ନୂଆଦିଲ୍ଲୀ,17/12 : ଜାମିଆ ମାଲିଆ ବିଶ୍ବ ବିଦ୍ୟାଳୟର ଛାତ୍ର ମାନଙ୍କ ଶାନ୍ତିପୂର୍ଣ୍ଣ ଆନ୍ଦୋଳନ ସମୟରେ 10 ଜଣ ଅଣଛାତ୍ରଙ୍କୁ ଗିରଫ କରାଯାଇଛି । ଏହି ଅଣଛାତ୍ର ମାନେ ଗାଡି ଗୁଡିକରେ ନିଆଁ ଲଗାଇବାକୁ ଚେଷ୍ଟା କରୁଥିବା ବେଳେ ମଙ୍ଗଳବାର ଗିରଫ ହୋଇଛନ୍ତି । 10 ଜଣଙ୍କକୁ ଗିରଫ କରାଯାଇଥିବା ବେଳେ ସମସ୍ତଙ୍କ ନାମରେ ଅପରାଧିକ ମାମଲା ରହିଥିବା ଜଣାପଡିଛି । ଏହା ମଧ୍ୟରୁ ତିନି ଜଣଙ୍କ ନାମରେ ଗମ୍ଭୀର ଅପରାଧିକ ମାମଲା ରହିଥିବା ଜଣାପଡିଛି । ବିଶ୍ବବିଦ୍ୟାଳୟ ନିକଟସ୍ଥ ଫ୍ରେଣ୍ଡସ୍ କଲୋନୀ ନିକଟରେ ଚାଲିଥିବା ଆନ୍ଦୋଳନ ନିକଟରେ ଏହି ଘଟଣା ଘଟିଥିଲା । ଏହା ସହିତ ଦିଲ୍ଲୀର ଏକାଧିକ ସ୍ଥାନରେ ପୁଲିସ୍ ପକ୍ଷରୁ ଚଢାଉ ଜାରି କରାଯାଇଛି । (ଏଜେନ୍ସୀ)
