ଏଡେନ: ୟେମେନର ଦକ୍ଷିଣ ସହର ଏଡେନସ୍ଥିତ ଅଲ୍-ମାଶିକ୍ ରାଷ୍ଟ୍ରପତି ଭବନ ଉପରେ ହୁତି ବିଦ୍ରୋହୀଙ୍କ ଆକ୍ରମଣରେ ୫ ଜଣଙ୍କର ମୃତ୍ୟୁ ଘଟିଥିବା ବେଳେ ୧୬ ଜଣ ଆହତ ହୋଇଛନ୍ତି। ୟେମେନ ସ୍ୱାସ୍ଥ୍ୟମନ୍ତ୍ରୀ କାସିମ୍ ମହମ୍ମଦ ବୁହାଇବେଙ୍କ ସୂଚନାକୁ ଆଧାର କରି ଏହି ଖବର ପ୍ରକାଶ ପାଇଛି। ହୁତି ବିଦ୍ରୋହୀଙ୍କ ପ୍ରବକ୍ତା ୟାହ୍ୟା ସାରି ଏହି ଆକ୍ରମଣ ପାଇଁ ନିଜକୁ ଦାୟୀ କରିବା ସହ ସାଉଦୀ ନେତୃତ୍ୱାଧୀନ ବାହିନୀ ବିରୋଧରେ ଏହି ଅଭିଯାନ ଜାରି ରହିବ ବୋଲି ଜଣାଇଛନ୍ତି। ଅନ୍ୟପଟେ, ୟେମେନର ରାଷ୍ଟ୍ରପତି ପରିଷଦ ଅଧ୍ୟକ୍ଷ ରଶାଦ ଅଲ୍-ଅଲିମି ଏହି ଆକ୍ରମଣକୁ ସରକାରୀ ଅନୁଷ୍ଠାନ ଏବଂ ବିମାନବନ୍ଦର ଉପରେ ଚାଲିଥିବା ଆକ୍ରମଣର ଏକ ଅଂଶ ବୋଲି କହିଛନ୍ତି। ସେ ସରକାରୀ ସେନାକୁ ସୁରକ୍ଷା ବ୍ୟବସ୍ଥା କଡ଼ାକଡ଼ି କରିବାକୁ ନିର୍ଦ୍ଦେଶ ଦେଇଛନ୍ତି। ସରକାରୀ ମନ୍ତ୍ରୀମାନେ ସୁରକ୍ଷିତ ଅଛନ୍ତି ଏବଂ ସେମାନେ ସହର ଛାଡ଼ି ଯିବେ ନାହିଁ ବୋଲି ସ୍ପଷ୍ଟ କରାଯାଇଛି। ଏହାର ଜବାବରେ ୟେମେନ ସରକାରୀ ସେନା ମଧ୍ୟ ହୁତି ଠିକଣା ଗୁଡ଼ିକ ଉପରେ ଶହ ଶହ ବିମାନ ଓ ରକେଟ୍ ଆକ୍ରମଣ କରି ପ୍ରଚୁର କ୍ଷୟକ୍ଷତି ଘଟାଇଥିବା ଦାବି କରିଛି।
Houthi attack on Yemen's presidential palace: 5 dead and 16 injured