ନୂଆଦିଲ୍ଲୀ: ପଶ୍ଚିମ ଏସିଆର ବଦଳୁଥିବା ସ୍ଥିତି ସମ୍ପର୍କରେ ପ୍ରଭାବିତ ସେବାଗୁଡ଼ିକୁ ନେଇ ଭାରତ ସରକାର ନିୟମିତ ଅପଡେଟ୍ ମାଧ୍ୟମରେ ନାଗରିକମାନଙ୍କୁ ଅବଗତ କରାଇବା ପାଇଁ ନିଜର ପ୍ରୟାସ ଜାରି ରଖିଛନ୍ତି। ଏହି ପରିପ୍ରେକ୍ଷୀରେ, ଆଜି ନ୍ୟାସନାଲ ମିଡିଆ ସେଣ୍ଟରଠାରେ ଏକ ଗଣମାଧ୍ୟମ ବ୍ରିଫିଙ୍ଗ୍ ଅନୁଷ୍ଠିତ ହୋଇଥିଲା, ଯେଉଁଠାରେ ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ ମନ୍ତ୍ରଣାଳୟ ଏବଂ ବନ୍ଦର, ଜାହାଜ ଚଳାଚଳ ଓ ଜଳପଥ ମନ୍ତ୍ରଣାଳୟର ଅଧିକାରୀମାନେ ଜାଳେଣିର ଉପଲବ୍ଧତା, ସାମୁଦ୍ରିକ କାର୍ଯ୍ୟକଳାପ ଏବଂ ପ୍ରମୁଖ କ୍ଷେତ୍ରଗୁଡ଼ିକରେ ସ୍ଥିରତା ବଜାୟ ରଖିବା ପାଇଁ ନିଆଯାଉଥିବା ପଦକ୍ଷେପ ବିଷୟରେ ସୂଚନା ପ୍ରଦାନ କରିଛନ୍ତି।
ଶକ୍ତି ଯୋଗାଣ ଏବଂ ଜାଳେଣିର ଉପଲବ୍ଧତା
ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ ମନ୍ତ୍ରଣାଳୟ ବର୍ତ୍ତମାନର ଇନ୍ଧନ ଯୋଗାଣ ସ୍ଥିତି ସମ୍ପର୍କରେ ସୂଚନା ପ୍ରଦାନ କରିବା ସହ ପଶ୍ଚିମ ଏସିଆର ବଦଳୁଥିବା ସ୍ଥିତିକୁ ଦୃଷ୍ଟିରେ ରଖି ପେଟ୍ରୋଲିୟମ ଉତ୍ପାଦ ଏବଂ ଏଲପିଜିର ନିରବଚ୍ଛିନ୍ନ ଉପଲବ୍ଧତା ସୁନିଶ୍ଚିତ କରିବା ପାଇଁ ନିଆଯାଉଥିବା ପଦକ୍ଷେପଗୁଡ଼ିକର ରୂପରେଖ ଉପସ୍ଥାପନ କରିଛନ୍ତି। ଏଥିରେ ଉଲ୍ଲେଖ କରାଯାଇଛି ଯେ:
ଜନସାଧାରଣଙ୍କ ପାଇଁ ପରାମର୍ଶ ଏବଂ ନାଗରିକ ସଚେତନତା
• ସରକାର ପେଟ୍ରୋଲ, ଡିଜେଲ ଏବଂ ଏଲପିଜି ର ଉପଲବ୍ଧତା ସୁନିଶ୍ଚିତ କରିବା ପାଇଁ ସମସ୍ତ ପ୍ରକାର ପ୍ରୟାସ କରୁଥିବାରୁ, ଆତଙ୍କିତ ହୋଇ ଅତ୍ୟଧିକ ପରିମାଣରେ ଏଲପିଜି କିଣିବାଠାରୁ ଦୂରେଇ ରହିବାକୁ ନାଗରିକମାନଙ୍କୁ ପରାମର୍ଶ ଦିଆଯାଇଛି।
• ଗୁଜବ ପ୍ରତି ସତର୍କ ରୁହି ସଠିକ୍ ସୂଚନା ପାଇଁ କେବଳ ସରକାରୀ ସୂତ୍ର ଉପରେ ଭରସା କରିବାକୁ କୁହାଯାଇଛି।
• ଏଲପିଜି ଗ୍ରାହକମାନଙ୍କୁ ଡିଜିଟାଲ୍ ବୁକିଂ ପ୍ଲାଟଫର୍ମ ବ୍ୟବହାର କରିବାକୁ ଅନୁରୋଧ କରାଯିବା ସହ ବିତରକମାନଙ୍କ ପାଖକୁ ନ ଯିବାକୁ କୁହାଯାଇଛି।
• ନାଗରିକମାନଙ୍କୁ ପିଏନଜି ଏବଂ ବୈଦ୍ୟୁତିକ କିମ୍ବା ଇଣ୍ଡକ୍ସନ ଚୁଲା ଭଳି ବିକଳ୍ପ ଜାଳେଣି ବ୍ୟବହାର କରିବାକୁ ପ୍ରୋତ୍ସାହିତ କରାଯାଉଛି।
• ବର୍ତ୍ତମାନର ସ୍ଥିତିକୁ ଦୃଷ୍ଟିରେ ରଖି ସମସ୍ତ ନାଗରିକଙ୍କୁ ସେମାନଙ୍କର ଦୈନନ୍ଦିନ ବ୍ୟବହାରରେ ଶକ୍ତି ସଂରକ୍ଷଣ ପାଇଁ ଆବଶ୍ୟକୀୟ ପ୍ରୟାସ କରିବାକୁ ଅନୁରୋଧ କରାଯାଇଛି।
ସରକାରୀ ପ୍ରସ୍ତୁତି ଏବଂ ଯୋଗାଣ ପରିଚାଳନା
• ସାମ୍ପ୍ରତିକ ଭୂ-ରାଜନୈତିକ ସ୍ଥିତି ସତ୍ତ୍ୱେ, ସରକାର ଘରୋଇ ଏଲପିଜି, ଘରୋଇ ପିଏନଜି ଏବଂ ସିଏନଜି (ପରିବହନ) ପାଇଁ ୧୦୦% ଯୋଗାଣ ସୁନିଶ୍ଚିତ କରିଛନ୍ତି।
• ବାଣିଜ୍ୟିକ ଏଲପିଜି ଯୋଗାଣ କ୍ଷେତ୍ରରେ ଡାକ୍ତରଖାନା ଏବଂ ଶିକ୍ଷାନୁଷ୍ଠାନଗୁଡ଼ିକୁ ପ୍ରାଥମିକତା ଦିଆଯାଇଛି। ଏହା ବ୍ୟତୀତ ଫାର୍ମା (ଔଷଧ), ଇସ୍ପାତ, ଅଟୋମୋବାଇଲ୍, ବିହନ, କୃଷି ଇତ୍ୟାଦି କ୍ଷେତ୍ରକୁ ମଧ୍ୟ ପ୍ରାଥମିକତା ପ୍ରଦାନ କରାଯାଇଛି। ଏଥିସହ, ପ୍ରବାସୀ ଶ୍ରମିକମାନଙ୍କ ପାଇଁ ୫ କେଜି ଏଫଟିଏଲ୍ ସିଲିଣ୍ଡର ଯୋଗାଣକୁ ୨ ଏବଂ ୩ ମାର୍ଚ୍ଚ ୨୦୨୬ ର ଦୈନନ୍ଦିନ ହାରାହାରି ଯୋଗାଣ ଆଧାରରେ ଦୁଇଗୁଣିତ କରାଯାଇଛି।
• ସରକାର ଯୋଗାଣ ଏବଂ ଚାହିଦା ଉଭୟ ଦିଗରେ ଅନେକ ଯୁକ୍ତିଯୁକ୍ତ ପଦକ୍ଷେପ କାର୍ଯ୍ୟକାରୀ କରିଛନ୍ତି, ଯେଉଁଥିରେ ବିଶୋଧନାଗାରରେ ଉତ୍ପାଦନ ବୃଦ୍ଧି କରିବା, ବୁକିଂ ଅବଧିକୁ ସହରାଞ୍ଚଳରେ ୨୧ ରୁ ୨୫ ଦିନ ଏବଂ ଗ୍ରାମାଞ୍ଚଳରେ ୪୫ ଦିନ ପର୍ଯ୍ୟନ୍ତ ବୃଦ୍ଧି କରିବା ଏବଂ ଯୋଗାଣ ପାଇଁ ପ୍ରାଥମିକତା କ୍ଷେତ୍ରଗୁଡ଼ିକୁ ଚିହ୍ନଟ କରିବା ସାମିଲ ଅଛି।
ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳ ସହିତ ସମନ୍ୱିତ ପ୍ରୟାସ ଏବଂ ସାଂସ୍ଥାନିକ ବ୍ୟବସ୍ଥା
• ଅତ୍ୟାବଶ୍ୟକ ସାମଗ୍ରୀ ଆଇନ, ୧୯୫୫ ଏବଂ ଏଲପିଜି ନିୟନ୍ତ୍ରଣ ଆଦେଶ, ୨୦୦୦ ଅଧୀନରେ ରାଜ୍ୟ ସରକାରମାନଙ୍କୁ ଯୋଗାଣ ଉପରେ ନଜର ରଖିବା ଏବଂ କଳାବଜାରୀ ଓ ମହଜୁଦକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ କ୍ଷମତା ପ୍ରଦାନ କରାଯାଇଛି।
• ପେଟ୍ରୋଲ, ଡିଜେଲ ଏବଂ ଏଲପିଜି ସମେତ ଅତ୍ୟାବଶ୍ୟକ ସାମଗ୍ରୀର ଯୋଗାଣ ସ୍ଥିତିର ତଦାରଖ ଏବଂ ନିୟନ୍ତ୍ରଣ କରିବାରେ ରାଜ୍ୟ/କେନ୍ଦ୍ରଶାସିତ ଅଞ୍ଚଳ ସରକାରମାନଙ୍କର ମୁଖ୍ୟ ଭୂମିକା ରହିଛି। ଭାରତ ସରକାର ସମସ୍ତ ରାଜ୍ୟ/କେନ୍ଦ୍ରଶାସିତ ଅଞ୍ଚଳକୁ ଏକାଧିକ ଚିଠି ଏବଂ ଭିଡିଓ କନଫରେନ୍ସିଂ ମାଧ୍ୟମରେ ଏହା ଦୋହରାଇଛନ୍ତି।
• ଭାରତ ସରକାର ୨୭ ମାର୍ଚ୍ଚ ଏବଂ ୨ ଏପ୍ରିଲର ଚିଠି ମାଧ୍ୟମରେ ପର୍ଯ୍ୟାପ୍ତ ଜାଳେଣି ଉପଲବ୍ଧତା ସମ୍ପର୍କରେ ନାଗରିକମାନଙ୍କୁ ଆଶ୍ୱାସନା ଦେବା ପାଇଁ ସକ୍ରିୟ ଜନସମ୍ପର୍କର ଆବଶ୍ୟକତା ଉପରେ ଗୁରୁତ୍ୱ ଦେଇଛନ୍ତି। ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳଗୁଡ଼ିକ ସହ ନିୟମିତ ସମୀକ୍ଷା ବୈଠକ ଅନୁଷ୍ଠିତ ହେଉଛି। ଏହି ପରିପ୍ରେକ୍ଷୀରେ, ଏପ୍ରିଲ ୨ ଏବଂ ଏପ୍ରିଲ ୬ ତାରିଖରେ ଦୁଇଟି ପୃଥକ ବୈଠକ ଆହୂତ ହୋଇଥିଲା, ଯେଉଁଥିରେ ନିମ୍ନଲିଖିତ ବିଷୟଗୁଡ଼ିକ ଉପରେ ଗୁରୁତ୍ୱ ଦିଆଯାଇଥିଲା:
o ଦୈନନ୍ଦିନ ପ୍ରେସ୍ ବ୍ରିଫିଙ୍ଗ୍ ଏବଂ ନିୟମିତ ଜନସାଧାରଣଙ୍କ ପାଇଁ ପରାମର୍ଶନାମା ଜାରି କରିବା।
o ସୋସିଆଲ ମିଡିଆରେ ମିଥ୍ୟା ଓ ଭ୍ରମାତ୍ମକ ସୂଚନା ଉପରେ ସକ୍ରିୟ ନଜର ରଖିବା ଏବଂ ସେଗୁଡ଼ିକୁ ପ୍ରତିହତ କରିବା।
o ଜିଲ୍ଲା ପ୍ରଶାସନ ଦ୍ୱାରା ଦୈନନ୍ଦିନ କାର୍ଯ୍ୟାନୁଷ୍ଠାନ ଅଭିଯାନକୁ ଜୋରଦାର କରିବା ଏବଂ ତୈଳ ବିପଣନକାରୀ କମ୍ପାନୀଗୁଡ଼ିକ ସହ ସମନ୍ୱୟ ରକ୍ଷା କରି ଚଢ଼ଉ ଓ ଯାଞ୍ଚ ଜାରି ରଖିବା।
o ପିଏନଜି ଏବଂ ବିକଳ୍ପ ଜାଳେଣିର ବ୍ୟବହାରକୁ ପ୍ରୋତ୍ସାହିତ କରିବା।
o ବିଶେଷ କରି ଘରୋଇ ଆବଶ୍ୟକତା ପାଇଁ ଏଲପିଜି ଯୋଗାଣକୁ ପ୍ରାଥମିକତା ଦେବା ଏବଂ ଯୋଗାଣର ସ୍ଥିରତା ସୁନିଶ୍ଚିତ କରିବା ପାଇଁ ୫ କେଜି ଏଫଟିଏଲ୍ ସିଲିଣ୍ଡରର ଲକ୍ଷ୍ୟଧାର୍ଯ୍ୟ ବଣ୍ଟନ ବ୍ୟବସ୍ଥା ଗ୍ରହଣ କରିବା।
ପ୍ରବର୍ତ୍ତନ ଏବଂ ତଦାରଖ କାର୍ଯ୍ୟାନୁଷ୍ଠାନ
• ଏଲପିଜିର ମହଜୁଦକାରୀ ଏବଂ କଳାବଜାରୀକୁ ରୋକିବା ପାଇଁ ସାରା ଦେଶରେ ପ୍ରବର୍ତ୍ତନ କାର୍ଯ୍ୟାନୁଷ୍ଠାନ ଜାରି ରହିଛି। ଗତ ୩ ଦିନ ମଧ୍ୟରେ ସାରା ଦେଶରେ ୫୦୦୦ ରୁ ଅଧିକ ଚଢ଼ଉ କରାଯାଇଛି।
• ସେହିଭଳି, ସରକାରୀ ତୈଳ କମ୍ପାନୀର ଅଧିକାରୀମାନଙ୍କ ଦ୍ୱାରା ଆକସ୍ମିକ ଯାଞ୍ଚ ମଧ୍ୟ ଜାରି ରହିଛି ଏବଂ ଗତ ୩ ଦିନ ମଧ୍ୟରେ ୩୧୦୦ ରୁ ଅଧିକ ଆରଓ ଏବଂ ଏଲପିଜି ବିତରକ କେନ୍ଦ୍ରଗୁଡ଼ିକରେ ଯାଞ୍ଚ କରାଯାଇଛି।
• ସରକାରୀ ତୈଳ କମ୍ପାନୀଗୁଡ଼ିକ ଆକସ୍ମିକ ଯାଞ୍ଚକୁ ଅଧିକ କଡ଼ାକଡ଼ି ଓ ଜାରି ରଖିବା ସହ ୪୬୩ ଟି ଏଲପିଜି ବିତରକ କେନ୍ଦ୍ର ଉପରେ ଜରିମାନା ସହ ଗତକାଲି ସୁଦ୍ଧା ୮୧ ଟି ଏଲପିଜି ବିତରକ କେନ୍ଦ୍ରକୁ ଯୋଗାଣ ସ୍ଥଗିତ କରିଛନ୍ତି।
ଏଲପିଜି ଯୋଗାଣ
ଘରୋଇ ଏଲପିଜି ଯୋଗାଣ ସ୍ଥିତି:
• ବିଦ୍ୟମାନ ଭୂ-ରାଜନୈତିକ ସ୍ଥିତି ଯୋଗୁଁ ଏଲପିଜି ଯୋଗାଣ ପ୍ରଭାବିତ ହେବା ଜାରି ରହିଛି।
• ଘରୋଇ ପରିବାରଗୁଡ଼ିକୁ ଏଲପିଜି ଯୋଗାଣକୁ ପ୍ରାଥମିକତା ଦିଆଯାଇଛି।
• ଏଲପିଜି ବିତରକ କେନ୍ଦ୍ରଗୁଡ଼ିକରେ କୌଣସି ସ୍ଥାନରେ ଷ୍ଟକ୍ ଶେଷ ହେବାର ସୂଚନା ମିଳିନାହିଁ।
• ସାମଗ୍ରିକ ଶିଳ୍ପ ଭିତ୍ତିରେ ଗତକାଲି ଅନଲାଇନ ଏଲପିଜି ସିଲିଣ୍ଡର ବୁକିଂ ପ୍ରାୟ ୯୯% କୁ ବୃଦ୍ଧି ପାଇଛି।
• ଅନ୍ୟ ମାର୍ଗକୁ ଚାଲାଣ ରୋକିବା ପାଇଁ ‘ଡେଲିଭରି ଅଥେଣ୍ଟିକେସନ୍ କୋଡ୍’ (ଡିଏସି) ଭିତ୍ତିକ ଯୋଗାଣ ପ୍ରାୟ ୯% କୁ ବୃଦ୍ଧି ପାଇଛି। ଗ୍ରାହକଙ୍କ ପଞ୍ଜୀକୃତ ମୋବାଇଲ୍ ନମ୍ବରରେ ଏହି ଡିଏସି କୋଡ୍ ପ୍ରାପ୍ତ ହୋଇଥାଏ।
• ଗତ ୩ ଦିନ ମଧ୍ୟରେ, ପ୍ରାୟ ୧.୩୨ କୋଟି ଏଲପିଜି ସିଲିଣ୍ଡର ବୁକିଂ ବିପକ୍ଷରେ ପ୍ରାୟ ୧.୩୪ କୋଟି ଏଲପିଜି ସିଲିଣ୍ଡର ଯୋଗାଇ ଦିଆଯାଇଛି।
• ଗତକାଲି, ପ୍ରାୟ ୪୫.୩୬ ଲକ୍ଷ ଏଲପିଜି ସିଲିଣ୍ଡର ବୁକିଂ ବିପକ୍ଷରେ ପ୍ରାୟ ୪୭.୫୧ ଲକ୍ଷ ଏଲପିଜି ସିଲିଣ୍ଡର ଯୋଗାଇ ଦିଆଯାଇଛି।
ବାଣିଜ୍ୟିକ ଏଲପିଜି ଯୋଗାଣ ଏବଂ ଆବଣ୍ଟନ ପଦକ୍ଷେପ:
• ମୋଟ ବାଣିଜ୍ୟିକ ଏଲପିଜି ଆବଣ୍ଟନକୁ ସଙ୍କଟ ପୂର୍ବ ସ୍ତରର ପ୍ରାୟ ୭୦% କୁ ବୃଦ୍ଧି କରାଯାଇଛି, ଯେଉଁଥିରେ ୧୦% ସଂସ୍କାର-ଆଧାରିତ ଆବଣ୍ଟନ ସାମିଲ ଅଛି।
• ଗତ ୩ ଦିନ ମଧ୍ୟରେ, ପ୍ରାୟ ୧.୮୭ ଲକ୍ଷ – ୫ କେଜି ଏଫଟିଏଲ୍ ସିଲିଣ୍ଡର ବିକ୍ରି ହୋଇଛି।
• ୩ ଏପ୍ରିଲ ୨୦୨୬ ଠାରୁ, ସରକାରୀ ତୈଳ କମ୍ପାନୀଗୁଡ଼ିକ ୫ କେଜି ଏଫଟିଏଲ୍ ସିଲିଣ୍ଡର ପାଇଁ ୧୪,୫୦୦ ରୁ ଅଧିକ ସଚେତନତା ଶିବିର ଆୟୋଜନ କରିଛନ୍ତି, ଯେଉଁଥିରେ ୨.୩ ଲକ୍ଷରୁ ଅଧିକ – ୫ କେଜି ଏଫଟିଏଲ୍ ସିଲିଣ୍ଡର ବିକ୍ରି ହୋଇଛି।
• ଗତକାଲି, ପ୍ରାୟ ୩୪୮ ଟି ଶିବିର ମାଧ୍ୟମରେ ପ୍ରାୟ ୪୯୧୯ ଟି – ୫ କେଜି ଏଫଟିଏଲ୍ ସିଲିଣ୍ଡର ବିକ୍ରି ହୋଇଛି।
• ଆଇଓସିଏଲ, ଏଚପିସିଏଲ ଏବଂ ବିପିସିଏଲ୍ କାର୍ଯ୍ୟନିର୍ବାହୀ ନିର୍ଦ୍ଦେଶକମାନଙ୍କୁ ନେଇ ଗଠିତ ଏକ ତିନି ସଦସ୍ୟ ବିଶିଷ୍ଟ କମିଟି, ରାଜ୍ୟ କର୍ତ୍ତୃପକ୍ଷ ଏବଂ ଶିଳ୍ପ ସଂସ୍ଥାଗୁଡ଼ିକ ସହ ଆଲୋଚନା କରି ରାଜ୍ୟ/କେନ୍ଦ୍ରଶାସିତ ଅଞ୍ଚଳଗୁଡ଼ିକରେ ବାଣିଜ୍ୟିକ ଏଲପିଜି ବିକ୍ରି ପାଇଁ ଯୋଜନାକୁ ଚୂଡ଼ାନ୍ତ କରନ୍ତି।
• ମେ-୨୬ ଠାରୁ, ମୋଟ ୧,୩୨,୩୪୧ ମେଟ୍ରିକ୍ ଟନ୍ ବାଣିଜ୍ୟିକ ଏଲପିଜି ବିକ୍ରି ହୋଇଛି।
• ଗତ ୩ ଦିନ ମଧ୍ୟରେ, ମୋଟ ୨୩,୫୮୮ ମେଟ୍ରିକ୍ ଟନ୍ ବାଣିଜ୍ୟିକ ଏଲପିଜି ବିକ୍ରି ହୋଇଛି।
• ଗତ ୩ ଦିନ ମଧ୍ୟରେ, ସରକାରୀ ତୈଳ କମ୍ପାନୀଗୁଡ଼ିକ ଦ୍ୱାରା ପ୍ରାୟ ୯୬୩ ମେଟ୍ରିକ୍ ଟନ୍ ଅଟୋ ଏଲପିଜି ବିକ୍ରି ହୋଇଛି।
ପ୍ରାକୃତିକ ଗ୍ୟାସ ଯୋଗାଣ ଏବଂ ପିଏନଜି ସମ୍ପ୍ରସାରଣ ପଦକ୍ଷେପ
• ଘରୋଇ ପିଏନଜି ଏବଂ ସିଏନଜି-ପରିବହନକୁ ୧୦୦% ଯୋଗାଣ ସହ ଗ୍ରାହକମାନଙ୍କୁ ପ୍ରାଥମିକତା ଦିଆଯାଇଛି।
• ସିଜିଡି ନେଟୱାର୍କ ମାଧ୍ୟମରେ ଯୋଗାଣ ସମେତ ଅନ୍ୟାନ୍ୟ ଶିଳ୍ପ ଏବଂ ବାଣିଜ୍ୟିକ କ୍ଷେତ୍ରକୁ ଗ୍ୟାସ ଯୋଗାଣ ୮୦% ପର୍ଯ୍ୟନ୍ତ ବୃଦ୍ଧି କରାଯାଇଛି।
• ବାଣିଜ୍ୟିକ ଏଲପିଜିର ଉପଲବ୍ଧତା ସମ୍ବନ୍ଧୀୟ ଚିନ୍ତା ଦୂର କରିବା ପାଇଁ, ସିଜିଡି ସଂସ୍ଥାଗୁଡ଼ିକୁ ସେମାନଙ୍କର ଅଞ୍ଚଳରେ ଥିବା ହୋଟେଲ, ରେଷ୍ଟୁରାଣ୍ଟ ଏବଂ କ୍ୟାଣ୍ଟିନ ଭଳି ବାଣିଜ୍ୟିକ ପ୍ରତିଷ୍ଠାନଗୁଡ଼ିକ ପାଇଁ ପିଏନଜି ସଂଯୋଗକୁ ପ୍ରାଥମିକତା ଦେବାକୁ ପରାମର୍ଶ ଦିଆଯାଇଛି।
• ସିଜିଡି ନେଟୱାର୍କର ସମ୍ପ୍ରସାରଣ ପାଇଁ ଆବଶ୍ୟକ ମଞ୍ଜୁରୀ ପ୍ରକ୍ରିୟାକୁ ତ୍ୱରାନ୍ୱିତ କରିବାକୁ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ଏବଂ କେନ୍ଦ୍ରୀୟ ମନ୍ତ୍ରଣାଳୟଗୁଡ଼ିକୁ ଅନୁରୋଧ କରାଯାଇଛି।
• ଭାରତ ସରକାର ୧୮.୦୩.୨୦୨୬ ତାରିଖର ଚିଠି ମାଧ୍ୟମରେ ସମସ୍ତ ରାଜ୍ୟ/କେନ୍ଦ୍ରଶାସିତ ଅଞ୍ଚଳକୁ ବାଣିଜ୍ୟିକ ଏଲପିଜିର ଅତିରିକ୍ତ ୧୦% ଆବଣ୍ଟନର ପ୍ରସ୍ତାବ ଦେଇଛନ୍ତି, ଯଦି ସେମାନେ ଏଲପିଜିରୁ ପିଏନଜିକୁ ଦୀର୍ଘକାଳୀନ ସ୍ଥାନାନ୍ତର ପ୍ରକ୍ରିୟାରେ ସହାୟତା କରିପାରିବେ।
• ପିଏନଜି ସମ୍ପ୍ରସାରଣ ସଂସ୍କାର ସହ ଜଡ଼ିତ ୨୨ ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳ ଅତିରିକ୍ତ ବାଣିଜ୍ୟିକ ଏଲପିଜି ଆବଣ୍ଟନ ପ୍ରାପ୍ତ କରୁଛନ୍ତି।
• ଭାରତ ସରକାର ୨୪.୦୩.୨୦୨୬ ତାରିଖର ଗେଜେଟ୍ ବିଜ୍ଞପ୍ତି ମାଧ୍ୟମରେ ଅତ୍ୟାବଶ୍ୟକ ସାମଗ୍ରୀ ଆଇନ, ୧୯୫୫ ଅଧୀନରେ ‘ପ୍ରାକୃତିକ ଗ୍ୟାସ ଏବଂ ପେଟ୍ରୋଲିୟମ ଉତ୍ପାଦ ବିତରଣ (ପାଇପଲାଇନ ଏବଂ ଅନ୍ୟାନ୍ୟ ସୁବିଧାର ସ୍ଥାପନ, ନିର୍ମାଣ, ପରିଚାଳନା ଏବଂ ସମ୍ପ୍ରସାରଣ ମାଧ୍ୟମରେ) ଆଦେଶ, ୨୦୨୬’ ଅଧିସୂଚିତ କରିଛନ୍ତି। ଏହି ଆଦେଶ ସାରା ଦେଶରେ ପାଇପଲାଇନ ସ୍ଥାପନ ଓ ସମ୍ପ୍ରସାରଣ ପାଇଁ ଏକ ସରଳୀକୃତ ଏବଂ ସମୟବଦ୍ଧ ଢାଞ୍ଚା ପ୍ରଦାନ କରେ, ଯାହା ମଞ୍ଜୁରୀ ମିଳିବାରେ ବିଳମ୍ବ ଏବଂ ଜମି ଅଧିଗ୍ରହଣ ସମସ୍ୟାର ସମାଧାନ କରିବା ସହ ଆବାସିକ ଅଞ୍ଚଳ ସମେତ ପ୍ରାକୃତିକ ଗ୍ୟାସ ଭିତ୍ତିଭୂମିର ଦ୍ରୁତ ବିକାଶ ପାଇଁ ସୁଯୋଗ ସୃଷ୍ଟି କରିବ। ଏହା ପିଏନଜି ନେଟୱାର୍କର ଅଭିବୃଦ୍ଧିକୁ ତ୍ୱରାନ୍ୱିତ କରିବ, ଶେଷ ସୀମା ପର୍ଯ୍ୟନ୍ତ ସଂଯୋଗୀକରଣକୁ ବୃଦ୍ଧି କରିବ ଏବଂ ସ୍ୱଚ୍ଛ ଜାଳେଣି ଆଡ଼କୁ ଅଗ୍ରସର ହେବାରେ ସହାୟକ ହେବ, ଯାହା ଦ୍ୱାରା ଶକ୍ତି ସୁରକ୍ଷା ସୁଦୃଢ଼ ହେବା ସହ ଭାରତର ଗ୍ୟାସ-ଆଧାରିତ ଅର୍ଥନୀତି ଆଗକୁ ବଢ଼ିବ।
• ପିଏଜିଆରବି ସିଜିଡି ସଂସ୍ଥାଗୁଡ଼ିକୁ ଘରୋଇ ପିଏନଜି ସଂଯୋଗ ପ୍ରକ୍ରିୟାକୁ ତ୍ୱରାନ୍ୱିତ କରିବାକୁ ନିର୍ଦ୍ଦେଶ ଦେଇଛି। ଏହା ସହିତ, ପିଏନଜି ସମ୍ପ୍ରସାରଣର ଗତିକୁ ବଜାୟ ରଖିବା ପାଇଁ ‘ନ୍ୟାସନାଲ ପିଏନଜି ଡ୍ରାଇଭ୍ ୨.୦’ ର ଅବଧିକୁ ୩୦.୦୬.୨୦୨୬ ପର୍ଯ୍ୟନ୍ତ ବୃଦ୍ଧି କରାଯାଇଛି।
• ଏକ ସ୍ୱଚ୍ଛ, ଅଧିକ ସୁରକ୍ଷିତ ଏବଂ ଆତ୍ମନିର୍ଭରଶୀଳ ଶକ୍ତିର ଭବିଷ୍ୟତକୁ ପ୍ରୋତ୍ସାହିତ କରିବା ପାଇଁ ଭାରତ ସରକାର ଏକ ଆଦର୍ଶ ଚିଠା ‘ରାଜ୍ୟ ସିବିଜି ନୀତି’ ପ୍ରସ୍ତୁତ କରିଛନ୍ତି। ଏହି ଆଦର୍ଶ ନୀତି ଏକ ବ୍ୟାପକ ତଥା ନମନୀୟ ମାର୍ଗଦର୍ଶକ ଢାଞ୍ଚା ଭାବରେ କାର୍ଯ୍ୟ କରିବା ପାଇଁ ଉଦ୍ଦିଷ୍ଟ, ଯାହା ଦ୍ୱାରା ରାଜ୍ୟଗୁଡ଼ିକ ସିବିଜି ବିକାଶ ପାଇଁ ନିଜସ୍ୱ ନିବେଶକ-ଅନୁକୂଳ ଏବଂ କାର୍ଯ୍ୟାନ୍ୱୟନ-ଆଧାରିତ ବ୍ୟବସ୍ଥା ସୃଷ୍ଟି କରିପାରିବେ। ଯେଉଁ ରାଜ୍ୟଗୁଡ଼ିକ ଏହାକୁ ଚୟନ କରିବେ, ସେମାନଙ୍କୁ ବାଣିଜ୍ୟିକ ଏଲପିଜିର ପରବର୍ତ୍ତୀ ପର୍ଯ୍ୟାୟ ଅତିରିକ୍ତ ଆବଣ୍ଟନ ପାଇଁ ପ୍ରାଥମିକତା ଦିଆଯିବ।
• ମାର୍ଚ୍ଚ ୨୦୨୬ ଠାରୁ, ପ୍ରାୟ ୭.୬୪ ଲକ୍ଷ ପିଏନଜି ସଂଯୋଗରେ ଗ୍ୟାସ ପ୍ରଦାନ କାର୍ଯ୍ୟକ୍ଷମ କରାଯାଇଛି ଏବଂ ଅତିରିକ୍ତ ୨.୮୧ ଲକ୍ଷ ସଂଯୋଗ ପାଇଁ ଭିତ୍ତିଭୂମି ସୃଷ୍ଟି କରାଯାଇଛି, ଯାହା ମୋଟ ସଂଯୋଗ ସଂଖ୍ୟାକୁ ୧୦.NDl୪୫ ଲକ୍ଷକୁ ବୃଦ୍ଧି କରିଛି। ଏଥିସହ, ପ୍ରାୟ ୭.୯୯ ଲକ୍ଷ ଗ୍ରାହକ ନୂତନ ସଂଯୋଗ ପାଇଁ ପଞ୍ଜୀକରଣ କରିଛନ୍ତି।
• ୨୦.୦୫.୨୦୨୬ ସୁଦ୍ଧା, ୫୮,୫୦୦ ରୁ ଅଧିକ ପିଏନଜି ଗ୍ରାହକ MYPNGD.in ୱେବସାଇଟ୍ ମାଧ୍ୟମରେ ସେମାନଙ୍କର ଏଲପିଜି ସଂଯୋଗ ଫେରସ୍ତ କରିଛନ୍ତି।
ଅଶୋଧିତ ତୈଳ ସ୍ଥିତି ଏବଂ ବିଶୋଧନାଗାର ପରିଚାଳନା
• ସମସ୍ତ ତୈଳ ବିଶୋଧନାଗାର ପର୍ଯ୍ୟାପ୍ତ ଅଶୋଧିତ ତୈଳ ମହଜୁଦ ସହ ଉଚ୍ଚ କ୍ଷମତାରେ କାର୍ଯ୍ୟ କରୁଛନ୍ତି, ଏବଂ ପେଟ୍ରୋଲ ଓ ଡିଜେଲର ପର୍ଯ୍ୟାପ୍ତ ଷ୍ଟକ୍ ବଜାୟ ରଖାଯାଉଛି।
• ଘରୋଇ ବ୍ୟବହାରକୁ ସହାୟତା କରିବା ପାଇଁ ସୋଧନାଗାରଗୁଡ଼ିକରୁ ଘରୋଇ ଏଲପିଜି ଉତ୍ପାଦନ ବୃଦ୍ଧି କରାଯାଇଛି।
• ଘରୋଇ ବଜାର ପାଇଁ ପେଟ୍ରୋକେମିକାଲ୍ ଫିଡ୍ଷ୍ଟକ୍ ଯୋଗାଣର ଉପଲବ୍ଧତା ସୁନିଶ୍ଚିତ କରିବା ପାଇଁ ଏକ ଆନ୍ତଃ-ମନ୍ତ୍ରଣାଳୟ ମିଳିତ କାର୍ଯ୍ୟକାରୀ ଗୋଷ୍ଠୀ ଗଠନ କରାଯାଇଛି। ପରବର୍ତ୍ତୀ ସମୟରେ, ଭାରତ ସରକାର ୦୧.୦୪.୨୦୨୬ ତାରିଖର ଆଦେଶ ମାଧ୍ୟମରେ ପେଟ୍ରୋକେମିକାଲ୍ କମ୍ପ୍ଲେକ୍ସ ସମେତ ତୈଳ ସୋଧନାଗାର କମ୍ପାନୀଗୁଡ଼ିକୁ ‘ସେଣ୍ଟର ଫର୍ ହାଇ ଟେକ୍ନୋଲୋଜି’ ଦ୍ୱାରା ନିର୍ଦ୍ଧାରିତ ଗୁରୁତ୍ୱପୂର୍ଣ୍ଣ କ୍ଷେତ୍ରଗୁଡ଼ିକ ପାଇଁ କିଛି ସର୍ବନିମ୍ନ ପରିମାଣର ସି୩ ଏବଂ ସି୪ ଷ୍ଟ୍ରିମ୍ ଉପଲବ୍ଧ କରାଇବାକୁ ଅନୁମତି ଦେଇଛନ୍ତି।
• ଫାର୍ମାସ୍ୟୁଟିକାଲ୍ସ ବିଭାଗ, କେମିକାଲ୍ସ ଏବଂ ପେଟ୍ରୋ କେମିକାଲ୍ସ ବିଭାଗ ଏବଂ ଶିଳ୍ପ ଓ ଆଭ୍ୟନ୍ତରୀଣ ବାଣିଜ୍ୟ ପ୍ରୋତ୍ସାହନ ବିଭାଗରୁ ମିଳିଥିବା ଅନୁରୋଧ ଆଧାରରେ, ଫାର୍ମା, କେମିକାଲ୍ ଏବଂ ପେଣ୍ଟ୍ କ୍ଷେତ୍ରର କମ୍ପାନୀଗୁଡ଼ିକ ପାଇଁ ଏଲପିଜି ପୁଲ୍ରୁ ଦୈନିକ ୧୧୨୦ ମେଟ୍ରିକ୍ ଟନ୍ ସି୩ ଓ ସି୪ ମଲିକ୍ୟୁଲ୍ସର ବ୍ୟବସ୍ଥା କରାଯାଇଛି।
• ୧ ମେ ୨୦୨୬ ଠାରୁ, ମୁମ୍ବାଇ, କୋଚି, ଭାଇଜାଗ୍, ଚେନ୍ନାଇ, ମଥୁରା ଏବଂ ଗୁଜରାଟ ସୋଧନାଗାରଗୁଡ଼ିକ ଦ୍ୱାରା କେମିକାଲ୍, ଫାର୍ମା ଏବଂ ପେଣ୍ଟ୍ ଶିଳ୍ପକୁ ପ୍ରାୟ ୧୦୬00 ମେଟ୍ରିକ୍ ଟନ୍ ସି୩-ସି୪ ମଲିକ୍ୟୁଲ୍ସ (ଯେଉଁଥିରେ ପ୍ରୋପିଲିନ୍ ଏବଂ ବ୍ୟୁଟିଲିନ୍ ସାମିଲ ଅଛି) ଏବଂ ପ୍ରାୟ ୩୯୪୦ ମେଟ୍ରିକ୍ ଟନ୍ ବ୍ୟୁଟିଲ୍ ଆକ୍ରିଲେଟ୍ ବିକ୍ରି କରାଯାଇଛି।
ଖୁଚୁରା ଜାଳେଣି ଉପଲବ୍ଧତା ଏବଂ ମୂଲ୍ୟ ନିର୍ଦ୍ଧାରଣ ପଦକ୍ଷେପ
• ସାରା ଦେଶରେ ସମସ୍ତ ଖୁଚୁରା ପେଟ୍ରୋଲ ପମ୍ପ ସ୍ୱାଭାବିକ ଭାବରେ କାର୍ଯ୍ୟ କରୁଛନ୍ତି।
• ମଧ୍ୟପ୍ରାଚ୍ୟ ସଙ୍କଟ ଯୋଗୁଁ ଅଶୋଧିତ ତୈଳ ମୂଲ୍ୟରେ ଅସ୍ୱାଭାବିକ ବୃଦ୍ଧି ଘଟିଛି। ଗ୍ରାହକମାନଙ୍କୁ ଏହି ପ୍ରଭାବରୁ ରକ୍ଷା କରିବା ପାଇଁ ଭାରତ ସରକାର ଏହି ବୋଝର ଏକ ଅଂଶ ନିଜେ ବହନ କରିବାକୁ ନିଷ୍ପତ୍ତି ନେଇଛନ୍ତି ଏବଂ ପେଟ୍ରୋଲ ଓ ଡିଜେଲ ଉପରୁ ଏକ୍ସସାଇଜ୍ ଡ୍ୟୁଟି (ଉତ୍ପାଦ ଶୁଳ୍କ) ଲିଟର ପିଛା ୧୦ ଟଙ୍କା ହ୍ରାସ କରିଛନ୍ତି।
• ଭାରତ ସରକାର ୧୫.୦୫.୨୦୨୬ ତାରିଖର ଗେଜେଟ୍ ବିଜ୍ଞପ୍ତି ମାଧ୍ୟମରେ ଡିଜେଲ ଉପରେ ରପ୍ତାନି ଶୁଳ୍କକୁ ଲିଟର ପିଛା ୨୩ ଟଙ୍କାରୁ ୧୬.୫୦ ଟଙ୍କାକୁ ଏବଂ ଏଟିଏଫ୍ (ବିମାନ ଜାଳେଣି) ଉପରେ ଲିଟର ପିଛା ୩୩ ଟଙ୍କାରୁ ୧୬ ଟଙ୍କାକୁ ହ୍ରାସ କରିଛନ୍ତି। ଏଥିସହ, ପେଟ୍ରୋଲ ଉପରେ ଲିଟର ପିଛା ୩ ଟଙ୍କାର ରପ୍ତାନି ଶୁଳ୍କ ଲାଗୁ କରାଯାଇଛି।
• ଦେଶର ସମସ୍ତ ପେଟ୍ରୋଲ ପମ୍ପରେ ପେଟ୍ରୋଲ ଏବଂ ଡିଜେଲର ପର୍ଯ୍ୟାପ୍ତ ମହଜୁଦ (ଷ୍ଟକ୍) ରହିଛି।
ସାମୁଦ୍ରିକ ସୁରକ୍ଷା ଏବଂ ଜାହାଜ ଚଳାଚଳ କାର୍ଯ୍ୟାନୁଷ୍ଠାନ
ବନ୍ଦର, ଜାହାଜ ଚଳାଚଳ ଓ ଜଳପଥ ମନ୍ତ୍ରଣାଳୟ ପାରସ୍ୟ ଉପସାଗରର ବର୍ତ୍ତମାନର ସାମୁଦ୍ରିକ ସ୍ଥିତି ସମ୍ପର୍କରେ ସୂଚନା ପ୍ରଦାନ କରିବା ସହ ଏହି ଅଞ୍ଚଳରେ ଭାରତୀୟ ଜାହାଜ ଏବଂ କ୍ରୁ (କର୍ମଚାରୀ) ମାନଙ୍କ ସୁରକ୍ଷା ସୁନିଶ୍ଚିତ କରିବା ପାଇଁ ନିଆଯାଉଥିବା ପଦକ୍ଷେପଗୁଡ଼ିକର ବିବରଣୀ ପ୍ରଦାନ କରିଛି। ଏଥିରେ କୁହାଯାଇଛି ଯେ:
• ବନ୍ଦର, ଜାହାଜ ଚଳାଚଳ ଓ ଜଳପଥ ମନ୍ତ୍ରଣାଳୟ ନାବିକମାନଙ୍କ କଲ୍ୟାଣ ଏବଂ ନିରବଚ୍ଛିନ୍ନ ଜାହାଜ ଚଳାଚଳ ସୁନିଶ୍ଚିତ କରିବା ପାଇଁ ବୈଦେଶିକ ବ୍ୟାପାର ମନ୍ତ୍ରଣାଳୟ, ଭାରତୀୟ ମିଶନ ଏବଂ ସାମୁଦ୍ରିକ କ୍ଷେତ୍ରର ଅଂଶୀଦାରମାନଙ୍କ ସହ ସମନ୍ୱୟ ରକ୍ଷା କରିବା ଜାରି ରଖିଛି।
• ଏହି ଅଞ୍ଚଳରେ ଥିବା ସମସ୍ତ ଭାରତୀୟ ନାବିକ ସୁରକ୍ଷିତ ଅଛନ୍ତି, ଏବଂ ଗତ ୭୨ ଘଣ୍ଟା ମଧ୍ୟରେ ଭାରତୀୟ ପତାକାଧାରୀ ଜାହାଜ କିମ୍ବା ଭାରତୀୟ କ୍ରୁ ଥିବା ବିଦେଶୀ ଜାହାଜ ସହିତ ଜଡ଼ିତ କୌଣସି ଅଘଟଣର ସୂଚନା ମିଳିନାହିଁ।
• ଡିଜି ସିପିଙ୍ଗ୍ କଣ୍ଟ୍ରୋଲ ରୁମ୍ କାର୍ଯ୍ୟକ୍ଷମ ହେବା ଦିନଠାରୁ ଏପର୍ଯ୍ୟନ୍ତ ୧୦,୧୦୬ ଟି କଲ୍ ଏବଂ ୨୨,୨୧୫ ରୁ ଅଧିକ ଇମେଲ୍ ପରିଚାଳନା କରିଛି। ଗତ ୭୨ ଘଣ୍ଟା ମଧ୍ୟରେ ନାବିକ, ସେମାନଙ୍କ ପରିବାର ଏବଂ ସାମୁଦ୍ରିକ କ୍ଷେତ୍ରର ଅଂଶୀଦାରମାନଙ୍କଠାରୁ ମୋଟ ୪୦୪ ଟି କଲ୍ ଏବଂ ୯୦୩ ଟି ଇମେଲ୍ ପ୍ରାପ୍ତ ହୋଇଛି।
• ମନ୍ତ୍ରଣାଳୟ, ଡିରେକ୍ଟୋରେଟ୍ ଜେନେରାଲ୍ ଅଫ୍ ସିପିଙ୍ଗ୍ ମାଧ୍ୟମରେ ଏପର୍ଯ୍ୟନ୍ତ ୩,୩୧୬ ରୁ ଅଧିକ ଭାରତୀୟ ନାବିକଙ୍କୁ ସୁରକ୍ଷିତ ଭାବେ ସ୍ୱଦେଶ ଫେରାଇ ଆଣିବାରେ ସହାୟତା କରିଛି, ଯେଉଁଥିରେ ଗତ ୭୨ ଘଣ୍ଟା ମଧ୍ୟରେ ଉପସାଗରୀୟ ଅଞ୍ଚଳର ବିଭିନ୍ନ ସ୍ଥାନରୁ ଫେରିଥିବା ୯୯ ଜଣ ନାବିକ ସାମିଲ ଅଛନ୍ତି।
• ଭାରତ ସାରା ବନ୍ଦରଗୁଡ଼ିକର କାର୍ଯ୍ୟକଳାପ ସ୍ୱାଭାବିକ ରହିଛି ଏବଂ କୌଣସି ସ୍ଥାନରେ ଜାହାଜ ଚଳାଚଳରେ ଜେଟି ବା ଭିଡ଼ ହେବାର ସୂଚନା ନାହିଁ।
