ନୂଆଦିଲ୍ଲୀ: ରାଜସ୍ଥାନର ପୂର୍ବତନ ମୁଖ୍ୟମନ୍ତ୍ରୀ ଏବଂ ବରିଷ୍ଠ କଂଗ୍ରେସ ନେତା ଅଶୋକ ଗେହଲଟ ଆଜି ଏକ ବଡ ବୟାନ ଦେଇଛନ୍ତି। ସେ ଏକ ଦାବି କରିଛନ୍ତି, ଯାହା ରାଜନୈତିକ ମହଲରେ ହଇଚଇ ସୃଷ୍ଟି କରିଛି। ଗେହଲଟ କହିଛନ୍ତି ଯେ, ସୋନିଆ ଗାନ୍ଧୀ ଏବଂ କଂଗ୍ରେସ ହାଇକମାଣ୍ଡ ତାଙ୍କୁ କଂଗ୍ରେସ ଅଧ୍ୟକ୍ଷ କରିବାକୁ ଚାହୁଁଥିଲେ, କିନ୍ତୁ ତାଙ୍କ ବିରୁଦ୍ଧରେ ଏକ ଷଡ଼ଯନ୍ତ୍ର ରଚନା କରାଯାଇଥିଲା ଏବଂ ତାଙ୍କୁ ସଭାପତି କରାଯାଇ ନଥିଲା।
ସାମ୍ବାଦିକମାନଙ୍କୁ ଅଶୋକ ଗେହଲଟ କହିଛନ୍ତି ଯେ, “କୌଣସି ଲୋକ କଂଗ୍ରେସ ଅଧ୍ୟକ୍ଷ ହେବାକୁ ଚାହିଁବେ ନାହିଁ? ଯେତେବେଳେ ସୋନିଆ ଗାନ୍ଧୀ ମୋତେ ପଚାରିଲେ, ମୁଁ କ’ଣ ମନା କରିବି? ମୁଁ ଅନୁଭବ କରୁଛି ଯେ, ମୋ ବିରୁଦ୍ଧରେ ଏକ ଷଡ଼ଯନ୍ତ୍ର ରଚନା କରାଯାଇଥିଲା। ମୁଁ ନିଜେ କଂଗ୍ରେସ ଅଧ୍ୟକ୍ଷ ହେବାକୁ ଚାହୁଁଥିଲି।”