ୟେମେନ୍ : ୟେମେନ୍ ଉପରେ ହାଉଥି ଆତଙ୍କୀ ଗୋଷ୍ଠୀଙ୍କ ପକ୍ଷରୁ ପୁନର୍ବାର କ୍ଷେପଣାସ୍ତ୍ର ମାଡ କରାଯାଇଛି ।ଶୁକ୍ରବାର ସଙ୍ଗଠିତ ଆକ୍ରମଣରେ 70ରୁ ଅଧିକ ସୈନ୍ୟ ନିହତ ହୋଇଥିବା ବେଳେ ବୁଧବାର ଦିନ ପୁନର୍ବାର ଆକ୍ରମଣ କରାଯାଇଛି । ବୁଧବାର ବିଳମ୍ବିତ ରାତିରେ କରାଯାଇଥିବା କ୍ଷେପଣାସ୍ତ୍ର ଆକ୍ରମଣରେ 2 ଜଣଙ୍କ ପ୍ରାଣହାନି ଘଟିଥିବା ବେଳେ 50ରୁ ଅଧିକ ଆହତ ହୋଇଛନ୍ତି । ବିଳମ୍ବିତ ରାତିରେ ଏକ କୋଠା ଉପରକୁ କ୍ଷେପଣାସ୍ତ୍ର ମାଡ କରାଯାଇଥିବା ଜଣାପଡିଛି । ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ଆହତଙ୍କ ମଧ୍ୟରୁ 20 ଜଣଙ୍କ ସ୍ଥିତି ଗୁରୁତର ରହିଥିବା ଜଣାପଡିଛି । ମୃତକଙ୍କ ମଧ୍ୟରେ ଜଣେ ମହିଳା ଏବଂ ଶିଶୁ ରହିଥିବା ବେଳେ ଆହତଙ୍କ ମଧ୍ୟରେ 6 ଜଣ ଶିଶୁ ରହିଛନ୍ତି । (ଏଜେନ୍ସୀ)
