ବାଣପୁର: ଆଜି ସ୍ଥାନୀୟ ବାଣପୁର ଗୋଦାବରୀଶ ସରକାରୀ ଉଚ୍ଚ ବିଦ୍ୟାଳୟ ଠାରେ ବ୍ଲକ୍ ସ୍ତରୀୟ ଶିଶୁ ଶ୍ରମ ମୁକ୍ତ ଗ୍ରାମ ପଞ୍ଚାୟତ ସଚେତନତା ଅଭିଯାନ କାର୍ଯ୍ୟକ୍ରମ ବହୁ ଆଡ଼ମ୍ବରରେ ଆୟୋଜିତ ହୋଇଯାଇଛି। ଏହି କାର୍ଯ୍ୟକ୍ରମରେ ବାଣପୁର ବ୍ଲକ୍ ଗୋଷ୍ଠୀ ଶିକ୍ଷା ଅଧିକାରୀ ସନାତନ ଜାଲି, ବ୍ଲକ୍ ଶ୍ରମ ବିଭାଗର ମୁଖ୍ୟ ଶ୍ରମ ଅଧିକାରୀ, BRCC, ୧୨ ଜଣ CRCC ସମେତ ୧୦୦ରୁ ଊର୍ଦ୍ଧ୍ୱ ପ୍ରତିଯୋଗୀ ଅଂଶଗ୍ରହଣ କରିଥିଲେ।
ପ୍ରତିଯୋଗିତା:
ଏଥିରେ ଦୁଇଟି ବିଭାଗରେ ପ୍ରତିଯୋଗିତା ଆୟୋଜିତ ହୋଇଥିଲା
– ତର୍କ ପ୍ରତିଯୋଗିତା
– ପ୍ରବନ୍ଧ ଲିଖନ ପ୍ରତିଯୋଗିତା
ଛାତ୍ରଛାତ୍ରୀମାନେ ଶିଶୁ ଶ୍ରମ କାହିଁକି ଖରାପ୍, ଏହା ଦ୍ୱାରା ପିଲାଙ୍କ ଭବିଷ୍ୟତ କେମିତି ନଷ୍ଟ ହୁଏ ଏବଂ ଶିଶୁ ଶ୍ରମ ମୁକ୍ତ ସମାଜ କେମିତି ଗଢ଼ାଯିବ – ଏ ବିଷୟରେ ନିଜ ମତ ରଖିଥିଲେ। ଉତ୍ତୀର୍ଣ୍ଣ ପ୍ରତିଯୋଗୀମାନଙ୍କୁ ପ୍ରମାଣପତ୍ର ପ୍ରଦାନ କରାଯାଇଥିଲା।
ପରିଶେଷରେ ଆୟୋଜକ ବିଦ୍ୟାଳୟର ପ୍ରଧାନ ଶିକ୍ଷକଙ୍କୁ ଧନ୍ୟବାଦ ଅର୍ପଣ କରାଯାଇଥିଲା। ଶିଶୁ ଶ୍ରମ ନୁହେଁ, ଶିଶୁଙ୍କ ହାତରେ ବହି ରହୁ – ଏହା ହିଁ ଥିଲା ଏହି ଅଭିଯାନର ମୁଖ୍ୟ ବାର୍ତ୍ତା।