ଭୁବନେଶ୍ୱର, : ଖୋର୍ଦ୍ଧା ରୋଡ଼ ଡିଭିଜନରେ ଅତ୍ୟାବଶ୍ୟକ ସୁରକ୍ଷା-ସମ୍ବନ୍ଧୀୟ ଆଧୁନିକୀକରଣ କାର୍ଯ୍ୟକୁ ତ୍ୱରାନ୍ୱିତ କରିବା ପାଇଁ ପୂର୍ବତଟ ରେଳପଥ ପକ୍ଷରୁ କେତେକ ମେମୁ ଟ୍ରେନ୍ ଚଳାଚଳରେ ସାମୟିକ ପରିବର୍ତ୍ତନ ଘୋଷଣା କରାଯାଇଛି।
ସୁରକ୍ଷା ମାନଦଣ୍ଡରେ ଉନ୍ନତି ଆଣିବା, ପରିଚାଳନା ଦକ୍ଷତା ବୃଦ୍ଧି କରିବା ଏବଂ ରେଳ ନେଟୱର୍କର ଦୀର୍ଘକାଳୀନ ବିଶ୍ୱସନୀୟତା ସୁନିଶ୍ଚିତ କରିବା ପାଇଁ ଏହି ପରିଚାଳନାଗତ ପରିବର୍ତ୍ତନଗୁଡ଼ିକ କରାଯାଉଛି।
ଆଧୁନିକୀକରଣ କାର୍ଯ୍ୟର ଏକ ଅଂଶ ସ୍ୱରୂପ, ନିମ୍ନଲିଖିତ ଟ୍ରେନ ସେବାଗୁଡ଼ିକ ନିର୍ଦ୍ଧାରିତ ତାରିଖରେ ଖଲ୍ଲୀକୋଟ ରେଳ ଷ୍ଟେସନ ପର୍ଯ୍ୟନ୍ତ ଚାଲିବ (ଆଂଶିକ ବାତିଲ ହେବ) ଏବଂ ସେଠାରୁ ହିଁ ଯାତ୍ରା ଆରମ୍ଭ କରିବ:
ଟ୍ରେନ୍ ନଂ ୬୮୪୧୯ ଭୁବନେଶ୍ୱର – ପଲାସା ମେମୁ ଆସନ୍ତା ୨୪ ମଇ ୨୦୨୬ ତାରିଖରେ ଖଲ୍ଲିକୋଟ ଷ୍ଟେସନରେ ଯାତ୍ରା ସମାପ୍ତ କରିବ।
ଟ୍ରେନ୍ ନଂ ୬୮୪୨୦ ପଲାସା – ଭୁବନେଶ୍ୱର ମେମୁ ୨୨ ଏବଂ ୨୫ ମଇ ୨୦୨୬ ତାରିଖରେ ପଲାସା ପରିବର୍ତ୍ତେ ଖଲ୍ଲିକୋଟରୁ ଯାତ୍ରା ଆରମ୍ଭ କାରିବ ।
ଟ୍ରେନ୍ ନଂ ୬୮୪୧୧/୬୮୪୧୨ ଭୁବନେଶ୍ୱର – ବ୍ରହ୍ମପୁର – ଭୁବନେଶ୍ୱର ମେମୁ ଟ୍ରେନ୍ ୨୩, ୨୭ ଓ ୩୦ ମଇ ୨୦୨୬ ତାରିଖରେ ଖଲ୍ଲିକୋଟ ଷ୍ଟେସନପର୍ଯ୍ୟନ୍ତ ଚାଲିବ ଏବଂ ସେଠାରୁ ହିଁ ଯାତ୍ରା ଆରମ୍ଭ କରିବ।
ବାତିଲ୍ ହେଉଥିବା ଟ୍ରେନ୍
ନିମ୍ନଲିଖିତ ମେମୁ ଟ୍ରେନ୍ ସେବାଗୁଡ଼ିକ ନିର୍ଦ୍ଦିଷ୍ଟ ତାରିଖରେ ବାତିଲ୍ ରହିବ:
ଟ୍ରେନ୍ ନଂ ୬୮୪୩୮/୬୮୪୩୭ କଟକ – ଭଦ୍ରକ – କଟକ ମେମୁ ଟ୍ରେନ୍ ସେବା ଆସନ୍ତା ୨୬, ୨୭ ଏବଂ ୨୮ ମଇ ୨୦୨୬ ଏବଂ ୨, ୩, ୪, ୯, ୧୦, ୧୧ ଓ ୧୬ ଜୁନ୍ ୨୦୨୬ ତାରିଖରେ ବାତିଲ୍ ରହିବ।
ସେହିଭଳି, ଟ୍ରେନ୍ ନଂ ୬୮୪୨୪/୬୮୪୨୩ କଟକ – ଭଦ୍ରକ – କଟକ ମେମୁ ଟ୍ରେନ୍ ସେବା ଆସନ୍ତା ୨୭ ଏବଂ ୨୮ ମଇ ୨୦୨୬ ଏବଂ ୩, ୪, ୧୦ ଓ ୧୧ ଜୁନ୍ ୨୦୨୬ ତାରିଖରେ ବାତିଲ୍ ରହିବ।
ସୁରକ୍ଷା-ସମ୍ବନ୍ଧୀୟ ଆଧୁନିକୀକରଣ କାର୍ଯ୍ୟ ଚାଲୁଥିବା ସମୟରେ ଯାତ୍ରୀମାନଙ୍କୁ ସେହି ଅନୁଯାୟୀ ସେମାନଙ୍କର ଯାତ୍ରା ଯୋଜନା କରିବାକୁ ଏବଂ ରେଳ ପ୍ରଶାସନକୁ ସହଯୋଗ କରିବାକୁ ଅନୁରୋଧ କରାଯାଉଛି। ଟ୍ରେନର ସଦ୍ୟତମ ସୂଚନା ପାଇଁ, ଯାତ୍ରୀମାନେ ଯାତ୍ରା ଆରମ୍ଭ କରିବା ପୂର୍ବରୁ ନ୍ୟାସନାଲ୍ ଟ୍ରେନ୍ ଏନକ୍ୱାରୀ ସିଷ୍ଟମ୍ (NTES) କିମ୍ବା ଅଫିସିଆଲ୍ ରେଳବାଇ ଅନୁସନ୍ଧାନ ସେବାର ବ୍ୟବହାର କରିପାରିବେ।
