ ତାଙ୍କୁ ଆନ୍ତରିକ ଶୁଭେଚ୍ଛା ଜଣାଇ ଅଭିନନ୍ଦନ କରିଛନ୍ତି। ତାଙ୍କ ଅଦମ୍ୟ ପରିଶ୍ରମ, ନିଷ୍ଠା ଓ ସମର୍ପଣ ଓଡ଼ିଶାକୁ ଗର୍ବିତ କରିଛି ଓ ଅନ୍ୟ ଯୁବପିଢ଼ୀ ପାଇଁ ପ୍ରେରଣା ହୋଇ ରହିବ।
