ନୂଆଦିଲ୍ଲୀ: ମହଙ୍ଗା ବଢୁଥିବା ବେଳେ କେନ୍ଦ୍ରୀୟ କର୍ମଚାରୀଙ୍କ କ୍ରୟ ଶକ୍ତି ବଜାୟ ରଖିବାକୁ DA ଗୁରୁତ୍ୱପୂର୍ଣ୍ଣ। ଏହା ମୂଳ ଦରମା ଉପରେ ଦିଆଯାଏ। ଜାନୁୟାରୀ ୨୦୨୬ରେ ୨% ବୃଦ୍ଧି ହୋଇ DA ୫୮% ରୁ ୬୦% ହୋଇଥିଲା, ଯେଉଁଥିରେ ସରକାରୀ ରାଜକୋଷ ଉପରେ ୬,୭୯୧ କୋଟି ବୋଝ ପଡିଥିଲା। ସେତେବେଳେ ୫୦.୪୬ ଲକ୍ଷ କର୍ମଚାରୀ ଓ ୬୮.୨୭ ଲକ୍ଷ ପେନସନଭୋଗୀ ଲାଭ ପାଇଥିଲେ। ଏବେ ନୂଆ ୩% ବୃଦ୍ଧିରେ DA ୬୩% ହେଲା, ଖର୍ଚ୍ଚ ୧୦,୦୧୬ କୋଟିରେ ପହଞ୍ଚିଲା।
ଟଙ୍କା କେଉଁଠୁ ଆସେ?
ଏହି ଟଙ୍କା ଭାରତର ସଞ୍ଚିତ ପାଣ୍ଠି – Consolidated Fund of India ରୁ ଦିଆଯାଏ। ଏହି ପାଣ୍ଠି ଆମ ସମସ୍ତଙ୍କ Income Tax, Corporate Tax, GST ରୁ ଭରେ। ବାର୍ଷିକ ବଜେଟରେ ଏଥିପାଇଁ ଅଗୁଆ ବ୍ୟବସ୍ଥା ହୋଇଥାଏ।
ହିସାବ କେମିତି?
ସରକାର ମନଇଚ୍ଛା ବଢାନ୍ତି ନାହିଁ। AICPI – ଅଖିଳ ଭାରତୀୟ ଉପଭୋକ୍ତା ମୂଲ୍ୟ ସୂଚକାଙ୍କ ଆଧାରରେ ଫର୍ମୁଲା ଅନୁଯାୟୀ DA ଧାର୍ଯ୍ୟ ହୁଏ। ଯେପରି ୩୦,୦୦୦ ବେସିକରେ ୬୦% DA ମାନେ ୧୮,୦୦୦ ଟଙ୍କା। DA ବର୍ଷକୁ ଦୁଇଥର – ୧ ଜାନୁୟାରୀ ଓ ୧ ଜୁଲାଇରୁ ଲାଗୁ ହୁଏ, ଘୋଷଣା ପରେ ଏରିୟର ମିଳେ।