ନୂଆଦିଲ୍ଲୀ: ଭାରତ ୧୯ ବର୍ଷରୁ କମ୍ ଏସିଆ କପର ସେମିଫାଇନାଲରେ ଶ୍ରୀଲଙ୍କାକୁ ୮ ୱିକେଟରେ ପରାସ୍ତ କରି ଫାଇନାଲରେ ସ୍ଥାନ ପକ୍କା କରିଛି। ଭାରତ ପାଇଁ ଆରୋନ ଜର୍ଜ ଏବଂ ବିହାନ ମାଲହୋତ୍ରା ଅପରାଜିତ ଅର୍ଦ୍ଧଶତକ ହାସଲ କରିଛନ୍ତି। ଟିମ୍ ଇଣ୍ଡିଆ ଟାଇଟଲ୍ ମ୍ୟାଚ୍ରେ ପାକିସ୍ତାନ ସହିତ ମୁକାବିଲା କରିବ, ଯିଏ ଅନ୍ୟ ସେମିଫାଇନାଲରେ ବାଂଲାଦେଶକୁ ପରାସ୍ତ କରିଥିଲା। ସେମିଫାଇନାଲରେ ଭାରତ ପାଇଁ ଆରୋନ ଜର୍ଜ ୪୯ ବଲ୍ରେ ୫୮ରନ୍ କରିଥିଲେ, ଯେତେବେଳେ ବିହାନ ମାଲହୋତ୍ରା ୪୫ ବଲ୍ରେ ଅପରାଜିତ ୬୧ ରନ୍ କରିଥିଲେ।
ପୂର୍ବରୁ ବର୍ଷା ଏବଂ ଓଦା ଆଉଟଫିଲ୍ଡ ଯୋଗୁଁ ଟସ୍ ୫ ଘଣ୍ଟା ବିଳମ୍ବ ହୋଇଥିଲା। ଗୋଟିଏ ସମୟରେ ମନେ ହେଉଥିଲା ଯେ ମ୍ୟାଚ୍ ହେବ ନାହିଁ, କିନ୍ତୁ ଗ୍ରାଉଣ୍ଡ ଷ୍ଟାଫ୍ ଭଲ କାମ କରିଥିଲେ। ମ୍ୟାଚ୍କୁ ୨୦ ଓଭରକୁ ହ୍ରାସ କରାଯାଇଥିଲା। ଟସ୍ ହାରି ପ୍ରଥମେ ବ୍ୟାଟିଂ କରିବା ପରେ, ଶ୍ରୀଲଙ୍କା ୮ ୱିକେଟ୍ ହରାଇ ୧୩୮ ରନ୍ କରିଥିଲା। ଜବାବରେ, ଟିମ୍ ଇଣ୍ଡିଆ ୧୨ ବଲ୍ ବାକି ଥାଇ ଲକ୍ଷ୍ୟ ହାସଲ କରିଥିଲା। ଭାରତର ଆରମ୍ଭ ଖରାପ ଥିଲା। ଟିମ୍ ଇଣ୍ଡିଆ ଭାରତ ୨୫ ରନ୍ ସ୍କୋରରେ ଆୟୁଷ ମହାତ୍ରେ ଏବଂ ବୈଭବ ସୂର୍ଯ୍ୟବଂଶୀଙ୍କ ୱିକେଟ୍ ହରାଇଥିଲା। ତଥାପି, ଆରନ୍ ଜର୍ଜ ଏବଂ ବିହାନ ମାଲହୋତ୍ରା ୮୭ ବଲ୍ ରେ ତୃତୀୟ ୱିକେଟ୍ ପାଇଁ ୧୧୪ ରନ୍ ଯୋଡ଼ି ଦଳକୁ ବିଜୟୀ କରାଇଥିଲେ।
ଦିନର ଦ୍ୱିତୀୟ ସେମିଫାଇନାଲ୍ରେ, ପାକିସ୍ତାନ ବାଂଲାଦେଶକୁ ୮ ୱିକେଟ୍ ରେ ପରାସ୍ତ କରିଥିଲା। ବର୍ଷା ଯୋଗୁଁ ମ୍ୟାଚ୍ ୨୭ ଓଭରକୁ ହ୍ରାସ କରାଯାଇଥିଲା। ବାଂଲାଦେଶ ପ୍ରଥମେ ବ୍ୟାଟିଂ କରି ୧୨୧ ରନ୍ କରିଥିଲା। ଜବାବରେ ପାକିସ୍ତାନ ୧୬.୩ ଓଭରରେ ୨ ୱିକେଟ୍ ହରାଇ ୧୨୨ ରନ୍ କରିଥିଲା ଏବଂ ମ୍ୟାଚ୍ ୮ ୱିକେଟ୍ ରେ ଜିତିଥିଲା। ଫାଇନାଲ୍ ଡିସେମ୍ବର ୨୧ ତାରିଖରେ ଦୁବାଇର ଆଇସିସି ଏକାଡେମୀ ଗ୍ରାଉଣ୍ଡରେ ଖେଳାଯିବ।