ଭୁବନେଶ୍ୱର: ଭୁବନେଶ୍ୱରଠାରେ ରାଷ୍ଟ୍ରିୟ ସେବା ଭାରତୀ କର୍ମଶାଳା ଉଦଘାଟିତ ହୋଇଯାଇଛି। ଆଜିଠାରୁ ଆରମ୍ଭ ହୋଇଥିବା ଏହି କର୍ମଶାଳା ୨୬ ଅଗଷ୍ଟ ପର୍ଯ୍ୟନ୍ତ ସ୍ଥାନୀୟ ମଞ୍ଚେଶ୍ୱର ସ୍ଥିତ ଉତ୍କଳ ବିପନ୍ନ ସହାୟତା ସମିତି ଠାରେ ଅନୁଷ୍ଠିତ ହେବ। ସୂର୍ଯ୍ୟନାରାୟଣ ରାଓ ସେବା କାର୍ଯ୍ୟକର୍ତ୍ତା ବିକାଶ ଯୋଜନା ଅଧୀନରେ ଏକ ଚାରି ଦିନିଆ ଆବାସିକ କର୍ମଶାଳା ଆରମ୍ଭ କରିଥିଲେ। ସମଗ୍ର ଦେଶରେ ସାମାଜିକ ତଥା ରିଲିଫ୍ କାର୍ଯ୍ୟରେ ନିୟୋଜିତ ସେବା କାର୍ଯ୍ୟକର୍ତ୍ତା (ସେବା ସ୍ବେଚ୍ଛାସେବୀ) ଙ୍କ ଦକ୍ଷତାକୁ ମଜବୁତ କରିବା ଉଦ୍ଦେଶ୍ୟରେ ଏହି କର୍ମଶାଳାର ଆୟୋଜନ କରାଯାଇଛି।
ଅଖିଲ ଭାରତୀୟ ସେବା ପ୍ରମୂଖ ପରାଗଜୀ ଅଭୟଙ୍କାରଙ୍କ ତତ୍ୱାବଧାନରେ ଏହି କର୍ମଶାଳା ଉଦଘାଟିତ ହୋଇଥିଲା।
ଉଦଘାଟନୀ ସମାରୋହରେ ଡକ୍ଟର ସାରତ କୁମାର ଆଚାର୍ଯ୍ୟ, ସେବା ଭାରତୀର ସର୍ବ ଭାରତୀୟ ସାଧାରଣ ସମ୍ପାଦକ ସୁଧୀର କୁମାର ଏବଂ ସେବା ଭାରତର ଯୁଗ୍ମ ସାଧାରଣ ସମ୍ପାଦକ ବିଜୟ ପୁରାଣିକ ଯୋଗ ଦେଇଛନ୍ତି। ଏହି ଅବସରରେ ସେବା ଭାରତ ଓଡ଼ିଶାର ବରିଷ୍ଠ କାର୍ଯ୍ୟକର୍ତ୍ତାମାନେ ମଧ୍ୟ ଉପସ୍ଥିତ ଥିଲେ। କର୍ମଶାଳାରେ ଭାରତର ବିଭିନ୍ନ ରାଜ୍ୟରୁ ପ୍ରାୟ ୩୦ ଜଣ ପ୍ରତିନିଧି ଯୋଗ ଦେଇଥିବା ବେଳେ ପ୍ରଶିକ୍ଷକ, ସହ ପ୍ରଶିକ୍ଷକ ଏବଂ ପାଳକ କାର୍ଯ୍ୟକର୍ତାଙ୍କୁ ମିଶାଇ ୧୦୦ ରୁ ଉର୍ଦ୍ଧ୍ୱ ଜଣ ଉପସ୍ଥିତ ଅଛନ୍ତିl