ଭୁବନେଶ୍ଵର: ଆନ୍ଧ୍ର-ଓଡିଶା ସୀମାନ୍ତ ମାଲକାନଗିରି ଜିଲ୍ଲାର କାଲିମେଳା ଥାନା ଅନ୍ତର୍ଗତ ଗୁଣ୍ଠାବେଡା ଏବଂ କଦମଗୁଡ଼ା ଗ୍ରାମ ଜଙ୍ଗଲରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ଓ ବିସ୍ପୋରକ ସାମଗ୍ରୀ ଜବତ କରିଛି ପୋଲିସ। ଆତ୍ମସମର୍ପଣକାରୀ ମାଓବାଦୀମାନଙ୍କ ସୂଚନା ମୁତାବକ ତଲାସୀ ଅଭିଯାନ କରାଯାଇ 2 ଟି ଏସ ଏଲ ଆର ବନ୍ଧୁକ, ଆମେରିକା ନିର୍ମିତ ଗୋଟିଏ ମାଗାଜିନ ଓ ପିସ୍ତଲ, 2 ଟି ଦେଶୀ ପିସ୍ତଲ, 2 ଟି ଆଇଇଡି, ଗୋଟିଏ କ୍ଳେମର ମାଇନ, 7 ଟି ୱାକିଟକି, 3 ମିଟର କୋଡେକ୍ସ ତାର, 45 ଟି ପେନ ଡ୍ରାଇଭ, ଗୋଟିଏ ହାର୍ଡଡିସ୍କ ସମେତ 37 ପ୍ରକାରର ବିଭିନ୍ନ ସାମଗ୍ରୀ ଉଦ୍ଧାର କରାଯାଇଛି। ଆଗକୁ ତଲିସୀ ଅଭିଯାନ ଜାରି ରହିବା ନେଇ ମାଲକାନଗିରି ଆରକ୍ଷୀ ଅଧିକ୍ଷକ ବିନୋଦ ପାଟିଲ ସୂଚନା ଦେଇଛନ୍ତି।
Maoist dump recovered in Malkangiri forest