ନୂଆଦିଲ୍ଲୀ: ପ୍ରଥମ ଥର ପାଇଁ ଭାରତରେ ଆୟୋଜିତ ହେବ BIMSTEC ଗୃହମନ୍ତ୍ରୀସ୍ତରୀୟ ବୈଠକ। ଆସନ୍ତା ୧୩ ଅକ୍ଟୋବର ୨୦୨୬ରେ ନୂଆଦିଲ୍ଲୀରେ ଏହି ଐତିହାସିକ ବୈଠକ ହେବ। ଏ ନେଇ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ସୂଚନା ଦେଇଛନ୍ତି।
ଏକ୍ସରେ ପୋଷ୍ଟ କରି ଶାହ କହିଛନ୍ତି, ଏହି ବୈଠକ ଆୟୋଜନ କରିବା ଭାରତ ପାଇଁ ଗୌରବର ବିଷୟ। ଆତଙ୍କବାଦ, ସୀମାପାର ସଂଗଠିତ ଅପରାଧ, ନିଶା କାରବାର, ମାନବ ଚାଲାଣ, ବେଆଇନ ଆର୍ଥିକ କାରବାର ଓ ସାଇବର ବିପଦକୁ ରୋକିବା ପାଇଁ ଏଥିରେ ମିଳିତ ରଣନୀତି ପ୍ରସ୍ତୁତ ହେବ। ଦୃଢ଼ ସମନ୍ୱୟ ମାଧ୍ୟମରେ ଅଧିକ ସୁରକ୍ଷିତ ଓ ସଶକ୍ତ BIMSTEC ଅଞ୍ଚଳ ଗଠନ ପାଇଁ ଭାରତ ପ୍ରତିବଦ୍ଧ ବୋଲି ସେ କହିଛନ୍ତି।