ସମୀକ୍ଷା ବ୍ୟୁରୋ
ଭୁବନେଶ୍ବର : ଭୁବନେଶ୍ୱର ସହର ଉପକଣ୍ଠ କଳାରାହାଙ୍ଗ ଗ୍ରାମପଞ୍ଚାୟତର ଇଞ୍ଜଣା ଗ୍ରାମରେ ସ୍ଥାନୀୟ ଯାଦବ ସଂଘ ଆନୁକୂଲ୍ୟରେ ପଞ୍ଚୁଦୋଳ ଅବସରରେ ଲଉଡ଼ି ଓ ରାମତାଳି ପ୍ରତିଯୋଗିତା ସଭାପତି ହରିହର ବେହେରାଙ୍କ ପୌରହିତ୍ୟରେ ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ଅତିଥି ଭାବେ ଓ-ଟିଭି ର ଡେପୁଟି ଆଉଟ୍ପୁଟ୍ ଏଡ଼ିଟର ଦେବବ୍ରତ ପୋଢ, ଉତ୍କଳ ଯାଦବ ମହାସଭା ସାଂସ୍କୃତିକ ସେଲ୍ ସଂଯୋଜକ ଲକ୍ଷ୍ମୀଧର ବେହେରା, ଲକ୍ଷେଶ୍ୱର ଆଞ୍ଚଳିକ ଓଡ଼ିଶୀ ସଂକୀର୍ତ୍ତନ ମହାମଣ୍ଡଳୀ ମହନ୍ତ ନଳିନୀ କୁମାର ସ୍ୱାଇଁ, ଅଧିକାରୀ ଚୈତନ୍ୟ ସାହୁ, ସାମ୍ବାଦିକା ଚିତ୍ରାଙ୍ଗଦା ପ୍ରଧାନ ପ୍ରମୁଖ ଯୋଗଦାନ କରିଥିଲେ । ଓଡ଼ିଶାର ଜଗନ୍ନାଥ ସଂସ୍କୃତି ଓ ରାଧାକୃଷ୍ଣ ଚେତନାର ଏକ ଅପୂର୍ବ ସମନ୍ୱୟ ଓ ଏହି ଆଧ୍ୟାତ୍ମିକ ଲୋକକଳାକୁ ବଞ୍ଚାଇ ରଖିବାରେ ରାଜ୍ୟର ଯାଦବ ସମୁଦାୟ ଯେଉଁ ନିରନ୍ତର ଉଦ୍ୟମକୁ ପ୍ରଶଂସା କରିଥିଲେ । ଏହି କାର୍ଯ୍ୟକ୍ରମରେ ୧୨ ଗୋଟି ଲଉଡ଼ି ମେଳ ଲଉଡ଼ି ନୃତ୍ୟ ପରିବେଷଣ କରିଥିଲେ । ଏହି କାର୍ଯ୍ୟକ୍ରମକୁ ଗଙ୍ଗାଧର ବେହେରା, ଗୁଣନିଧି ବେହେରା, ପ୍ରମୋଦ ବେହେରା, ପିଣ୍ଟୁ ବେହେରା, ଦାଶରଥି ବେହେରାଙ୍କ ସମେତ ଇଞ୍ଜଣା ଗ୍ରାମ ମଙ୍ଗଳ ସମିତିର ସଭାପତି ବିକ୍ରମ ପ୍ରଧାନ, ପୂର୍ବତନ ସଭାପତି ଉଦ୍ଧବ ସାମଲ, ପ୍ରଦୀପ କୁମାର ଦାସ, ଅର୍ଜୁନ ପରିଡ଼ା, ବାବନ ସ୍ୱାଇଁଙ୍କ ସମେତ ଇଞ୍ଜଣା ଗ୍ରାମବାସୀ ପରିଚାଳନା କରିଥିଲେ । କାର୍ଯ୍ୟକ୍ରମ ଶେଷରେ ପ୍ରତ୍ୟେକ କଳାକାରଙ୍କୁ ଉତ୍ତରୀୟ, ମାନପତ୍ର, ଘଣ୍ଟି, ଘାଗୁଡ଼ି ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା ।
