ବେଙ୍ଗାଲୁରୁ: ଦୀପାବଳି ପୂର୍ବରୁ ସାଧାରଣ ଜନତାଙ୍କୁ ବଡ ଝଟକା ଲାଗିଛି। କର୍ଣ୍ଣାଟକରେ ନନ୍ଦିନୀ ଦୁଧ ଦାମ ବଢିଛି। କର୍ଣ୍ଣାଟକ କ୍ୟାବିନେଟ୍ ନଭେମ୍ବର ୧ ତାରିଖରୁ ଲିଟର ପିଛା ୮ ଟଙ୍କା ବଢାଇବାକୁ ନିଷ୍ପତ୍ତି ନେଇଛନ୍ତି। ଟୋଣ୍ଡ ମିଲ୍କ (ନୀଳ ପ୍ୟାକେଟ୍) ଯାହା ଏବେ ୪୬ ଟଙ୍କା ଅଛି, ତାହା ୫୪ ଟଙ୍କା ହୋଇଯିବ।
କୃଷକଙ୍କୁ ମିଳିବ ଲାଭ
ରାଜ୍ୟ ମନ୍ତ୍ରୀ କୃଷ୍ଣା ବାୟରେ ଗୌଡା କହିଛନ୍ତି ଯେ, ୮ ଟଙ୍କାରୁ ୭ ଟଙ୍କା ସିଧା କୃଷକଙ୍କୁ ଯିବ ଏବଂ ୧ ଟଙ୍କା ମିଲ୍କ କୋଅପରେଟିଭ KMF କୁ ମିଳିବ। ଏଥିରେ କୃଷକଙ୍କୁ ଲିଟର ପିଛା ୪୭ ଟଙ୍କା ମିଳିବ।
ଚାଷୀମାନେ ସରକାରଙ୍କୁ ୧୦ ଟଙ୍କା ବଢାଇବାକୁ ଦାବି କରି ଦିନ ଦିନ ଧରି ଆନ୍ଦୋଳନ କରୁଥିଲେ। ରାଜ୍ୟରେ ୨୦୨୨ ପରେ ୫ମ ଥର ଦାମ ବଢିଛି। ସରକାର କହିଛନ୍ତି ଯେ, “କୃଷକଙ୍କ ଖର୍ଚ୍ଚ ବଢିଛି, ତେଣୁ ଏହି ନିଷ୍ପତ୍ତି ନିଆଗଲା।”