କୃଷ୍ଣଚନ୍ଦ୍ର ସୁଆଁସିଆ
ଗଞ୍ଜାମ : ମନୋରଞ୍ଜନ ଚାନେଲ୍ ‘ଷ୍ଟାର୍ ପ୍ଲସ୍’ରେ ପ୍ରସାରିତ ହେଉଥିବା ରିୟଲିଟି କୁକ୍ ସୋ’ ‘ମାଷ୍ଟର୍ ସେଫ୍’ର ସିଜିନ୍-୬ର ଫାଇନାଲ୍ ରାଉଣ୍ଡ୍ରେ ପହଞ୍ଚିଛନ୍ତି ଓଡ଼ିଆ ପୁଅ ଅବିନାଶ ନାୟକ । ଗଞ୍ଜାମ ଜିଲ୍ଲା ଆସ୍କା ଅନ୍ତର୍ଗତ କାଳଷଣ୍ଡପୁର ଗାଁର ଅବିନାଶ ପ୍ରାରମ୍ଭରୁ ଇନ୍ଫୋସିସ୍ରେ ଇଞ୍ଜିନିୟର ଭାବେ ଚାକିରି କରିଥିଲେ । ଅବିନାଶ ପ୍ରତିଯୋଗିତାରେ ଅଂଶଗ୍ରହଣ କରି କ୍ରମାଗତ ଭାବେ ଓଡ଼ିଆ ଖାଦ୍ୟ ପ୍ରସ୍ତୁତ କରି ବିଚାରକଙ୍କ ମନ ଜିଣିବା ସହିତ ଫାଇନାଲ୍ ରାଉଣ୍ଡ୍ରେ ପହଞ୍ଚିଛନ୍ତି । ମାଷ୍ଟରସେଫ୍ରେ ସେ ଓଡ଼ିଶାର ପ୍ରସିଦ୍ଧ ଖାଦ୍ୟ ଖେଚୁଡ଼ି, ମୁଗ ଓ ମାଛ ତରକାରୀ ରୋଷେଇ କରି ବିଚାରକଙ୍କର ମନ ଜିଣିଥିଲେ । ଜାତୀୟ ସ୍ତରରେ ଅବିନାଶଙ୍କ ଏଭଳି ଯାତ୍ରା ପାଇଁ ନିଜ ଜନ୍ମ ମାଟିରୁ ଆରମ୍ଭ କରି ସମଗ୍ର ଓଡିଶାବାସୀଙ୍କ ପ୍ରଂଶସାର ସୁଅ ଛୁଟୁଛି । ଫାଇନାଲରେ ବିଜୟ ହେବା ପାଇଁ ସମସ୍ତେ ଶୁଭକାମନା ଜଣାଉଥିବା ଦେଖିବାକୁ ମିଳୁଛି ।
Tags: Ganjam, masterchef
