ନୂଆଦିଲ୍ଲୀ: ଅଷ୍ଟ୍ରେଲିଆ ଏବଂ ଭାରତ ମଧ୍ୟରେ ଚାଲିଥିବା ତ୍ରିଦିବସୀୟ ମ୍ୟାଚ୍ରେ ଭାରତ ୨-୧ରେ ଜିତି ନେଇଛି। କିନ୍ତୁ ଏବେ ଚର୍ଚ୍ଚାରେ ରହିଛି ଭାରତୀୟ ଅଧିନାୟକ ବିରାଟ କୋହଲି ଓ ଅଷ୍ଟ୍ରେଲିଆ ଓପନର୍ ଡେଭିଡ୍ ଓ୍ବର୍ଣ୍ଣର୍ଙ୍କ ମଧ୍ୟରେ ହୋଇଥିବା ସୌହାଦ୍ଦ୍ୟପୂର୍ଣ୍ଣ ବ୍ୟବହାର। ସୋସିଆଲ୍ ମିଡିଆରେ ଏହାକୁ ନେଇ ବେଶ୍ ଚର୍ଚ୍ଚା ଲାଗି ରହିଛି। ଇନ୍ଷ୍ଟାଗ୍ରାମ୍ରେ ଓ୍ବର୍ଣ୍ଣର୍ ୧୮ଟି ବ୍ୟାଟର ଏକ କଲେକ୍ସନକୁ ‘ଷ୍ଟକ ଟେକିଙ୍ଗ ଟାଇମ‘ର ଶୀର୍ଷକ ଦେଇ ସେୟାର୍ କରିଥିବାବେଳେ ଭାରତୀୟ କ୍ରିକେଟ୍ ଅଧିନାୟକ ବିରାଟ କୋହଲି ବେଶ୍ ମଜାଳିଆ ଢଙ୍ଗରେ ଏହାର ଉତ୍ତର ରଖିଛନ୍ତି। ବିରାଟ ପ୍ରତିକ୍ରିୟାରେ କହିଛନ୍ତି ଯେ, ତମେ ମୋ ଠାରୁ ଆଉ ଗୋଟିଏ ବ୍ୟାଟ ଚାହୁଁଛ। ଏହାର ପ୍ରତ୍ୟୁତ୍ତରରେ ଏକ ହସର ଇମୋଜି ସହ ଓ୍ବର୍ଣ୍ଣର ନିଜ ପ୍ରତିକ୍ରିୟାରେ କହିଛନ୍ତି ଯେ “ ମୁଁ ଯେମିତି କହିଲି ମୋତେ ସେମିତି ଗୋଟିଏ ଦରକାର”। କ୍ରିକେଟ୍ ଜଗତର ଦୁଇ ଦୁର୍ଦ୍ଧର୍ଷ ବ୍ୟାଟ୍ସମ୍ୟାନ ମଧ୍ୟରେ ଚାଲିଥିବା ଏହି ଉତ୍ତର ପ୍ରତ୍ୟତ୍ତୁରର ଖେଳ ତାଙ୍କର ଫ୍ୟାନ୍ସ ମାନଙ୍କୁ ଦ୍ଵନ୍ଦ୍ବରେ ପକାଇଛି।
ବର୍ତ୍ତମାନ ଅକଲ୍ୟାଣ୍ଡରେ ଚାଲିଥିବା ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଚାଲିଥିବା ଟି ଟ୍ବେଣ୍ଟି ମ୍ୟାଚ୍ରେ ଭାରତ ସାତ ୱିକେଟ ରେ ଜିତି ୨-୦ ରେ ଆଗୁଆ ରହିଛି। (ଏଜେନ୍ସି)
