ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର : ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ବ୍ଳକ୍ ଅମୁଣିଆ ସାହି ନିକଟସ୍ଥ କପିଳେଶ୍ୱର ମନ୍ଦିର ନିକଟରେ ଜୁଆଖେଳ ଚାଲିଥିବା ବେଳେ ପୁରୁଷୋତ୍ତମପୁର ଥାନାଧିକାରୀ ଚଢ଼ାଉ କରିଥିଲେ । ପୋଲିସ୍ ସେଠାରୁ 12 ଜୁଆଡ଼ିଙ୍କୁ ଗିରଫ କରିବା ସହ 20940 ଟଙ୍କା ଏବଂ 4ଟି ମୋବାଇଲ୍ ଫୋନ୍ ଜବତ କରିଛି । ସୂଚନାଥାଉକି ପୁରୁଷୋତ୍ତମପୁର ବ୍ଳକ୍ ଅଂଚଳରେ ଏହିଭଳି ରୀତିମତ ଜୁଆଖେଳ ଚାଲିଥିବା ଜଣାପଡ଼ିଛି । କୌଣସି ସୂତ୍ରରୁ ଖବରପାଇ ପୋଲିସ୍ ଜୁଆଆଡ୍ଡା ଉପରେ ଅତର୍କିତ ଚଢ଼ାଉ କରିଥିଲା । ଚଢ଼ାଉ ବେଳେ କିଛି ଜୁଆଡ଼ି ଛତ୍ରଭଙ୍ଗ ଦେଇଥିବାବେଳେ 12 ଜଣ ପୋଲିସ୍ ହାବୁଡ଼ରେ ପଡ଼ିଥିଲେ । ଗିରଫ ଜୁଆଡ଼ିମାନେ ହେଲେ ଗଜେନ୍ଦ୍ର ଗୌଡ଼ (23), ମାଧବ ବେହେରା (35), ସୋଲି ବେହେରା (30), ଡ଼ାକ ଗୌଡ଼ (23), ରକେଶ ଗୌଡ଼ (28), ଅରୁଣ କୁମାର ସ୍ୱାଇଁ (41), ଗନ୍ତେଇ ବେହେରା (50), ଲିଲୁ ଗୌଡ଼ ଓରଫ୍ କରୁଣାକର (31), ମୋହନ ବେହେରା (23), ବୁଲୁ ଗୌଡ଼ (41), ନାରାୟଣ ସାହୁ (31 । ସମସ୍ତ ଜୁଆଡ଼ି ପୁରୁଷୋତ୍ତମପୁର ଅଂଚଳର । ଏନେଇ ଥାନାରେ 41/20ରେ ଏକ ମାମଲା ରୁଜୁ କରାଯାଇ ସମସ୍ତ ଜୁଆଡ଼ିକୁ କୋର୍ଟଚାଲଣ କରାଯାଇଥିବା ଜଣାପଡ଼ିଛି ।
